Глава 2-я.

Имяславiе Ветхозаветное.

       Тропарь, гласъ 4:

Сiя глаголетъ Богъ Вседержитель: / Азъ Господь Богъ, сiе Мое есть Имя Вечное, [1].[2]/ Живу Азъ и присно живетъ Имя Мое.[3] /  И ныне заповедь сiя  вамъ священницы: / аще не примете къ сердцу вашему / славу Имени Моему воздати, / прокляну васъ и благословенiе ваше, / и уже проклинаю, / яко не хотите приложить к тому сердца.[4]

  инъ Тропарь, гласъ 4:

Вамъ, благоговеющимъ предъ Именемъ Моимъ, / глаголетъ Господь Вседержитель, / взойдетъ солнце правды и исцеленiе въ лучахъ его, / и выйдете и взыграете, яко тельцы отъ узъ разрешенiи: / попирати имате нечестивыя, / будутъ бо прахомъ под стопами вашими, / въ день, воньже Азъ сотворю.[5] / О боящихся же Бога и чтущихъ Имя Его / предъ лицемъ Его пишется памятная книга.[6].[7]       

      Кондакъ, гласъ 4:

Яко да Имя Мое не осквернится предъ языки… / вы же доме Израилевъ, / сице глаголетъ Адонаи Господь: / кiйждо кумиры своя отымите, / и аще послушаете Мене, / и Имени Моего Святаго не осквернавити…/ И познаете, яко Азъ Господь, / да Имя Мое не осквернится /  злыми путями вашими.[8]    

    Молитва к Богу о Имени Пресвятыя Троицы.

Всеблагiй Господи: Боже Отче, Боже Сыне, Боже Душе Святый! Пресвятая, Живоначальная, Единосущная и Нераздельная Троице: съ верою несумненною и любовiю сердечною приносимъ поклоненiе Твоему Всемогущему, Державному Имени, иже, по Апостолу Ерме держитъ весь мiръ![9] Въ сiе  апокалипсическое время всемiрнаго отступленiя отъ Божества и бытiя Твоего Имени, коему начало положил на Небесах Архангел Денница, а в Россiи  возобновил имяборчество Ангелъ Церкви Россiйской Синодъ въ 1913 году, - мы, недостойные, сподобившiеся по Твоей милости быти исповедниками пресладкаго Имени Твоего, при помощи Твоей благодати, со всеми Святыми и съ Святою Соборной Апостольской Церковью веруемъ въ Божество Твоего Имени, славимъ, почитаемъ и поклоняемся Тебе, Господи, о Имени Твоемъ! Веруемъ, Господи, яко честь образа переходитъ на первообразное, тако и хула образа переходитъ на первообразъ; честью же воздаваемой Имени Твоему, чествуется Лице Твое,  хулою же Имени Твоего безчестится Лице Твое. Сiе, Ты, Господи, утаилъ еси отъ премудрыхъ и разумныхъ века сего, и открылъ младенцамъ и нам недостойнымъ, последователямъ исповедниковъ святыхъ мучениковъ Афонскихъ, пострадавшихъ за честь, славу и Божество  достопоклоняемого Имени Твоего. Посему, усердно молимъ Тя, Всемогущая Пресвятая Троице, помилуй насъ грешныхъ, очисти нас от всякой скверны плоти и духа Имени ради Твоего, и аще чемъ по немощи нашей согрешимъ, настави насъ на искреннее покаянiе, прости намъ вся беззаконiя наша; Славы ради Имени Твоего не попусти  грехами нашими осрамить наше званiе исповедническое, дабы не сквернилось Твое Пресвятое Имя, и сего ради да не будемъ изглаждены изъ книги жизни Агнца закланнаго отъ созданiя мiра. Помоги намъ, всемилостивая Всесвятая Троице, до конца сохранить слово терпенiя и не отречься отъ Имени Твоего,[10] якоже отреклись имяборцы и  довели народ до отступленiя отъ Всесвятейшаго Имени Твоего.[11] Умоляемъ Тя, Пресвятая Троице, молитвами Пресвятой Богородицы, Святыхъ Архангеловъ, Ангеловъ и всехъ Святыхъ Твоихъ, сохрани насъ отъ поклоненiя антихристу, да въ правой вере,  в целомудрiи и чистоте окончим земной удел нашей жизни, а въ будущемъ веке сподобимся Небеснаго Царствiя, въ немъ же со всеми небожителями радостно ликуя славить и величать Пресвятое достопоклоняемое Имя Твое Отца и Сына и Святаго Духа, во веки. Аминь.

