Ныне отпущаеши: Трисвятое, по Отче нашъ:

Тропарь, гласъ 4:

Исповедниче Афонскiй отче Георгiе, / научилъ еси и насъ подвигу исповедничества, / долгожитель и любимиче нашъ, / указавый легчайшiй намъ путь ко спасенiю, / отче Отцевъ славная красото, / мы же последователи исповедничества Афонскихъ мучениковъ, / за Имя Господне пострадавшихъ, / вопiемъ ти со умиленiемъ, / яко можеши молитися ко Господу, / молися о нас чадахъ твоихъ, избавитися намъ отъ бедъ и искушенiй, / съ любовiю почитающихъ святую память твою.

И ныне, Богородиченъ, гласъ 4:

О, милосердная Мати Божiя! / Заступнице усердная рода христiанскаго! / заступи и спаси насъ, славящихъ Имя Сына Твоего Iисуса Христа / и Твое Пресвятое и Пречистое Имя, / моли Его оставити многая наша и лютая прегрешенiя, / яко милосердъ ко всемъ кающимся и славящимъ, / Божественное и пресладкое Имя Его.

Поемъ: Буди Имя Господне благословенно отъ ныне и до века. (трижды).

Слава, и ныне…

Благословлю Господа на всякое время… (псал. 33) до: не лишатся всякаго блага.

И: Шестопсалмiе.

На утрени,

По шестопсалмiи, Ектенiя великая. (Господи помилуй, 12, и: Аминь)

Богъ Господь и явися намъ: гласъ 4:

Тропарь Святаго, (зри выше)

Слава и ныне: Богородиченъ, гласъ 4:

Безневестная Дево, / Бога неизреченно плотiю рождшая на спасенiе мiру, / молимъ Тя, Заступнице, Неискусомужная Мати: / моли Сына Твоего и Бога нашего: / даровати намъ греховъ оставленiе, и лютыхъ испытанiй избавленiе, / прославляющимъ Имя возлюбленнаго Сына Твоего, / и Твое славящихъ благодатное Имя, Дево Пречистая.

Таже стихословимъ кафизмы, по уставу.

Поется: Господи помилуй, Господи помилуй, Господи помилуй, слава Отцу и Сыну и Святому Духу

Чтецъ: И ныне и присно, и во веки вековъ, аминь.

И чтетъ 1-ю кафизму (по уставу).

По 1-й кафизме:

Чтецъ: Слава: и ныне: аллилуiа (трижды), Господи помилуй, Господи помилуй, Господи помилуй. И:

Седаленъ, гласъ 4:

Благъ Господь и милостивъ / любящимъ и славящимъ пресладкое Имя Его; / рече бо пророком Господь: / благоговеющим Имени Моему, / взойдетъ Солнце Правды и исцеленiе в лучахъ его;[31]/ Солнце Правды – Христосъ Богъ нашъ; / лучи же суть ручьи благодати истекающiя / на всехъ благоговейно чтущихъ и прославляющихъ Имя Его. / Молимъ тя отче Георгiе: молися о насъ / сподобитися со Ангелы и всеми Святыми / и вкупе с тобою славити на небеси Имя Господне.

Слава и ныне, Богородиченъ:

Надеждо Христiанъ Всесвятая Дево, / Егоже родила еси Бога паче ума и слова, / непрестанно моли съ небесными силами / даровати отпущенiе согрешенiй всемъ намъ, / и исправленiе житiя нашего, / верою и любовiю славящимъ Имя Твое.

Ликъ: Господи помилуй (трижды), слава Отцу и Сыну и Святому Духу.

Чтец: И ныне… и чтетъ 2-ю кафизму (по уставу).

По 2-й кафизме:

Чтецъ: Слава, и ныне… Аллилуiа. Господи помилуй, 3, И:

Седаленъ, гласъ 6:

Буди, Господи, милость Твоя на насъ, / молитвами любимаго отца нашего Георгiя, / со Ангелы и всеми Святыми / воспевающаго Трисвятое Имя Твое на Небеси, / чрезъ негоже и мы научихомся славити Имя Твое на земли, / да сподобимся вечно славити и на небеси / Пресладкое Имя Твое, Господи.

Слава и ныне, Богородиченъ:

О Пресвятая Владычице Дево Богородице, / Мати Господа Преблагословенная! / Вонми гласу моленiя насъ грешныхъ и недостойныхъ рабъ Твоихъ; / взыщи души наша во гресехъ погибающiя, / но отъ нашея любве къ Тебе вопiющихъ: / настави ны заблуждающихся на спасительный путь покаянiя, / и еже славити и величати Имя Господне, / и Твое благодатное Имя Всепетая.

Полiелей: (Церковь прославляетъ Имя Господне)

Ликъ: Хвалите Имя Господне, хвалите раби Господа, Аллилуiа, Аллилуiа, Аллилуiа.[32]

Благословенъ Господь от Сiона, живый во Iерусалиме. Аллилуiа, Аллилуiа, Аллилуiа.

Исповедайтеся Господеви, яко благъ, яко ввекъ милость Его. Аллилуiа, Аллилуiа, Аллилуiа.

Исповедайтеся Богу Небесному, яко ввекъ милость Его. Аллилуiа, Аллилуiа, Аллилуiа.

Величанiе:

Ублажаемъ Тя, / преподобне отче Гергiе, / и чтемъ святую память твою, / наставниче всехъ ко спасенiю, / и собеседниче Ангеловъ.

Псаломъ избранный: Воспойте Господеви, / пойте Имени Его.[33]

Величаемъ:

Ины псалмы избранные: Свято и страшно / Имя Его.[34]

И хвально и прославленно / Имя Твое во веки[35]

Господи, посли благодать Твою въ помощь мне, / да прославлю Имя Твое Святое![36]

Услышитъ Тя Господь въ день печали, / защититъ Тя Имя Бога Iаковля[37]

Повемъ Имя Твое братiи моей, / посреде церкви воспою Тя.[38]

Господи, Господь нашъ, / яко чудно Имя Твое по всей земли![39]

Величаемъ:

По Имени Твоему, Боже, тако и хвала Твоя / на концахъ земли.[40]

Да разумеютъ языцы, / яко Имя Тебе – Господь[41]

И да уповаютъ на Тя, / знающiе Имя Твое[42]

Восхвалю Имя Бога моего съ песнiю, / возвеличу Его во хваленiи.[43]

Будетъ Имя Его благословенно во веки, / прежде солнца пребывает Имя Его.[44]

Величаемъ:

Людiе безумнiи / хулятъ Имя Твое.[45]

Нищъ и убогъ / восхвалита Имя Твое.[46]

Азъ Господь Богъ, / сiе есть Имя Мое.[47]

Живу Азъ, / и присно живетъ Имя Мое.[48]

Господь Богъ Саваофъ / Имя Ему.[49]

Пойте Имени Его, / яко добро.[50]

Хвалите Имя Господне, / хвалите раби Господа![51]

Всякое дыханiе, / да хвалитъ Господа![52]

Слава и ныне: Аллилуiа, аллилуiа, аллилуiа слава Тебе Боже (дважды) 3-й разъ Аллилуiа поется протяжно, и: паки Величанiе.

(Величанiе поется сколько душе угодно разъ)

Седаленъ, гласъ 8:

Рече безуменъ въ сердце своемъ: несть Богъ;[53] Имяборцы же безумне рекутъ яко несть Бога во Имени Его, / Имя Божiе вымыселъ есть». / Тако ругахуся Имени Твоему, Господи / и дерзаютъ поминати Имя Твое въ молитвахъ своихъ,/ суетны же и безумны молитвы ихъ. / Аще возможно, изведи ихъ изъ пагубнаго отступленiя, / ослепленiи бо Денницею, / первымъ восхулившимъ на небе Пресвятое Имя Твое; / взыщи, Господи, души въ отступленiи погибающiя,/ молитвами Пречистыя Твоея Матере. / Аще не взыщеши то и мiру близокъ конецъ, / яко предрекъ еси пустынникъ Иларiонъ Кавказскiй.

Слава и ныне: Богородиченъ, гласъ 4:

Избавительнице крепкая на Тя надеющихся, / къ тихому пристанищу Божественнаго хотенiя / наставiя мя, Богородице, Матернимъ Твоимъ дерзновенiемъ, / еже имаши къ Сыну Твоему Богоневесто.

Таже степенна, 1-й Антифонъ 4-го гласа.

Отъ юности моея / мнози борютъ мя страсти, / но Самъ мя заступи, / и спаси Спасе мой.

Ненавидящiи Сiона, посрамитеся отъ Господа, яко трава бо огнемъ будете изсохше.

Слава Отцу и Сыну, / и Святому Духу.