                                       ИЗДАТЕЛИ, СДЕЛАЙТЕ КРЕСТ ПО ЦЕНТРУ и НАДПИСЬ ПОД КРЕСТОМ СИММЕТРИЧНО КРЕСТУ, А НЕ СБОКУ! Равно и на титульном листе.

Звездочки и крестики ставьте посередине, а не сбоку!

В Оглавлении слово «Часть» или «Раздел» ставьте центру, а не сбоку!

Глава 3.

Слава Имени Iисусъ Христову!

Слава Ему во веки!

Аминь.

                                                  Имяславiе Новозаветное.

Песнопения и молитвы Сладчайшему Iисусу Христу о Имени Его.

Тропарь, глаъ 8: [12]

Съ высоты принесеся Имя Твое Iисусе Спасе нашъ, / на наше избавленiе во искупленiе рода человеческаго. / Отъ Твоего Имени, Иисусе, трясется адъ./  Мы же  призываемъ Имя Твое, Iисусе, / и симъ пресладкимъ Именемъ даруй намъ спасенiе.[13]

ин Тропарь, глас 4:

Приидите почерпите воду с веселием от источника спасения. / Хвалите Господа, воспойте Имя Его,[14] / возвестите во языцех славная Его: / поминайте, яко вознесеся Имя Его. / Хвалите Имя Господне,[15] яко высокая сотвори Господь: / возвестите сия по всей земли.[16] / Iисусе, Спасительное Имя, помилуй мя.[17]

Кондакъ, гласъ 6:

Царское Имя «Iисусъ» / на небеси и на земли царствующее: [18] / на небеси все естество Ангельское / безпрестанно славитъ пресвятое Имя Твое, Iисусе;[19]/ на земли людiе возносятъ туюжде песнь,[20] / составляется общее торжество небесныхъ и земныхъ существъ вкупе славящихъ Тя. / «Iисусе, Спасительное Имя, помилуй мя».[21]

ин Кондакъ, гласъ 4:

Имя Твое Iисусе Спасе наш, / аки солнце мiр облеста, / аки мvро благовонное вселенную облагоуха: / удиви Ангелов, обрадова человеков, / устраши бесов и  прогоняется мракъ имяборчества, / благочестiя же возсiявает светъ, / и просвещаетъ всякаго человека, въ мiръ грядущаго.[22]

     Богородиченъ, гласъ 2:

Се Дева приметъ во чреве и родитъ Сына, / и нарекутъ Имя Ему Еммануилъ,[23]/ еже есть Искупитель отъ века, / якоже глаголетъ Исаiя; [24]/ Iисусъ бо во времени совершилъ еси Искупленiе.  

Имени Iисуса Христа стихиры, гласъ 4: [25]

Дивное Имя Твое, Iисусе Спасе наш, / ангели поютъ на небеси, / и мы грешнiи на земли / бренными устнами воспеваем, / Его же ради помилуй нас.

Превеликое Имя Твое Спасе наш, / на небеси одесную Отца седящу Ти, почитается:/ на земли же неизреченное Твое воплощенiе славится: / во ад же сошествiе бесы устрашаетъ: / отъ нихъ же избави ны, / Христе Боже, и спаси насъ.

«Ангеловъ Творче и Господи силъ, / отверзи ми недоуменный умъ и язык / на похвалу пречистаго Имене Твоего, / якоже глухому и гугнивому древле / слухъ и языкъ отверзлъ еси».[26]

«Все естество ангельское / безпрестанно славит пресвятое Имя Твое, Iисусе, / Святъ, Святъ, Святъ, вопiюще; / мы же грешнiи на земли / бренными устнами вопiемъ: / Аллилуiа» [27]

МОЛИТВА-ФИМVАМЪ  СЛАДЧАЙШЕМУ ИМЕНИ IИСУСЪ  ХРИСТОВУ.