Святымъ Духомъ / всяка душа живится, / и чистотою возвышается,/ светлеется Тройческимъ единствомъ Священнотайне.

И ныне и присно, / и во веки вековъ, аминь.

И паки: Святымъ Духомъ…

Чтецъ: Прокименъ, гласъ 4:

Воскликните Господеви вся земля: Пойте Имени Его.[54]

Ликъ: Воскликните Господеви вся земля: Пойте Имени Его

Чтецъ: Воскликните Господеви вся земля:

Ликъ: Пойте Имени Его.

Чтецъ: Всякое дыханiе да хвалитъ Господа.[55]

Ликъ: Всякое дыханiе да хвалитъ Господа.

Чтецъ: Всякое дыханiе.

Ликъ: да хвалитъ Господа.

Евангелiе отъ Луки, зач. 106 (гл. 21, ст.12-19):

Чтецъ: Отъ Луки Святаго Евангелiя чтенiе.

Ликъ: Слава Тебе, Господи, слава Тебе.

Рече Господь Своимъ ученикомъ: внемлите отъ человекъ. Возложатъ на вы руки своя, и ижденутъ, предающе на сонмища и темницы, ведомы къ царемъ и владыкамъ, Имене Моего ради. Прилучится же то, во свидетельство. Положите убо на сердцахъ вашихъ, не прежде поучатися отвещавати: Азъ бо дамъ вамъ уста и премудрость, ей же не возмогутъ противитися, или отвещати вси противляющiися вамъ. Предани же будете и родители и братiею, и родомъ, и други; и умертвятъ отъ васъ. И будете ненавидими отъ всехъ Имене Моего ради, и власъ главы вашея не погибнетъ. Въ терпенiи вашемъ стяжите души ваша.

Ликъ: Слава Тебе, Господи, слава Тебе. И поетъ:

Слава: Молитвами преподобноисповедника Георгiя / Милостиве очисти / множества согрешенiй нашихъ.

И ныне: Молитвами Богородицы, / Милостиве очисти, / множества согрешенiй нашихъ.

Помилуй мя Боже, / по велицей милости Твоей, / и по множеству щедротъ Твоихъ, / очисти беззаконiе мое.[56]

По 50 псалме, Стихира, гласъ 6:

Не возмогоша архiереи одолети веру во Имя Божiе / иноковъ Афонскихъ, / тогда оклеветаша ихъ предъ Царемъ и владыками, / яко суть бунтари и враги Отечества, / испросиша у Царя военную силу, / оружiемъ и дрекольми избиваше молящихся исповедниковъ,/ иконы, кресты и образы царскiя разбиваша, / и топташа ихъ яко иконоборцы. / Ты же, отче Георгiе, не убоялся еси прещенiй синодаловъ, / проповедалъ еси веру во Имя Божiе. / Хвалимъ твою и пострадавшихъ иноковъ ревность / о славе Имени Господа Бога, / и молимъ васъ непрестанно: / молитеся ко Господу, спастися душамъ нашимъ.

Канонъ Богородице, какой хощеши.

Канонъ преподобноисповеднику Георгiю.

Песнь 1.

Iрмосъ: Воду прошедъ, яко сушу, / и египетскаго зла избежавъ, / израильтянинъ вопiяше: / Избавителю и Богу нашему поимъ.

Iисусе сладчайшiй, спаси насъ!

Господи Iисусе Христе, Сыне Божiй, даждь ми слово по силам моимъ воспети исповедника Пресвятаго Твоего Имени отца моего духовнаго Георгiя; укрепи мя, яко немощенъ есмь. Ты еси Господи наставникъ на истинный путь прославленiя Державнаго Имени Твоего во дни отступленiя, Павломъ Апостоломъ предреченнаго. Господи, благослови.

Преподобноисповедниче отче Георгiе, моли Бога о насъ грешныхъ.

Во младенчестве остался еси безъ матери, и во отрочестве безъ отца, юнъ сый возрастомъ, но зрелъ духомъ, возлюбилъ еси Господа и Пречистую Матерь Его и Великаго Пастыря земли русской отца Iоанна Кронштадтскаго, на егоже груди въ книге крестъ целовал еси глаголя: аще целовати ми крест сей на живомъ Батюшке; сего же и сподобился еси, возмужавъ возрастомъ.