О сладчайшiй Господи Iисусе! / Азъ, нищъ и убогъ есмь, дерзаю призывати чудное, и страшное, и Святое Имя Твое, Iисусе, / Егоже вся тварь небесныхъ силъ страхомъ трепещетъ…/ и Тебе неизглаголаннаго Света призываю, / немощiю плоти обложенъ:[28] / Поклоняемся съ усердiемъ Пресвятому Имени Твоему; / лобызаемъ  Тя любезно, о сладчайшее Iисусово Имя![29] / Яко отъ востокъ солнца и до западъ Твое Имя, Iисусе, / прославляется посреде языковъ, / и на всякомъ месте приносится Имени Твоему фимiамъ и жертва чиста – молитвы святыхъ.[30] / Темъ же и мы молимся Святому Имени Твоему, глаголя: / Господи Iисусе Христе, помилуй насъ![31] / Ты, Господи Боже отецъ нашихъ, / «отъ века Имя Твое –Искупитель нашъ»![32] / Ты Самъ реклъ еси: / «Азъ Господь Богъ, сiе Мое есть Имя»[33] «Вечное»[34], «Живу Азъ, и присно живетъ Имя  Мое»,[35] / – оживи душу мою умервщленную безчисленными страстями, / оживи ю Святыми Твоими живыми Именами;[36] / Имя Твое по естеству Свято,[37] / – просвети мое омраченное сердце,  оскверненное безчисленными грехами. / Имя Твое Iисусе Спасе, / оружiе непобедимое и помощь непреодолимая,[38] / – победи моя хитросплетенныя страсти / и помоги мне избавиться отъ лютыхъ действiй дiавольскихъ, / не попусти погрязнуть въ нихъ. / Имя Твое Христе – Утешитель,[39] / утешь мою душу, погруженную во многiя печали и безконечное унынiе, /  избави меня отъ смертоноснаго отчаянiя. / Божественное, Святое, Великое, страшное и вседейственное Имя Iисуса призываем / для изгнанiя твоего отступникъ, / и запрещенiя тебе дiаволъ, вредить; / запрещаетъ тебе дiаволъ, Господь силъ,  Имя Его… / Самъ Господь запрещаетъ тебе дiаволъ, страшнымъ Своимъ Именемъ: / дрожи, трепещи, устрашись, уйди, сгибни, / и исчезните вси злые духи![40] / Имя Твое Iисусе Спасе, отпускаетъ грехи, / – отпусти моя безчисленные согрешенiя и грехопаденiя. / Власть Божiя – Имя Божiе,[41] /– овладей всеми моими чувствами и волею, / дабы мне непрестанно славить Твое, Iисусе, Сладчайшее Имя. / Имя Твое – воля Твоя:[42] / да будетъ воля Твоя, яко на небеси и на земли. / Яко Ангелы святятъ Имя Твое,[43] / такъ да сподобимся и мы святить Его. / Имя возлюбленнаго Сына Божiя есть дверь и единственный доступъ ко Господу:[44] / О, Сладчайше Iисусово Имя!/ открой намъ двери Царствiя Твоего Небеснаго! / Мvро излiянное, о, Сладчайшее Iисусово Имя![45] облагоухай насъ Твоимъ Святымъ благоуханiемъ  и пройди во уды наша, / во вся составы, / во утробу, / въ сердце, / и все мои чувства просвети, / и всего мя сопригвозди страху Твоему./ Боже, во Имя Твое, спаси мя![46] / Поелику призываю Имя Твое, Iисусе, / то Симъ Самымъ Именемъ даруй мне спасенiе. Услади сердце наше Самимъ Тобою, Iисусе; / знаменай и печатлей насъ рабовъ Твоихъ, Именемъ Твоимъ Iисусе, да и в будущiй векъ Твой обрящемся, и со Ангелы Пречестное и Великолепое Имя Твое, Iисусе, / славити и воспевати будемъ во веки вековъ. Аминь.[47]

Величанiе.

Величаем Тя, / Живодавче Iисусе Христе, / и со Ангелы поклоняемся Имени Святому Твоему,[48] / Имже держиши мiръ весь / и спасаеши нас от работы вражiя.[49]   

    Молитва ко Господу  Iисусу Христу

                         о Имени Его.[50]

Господи 1исусе Христе, Сыне Божiй, Единородный, Ты рекл еси: «Знаменiя же веровавшим сiя последуют: Именемъ Моимъ бесы ижденут: языки возглаголют новы: змiя возмут: аще и что смертно испiют, невредит их: на недужныя руки возложат, и здрави будут».[51]

Милостивый Господи, Спасителю наш! Ты даровал еси исповедникам Имени Божiя оружiе непобедимое и помощь непреодолимую - Сладчайшее и Всемогущее Имя Твое  «1исусъ»!   Веруем,  Господи,  Слову  Твоему,  и  по  заповеди  Отца  Твоего

Небеснаго, веруем во Имя Твое Пресвятое:[52] даруй же нам, ради веры нашей, запечатлеть в душах и сердцах наших Твое обещанiе: Именемъ Твоимъ побеждать козни вражiи возстающiе на нас, и поражать врагов наших видимых и невидимых. Сподоби, Господи, нас грешных всегда пребывать в правой вере под кровом Всемогущего Твоего Имени: да славим и воспеваем Державное[53] Имя Твое, купно со Отцемъ Твоимъ, и Святымъ Духомъ, во веки, аминь.

Глава 4-я.

Молитвословия Св. Iоанну Кронштадтскому. (19,Х; 20.ХII)[54]   

Тропарь, гласъ 4:

Дивный пастырь показался еси / богоблаженне Iоанне Кронштадтскiй, / подобен великим святителям в лике святых просiявшим, / чрез них же благодать Христа Бога воспрiял еси: / недуги душевныя и телесныя исцеляти, / малодушныя утешати и в вере укрепляти, / ленивыя на покаянiе воздвизати, / заблудшiя к Православiю наставляти, / благочестивыя въ Таинстве причащенiя со Христомъ соединяти. / Сего ради любовiю ублажаемъ тя, / молящагося о душахъ нашихъ.

инъ Тропарь, гласъ 2:

Великiй праведникъ и всемiрный молитвенникъ, / чудотворче предивный, / целитель пресладостный, / притекавшихъ къ тебе недужныхъ множество / молитвою твоею ты ихъ исцелялъ еси. / Даруй и мне, падшему въ грехи многiя,  исцеленiе душевное и телесное; / испроси у Бога согрешенiям моим прощенiе, / любимый пастырю нашъ отче Iоанне Кронштадтскiй, / и молися ко Господу спастися душамъ нашимъ.

    Кондакъ, гласъ 8:

Праведникъ Божiй и великiй чудотворче, / столпъ и утвержденiе Церкви Христовой, / путеводная звезда истинного Православiя, / изводящая отъ ереси и къ Божественней истине приводящая, / любвеобильный наш батюшка Iоанне Кронштадтскiй, / моли милосердiе Божiе, разрешенiе грехом нашим даровати, / на путь покаянiя наставити и въ правой вере утверждати, / и даръ молитвы Iисусовой воспрiяти / исповедникамъ Божества Имени Божiя, / съ верою и любовiю молитвенно къ тебе прибегающимъ.

ин Кондакъ, гласъ 3:

Отъ младенства Богомъ призванный / и во отрочестве даръ ученiя отъ Него чудесно прiявый, / ко пресвитерству въ сонномъ виденiи призванный, / и пастырь Христовы Церкви великiй бывый, / отче Iоанне благодати соимените, / Моли Христа Бога, / всемъ намъ съ тобою быти въ Царствiи Небесномъ.

ин Кондакъ, гласъ 8:

Избранный угодниче и преславный чудотворче, / добрый пастырь и о мiре пламенный молитвенниче, / хвалебное отъ любве нашея возсылаемъ ти пенiе; / ты же яко имеяй велiе дерзновенiе молитвенное ко Господу; / от всякихъ насъ бедъ свободи, умиленно поющихъ ти: / Радуйся отче Iоанне треблаженне, / всемiрный светильниче Церкви Христовой.

                                               Молитва.

Дорогой нашъ Батюшка отче Iоанне Кронштадтскiй! Прiими благоутробно сiе малое, по силе нашей приносимое тебе хвалебное пенiе: вемы, яко ты милостивый о насъ грешныхъ заступник и молитвенникъ предъ Господомъ: вознеси о насъ недостойныхъ обычные твои пламенные молитвы къ Богу во Святей Троице, да пробавитъ милость Свою намъ грешнымъ, и избавитъ милосердный нашъ Спаситель Iисусъ Христосъ отъ всякiя скорби и болезни непомерныя, отъ прелестей и соблазновъ мiра сего, отъ помраченiя и смерти духовной, отъ наглой внезапной смерти и будущего вечного мученiя уготованного нераскаяннымъ грешникамъ. О, милостивый отче Iоанне! Испроси у Господа и у Царицы спасенiя нашего Всепетой Приснодевы Марiи Богородицы прощенiе многихъ нашихъ согрешенiй при исходе нашемъ изъ жизни земной. Къ тебе прибегаемъ и Тебя молимъ усердно,  любвеобильный нашъ Батюшка, яко скорбями и грехами обременены есмы, не отрини насъ отъ твоего заступленiя, вонми гласу отчаянныхъ, немоществующихъ, разсеянныхъ, блуждающихъ по распутiямъ въ нощи греховней словесныхъ овецъ Божiего стада, а твоихъ чад, измученныхъ жизнью суровой въ богоотступническомъ мiре; возстави ны падшихъ во многiя грехи и беззаконiя, яко смесилися во языцехъ и навыкоша деломъ ихъ; укрепи насъ до кончины пребывати въ благочестiи и чистоте, въ истинной Православной вере, въ исповеданiи Божества Спасительного Имени Божiя; испроси намъ у Господа обновленiя душъ нашихъ покаянiемъ, яко вторымъ крещенiемъ, и прими всехъ правоверныхъ христiанъ въ твое вечное наследiе, да будетъ благословенно и препрославленно Имя Пресвятыя Троицы: Отца, и Сына, и Святаго Духа во веки вековъ. Аминь.                                          

Молитва иная.