Сиротами васъ съ братомъ Феодоромъ усыновиша благочестивая чета Макаровскихъ, ихъ же дщерь Мавра наследница участка близ Туапсе быша, в селенiи Георгiевка, она же Марiамъ, быша Игуменiя св.Иверскаго Скита Алексеевскаго монастыря, старецъ же бе в нем Софронiй из Оптиной пустыни, егоже послушниками сташа вы братья Георгiй и Феодоръ.

Богородиченъ: О, Владычице, Пресвятая Богородице! Мати милосердiя по образу Сына Твоего, моли Его милосердiе за насъ грешныхъ, помиловати и спасти души наша яко Богъ нашъ Милостивъ и Человеколюбецъ.

Песнь 3

Iрмосъ: Ты еси утвержденiе притекающихъ къ Тебе, Господи. Ты еси Светъ омраченныхъ, и поетъ Тя духъ мой.

• гда былъ еси въ Кронштадте, сущу множеству народа Батюшка манилъ тя отче, рукой, ты же, давалъ проходъ иному, люди же рекли: тебя зоветъ отецъ Iоаннъ; и ты приблизился къ Батюшке боязливо, Онъ же указавъ на груди крест, рекъ: «на, целуй! ты желалъ поцеловати крестъ на груди батюшки живаго». Слезы хлынули из очей твоихъ, желанiе бо твое чудоесно исполнися.

Во иной визитъ въ Кронштадтъ, егда Батюшка увещевалъ некоего прiяти священство не изволявшему на сiе; ты отче въ помысле осудил его: если бы Батюшка такъ увещевалъ мя, я послушалъ бы его. Концу же службы, подошед целовати крестъ, Батюшка рек: пошелъ вонъ! Ты же отче, обливаясь слезами, вышелъ изъ храма и, идя своимъ путемъ, мыслил: Батюшка выгналъ из меня беса фарисея, дабы азъ не осуждалъ никого.

Посем, настигъ тебя Батюшка и усадивъ въ карету свою, утешилъ тебя; по пути же трижды посылал тя сорвати цветокъ, надъ каждымъ лепесткомъ приговаривая нечто. Посемъ рекъ ти: не надо строить монастыри, скоро и эти не нужны будутъ, когда ты прiехалъ къ нему за благословенiемъ на устройство монастыря.

Богородиченъ: Хвалимъ, величаемъ, славимъ и поклоняемся Божеству Имени возлюбленнаго Сына Твоего и Твое Богородиче, Пречистое Имя лобызаем и славимъ Присноблаженная, и Пренепорочная Мати Христа Бога, и молимъ Господа и Тебя Владычицу нашу, помиловати и спасти насъ грешныхъ.

Песнь 4.

Iрмосъ: Услышахъ, Господи, смотренiя Твоего таинство / разумехъ дела Твоя / и прославихъ Твое Божество.

Последи уразумелъ еси отче, яко приговаривая надъ треми лепестками Отецъ Iоаннъ сказалъ прошедшую, настоящую и будущую жизнь твою. Восхищался еси велiей прозорливости Великаго Пастыря Земли Русской Святаго Отца Iоанна Кронштадтскаго: моли Христа Бога о насъ, отче Георгiе, спастися душамъ нашимъ.

На службе бывъ Отца Iоанна, ты вручилъ ему отче, письмо священника Кавказа, написавшему Батюшке: или пришлите ми пятьсотъ рублей, или вынужденъ буду покончить собой, ибо нечемъ ми содержати семью,. Выйдя изъ Алтаря, Батюшка огласил: «сороковухи, сороковухи, кто желаетъ читать?» Ты же, отче, притиснутый людьми къ Алтарю, сподобился читать сорокоусты и тут же в алтаре вручилъ Отцу Iоанну горемычное письмо с Кавказа. Онъ же, не читая, изорвалъ его въ клочья и бросилъ на полъ.

Богородиченъ: Хранительница верно чтущихъ Тя, Пресвятая Владычице Богородице, и славящихъ Имя Сына Твоего Iисуса, сохрани отъ лжеверiя имяборнаго, и отъ паденiй греховныхъ, молящихтися Ти усердно.

Песнь 5.

Ирмосъ: Вскую мя отринулъ еси / отъ лица Твоего, Свете Незаходимый, / и покрыла мя есть чуждая тьма, окаяннаго?/ Но обрати мя и къ свету заповедей Твоихъ / пути моя направи, молюся.

Сожалел еси, отче, яко Батюшка не прочитавъ изорвал письмо, и како отчитаешися предъ темъ священникомъ; и собралъ еси клочья письма показати ему. И о, дивное чудо! Вернувшись на Кавказъ узналъ, яко матушка получила ответ Отца Iоанна к тому священнику: «тебе нужны не пятьсотъ рублей, а надо оставити постыдную страсть съ которой ты совершаешь Божественную Литургiю». И сообщила матушка, что, батюшка повесился.

Зело дивился еси, отче, прозорливости Отца Iоанна, и былъ изумленъ, яко не читая письма священника съ Кавказа Праведникъ прозрелъ его содержанiе. И о дивное чудо, письмо отца Iоанна получила матушка прежде твоего возвращенiя изъ Кронштадта.

Егда властью антихриста, Софронiевскiй Скитъ близ Туапсе, бе изгнанъ и поселился близ пустыньки старца Иларiона; ты, отче Георгiе, былъ еси участникъ основанiя Буковского Скита въ 1921-мъ году, и егда старецъ Софронiй водружая крест рекъ слова преподобнаго Антонiя при основанiи Лавры Печерскiя: «Господи, да будетъ на месте семъ благодать святыя Горы Афонскiя!», и сущия ту омылися слезами умиленiя, и сердцем ощутили новое духовное рождение.

Богородиченъ: Во дни сiи антихристовы всю надежду на Тя возлагаемъ, о Пресвятая Мати милосердiя, защити ны отъ поганаго антихриста, сохрани насъ отъ печати его, да будут тщетны козни его, Твоимъ милостивымъ Покровомъ и заступленiемъ, Славы ради Имени Божiя и Твоего пречистаго и пресвятаго Имени.

Песнь 6.

Iрмос: Молитву пролiю ко Господу / и Тому возвещу печали моя, / яко золъ душа моя исполнися / и животъ мой аду приближися, / и молюся, яко Iона: / отъ тли, Боже, возведи мя.

Егда возгореся на Афоне злочестивая ересь Имяборческая, ты отче, сподобился еси быти въ лике вставшихъ за честь и славу Имени Божiя; по изгнанiи же исповедниковъ изъ Афона подвизался еси со многими Отцы въ пустыняхъ Кавказа, имея духовника старца Иларiона, и общался еси с ним.

На конце жизни своея возжелалъ еси отче, остатокъ дней своихъ жити пустынникомъ близ селенiя 0Псху на горахъ Кавказа, идеже бывалъ еси после Афона; и съ послушникомъ твоимъ прибылъ еси на Псху. Но постиже искушенiе: прибывшимъ намъ, воспретиша власти поселитися ту; потребно быша уладити дело въ Сухуми. Ты же отче, боленъ был еси и зело слабъ.

Сущу дождю и хладу, ты, отче, озябъ въ сарайке мингрела; послушница же Варвара настояла ехати обратно въ домъ послушника. Съ твоего, отче, согласiя, вернулись вы съ Варварой обратно; и егда достроена будетъ купленная хата въ пяти верстахъ отъ центра Псху, привезенъ будеши послушником, и будем жити въ пустыни вожделенной.

Богородиченъ: Милосердiя сущи Источникъ, о Пресвятая Богородице, милости сподоби насъ, на Тя бо упованiе возлагаемъ и Радуйся, вопiемъ Ти, якоже безплотныхъ Архистратигъ.

Кондакъ, гласъ. 4:

Подвигомъ добрымъ подвизался еси, / Веру Православную соблюлъ еси въ чистоте, / исповедниче Имени Божiя, / Егоже всею жизнiю прославлялъ еси, / словомъ Божiимъ имяберчество обличалъ еси, / Iисуса въ сердце вселилъ еси молитвою Iисусовой, / юже ученикомъ своимъ непрестанно творити учил еси, / ревнителю Славы Имени Божiя, / молися о насъ ко Господу, отче Георгiе, / да спасетъ души наша, яко Милосердъ

Iкосъ.

Труды твои, отче, проповедническiе во славу Святейшаго Имени Божiя и Сладчайшаго Имени Iисусъ Христова безмерны быша: дни бо и ночи посвящалъ еси Имени Божiю и молитве, спасенiя ради души своея и укрепленiю чадъ духовныхъ въ вере, надежде и любви. И увенча Господь труды твои исповедническiе. Его же Имя деннонощно прославлялъ еси, отче Георгие, моли, да укрепитъ насъ въ Имяславiи до конца дней нашихъ, и спасетъ души наша, яко Милосердъ.