Добрый пастырь нашъ, отче Iоанне Кронштадтскiй, такъ нежно и горячо любившiй свой народъ! Помолись тамъ, на небе, за горячо любящихъ и преданныхъ тебе истинно-православныхъ христiанъ; помяни насъ грешныхъ въ святыхъ молитвахъ твоихъ предъ престоломъ Божiимъ, и никогда не оставляй насъ своею христiанскою любовiю, какъ не оставлялъ здесь на земле; помоги намъ сохранить Святое Православiе, избежать козней антихриста, да твоимъ ходатайствомъ предъ Богомъ сподобимся здесь и на небе святить достопоклоняемое Имя Его во веки вековъ. Аминь.            

Величанiе.

Величаемъ тя, / преподобне отче Iоанне Богоносне, / и чтемъ святую память твою, / наставниче всехъ ко спасенiю, / и собеседниче Ангеловъ.   

                                           Глава 5-я.

 Молитвословия мученикамъ Афонскимъ за Имя Господне

убiеннымъ в 1913 году.

              Тропарь, гласъ 6:

Онебесившiи житiе ваше Афонстiи мученицы, / славнымъ подвигомъ исповедничества, / егда веленiе архiимяборца Никона подписати грамоту синодальную попрали есте, / Божество Имени Божiя отвергшую, / Имя же Iисуса Сладчайшее  обругавшую / и аки простое имя человеков нарекшую. / Вы же славнiи Божiи исповедницы / Имя Господне защитившiе, / за Него же и души своя предавшие, / и венцы отъ Господа прiявшiе: / дерзновенными вашими молитвами ко Господу, / испросите прощенiе греховъ нашихъ / и помогите нам сохранити веру во Имя Господне.

            ин Тропарь, гласъ 1:

Болезньми Святыхъ мучеников Афонских / за Имя Твое пострадавших, / умоленъ буди, Господи, / и вся наша болезни исцели, / Человеколюбче, молимся.             

                Кондакъ, гласъ 2:

Какими устами восхвалимъ вашъ подвигъ, / славнiи исповедницы и мученицы Афонстiи, / души своя за Имя Господне предавшiи, / и смерть отъ нечестиваго архiерея Никона прiявшiи / егда отказастеся ересь подписати имяборческую? / Да будетъ похвала вамъ от Господа! / А насъ спасайте  святыми вашими молитвами.

                                                                         Величанiе.

Величаемъ Васъ, / Святiи мученицы, исповедницы Афонстiи, / и чтемъ честная страданiя ваша, / яже за Имя Господне претерпели есте.

                                                            Глава 6-я.

Молитвословия преп. Арсенiю миссiонеру, Афонскому исповеднику.  

(1837+28.08.1913)

       Тропарь, гласъ 4:

Ревнителя чистоты Православiя, / восхваляемъ тя, отче Арсенiе, / служителю верный на ниве Господня виноградника, / звезда пресветлая Церкви Христовой, / любимый нашъ наставниче, / многими труды подвизался еси / ограждая Церковь отъ лютыхъ Фарраровскихъ ересей, / друже Iоанна Кронштадтскаго, / на Афоне ревностный поборникъ Имяславiя явился еси, / дерзновенно обличивъ имяборчество, / и тамо блаженно скончавыйся. / Моли о насъ милосердiе Божiе, / чтущихъ любовiю святую память твою.

     Кондакъ, гласъ 8:

Чудо чудесъ совершишася на тебе, отче Арсенiе, / во славу превечнаго Имени Божiя, / егда возгореся во святей Горе Афонстей ересь имяборческая, / тогда воздвиже тя Господь на защиту Имени Своего / могучего славнаго миссiонера; / на последокъ дней твоихъ призвал еси, Отче, / на защиту истиннаго Православiя, его же сохранити намъ, моли Христа Бога.

                                                Молитва.

О,