Пророчества Малахiина чтенiе.

Тако глаголетъ Господь: Вы священницы, презирающiе Имя Мое… Несть воля Моя въ васъ, глаголетъ Господь Вседержитель, и жертвы не прiиму отъ рукъ вашихъ. Зане отъ востокъ солнца, и до запада Имя Мое прославися во языцехъ, и на всякомъ месте фимiамъ приносится Имени Моему, и жертва чиста, зане велiе Имя Мое во языцехъ. Зане Царь велiй Азъ есмь… И Имя Мое светло во языцехъ.[1] И ныне заповедь Моя сiя къ вамъ, священницы: аще не услышите, и аще не положите на сердцахъ вашихъ, еже дати славу Имени Моему, глаголетъ Господь Вседержитель, то послю на вы клятву, и прокляну благословенiе ваше, и оклену е: и разорю благословенiе ваше, и не будетъ въ васъ, зане вы не влагаете въ сердца ваша.[2] Заветъ Мой бе съ нимъ (Моисеемъ) жизни и мира, и дахъ ему боятися Мене, и отъ лица Имене Моего устрашатися ему… Вы же растлисте заветъ Левiинъ.[3] И написа книгу памяти предъ собою боящимся Господа и благоговеющимъ Имя Его.[4] И возсiяетъ вамъ, боящимся Имене Моего, Солнце правды и исцеленiе въ лучахъ его.[5]

Ектенiя: (Господи помилуй 12 разъ, и: Аминь).

Сподоби, Господи: Ектенiя просительная (Подай Господи 12, Аминь).

На стиховне стихиры, гласъ 1:

Сiе Имя Спасительное Iисусъ, / аки солнце мiръ облеста,[6] / глаголющу пророку: / возсiяетъ вамъ боящимся Имене Моего солнце правды / и исцеленiе въ крылехъ Его / и изыдете и взыграете якоже тельцы отъ узъ разрешенiи.[7] / Iисусе, Спасительное Имя, помилуй мя.

Вся земля да поклонится Тебе и поетъ Тебе, / да поетъ же Имени Твоему Вышнiй.[8]

Путемъ мысленнымъ шествовати будемъ, / яко со свещею светлою, / съ поклоняемымъ Именемъ Христа Iисуса, / домъ сердца нашего метуще и отребляюще от лукавствiя, / украшающе и очищающе.[9] / Iисусе, Спасительное Имя, помилуй мя.

Воскликните Господеви вся земля, пойте же Имене Его, / дадите славу хвале Его.[10]

И во мрежехъ лукавыхъ помысловъ, / множае увязнемъ, и заклани будемъ удобь отъ нихъ, / твердаго копiя, Имене Iисусъ Христова, не имуще; / единый бо сей мечь честный, / вельми часто обращаемый въ сердце, весть/ обращати и посяцати ихъ, / опаляти и поядати, яко огнь тростiе.[11] / Iисусе, Спасительное Имя, помилуй мя.

Слава: гласъ 8:

Прiиди къ намъ Архистратиже Божiй Михаиле, / со всеми чинми ангельскими, / подвигнитеся на брань противу полчищь сатанинскихъ, / за Имя и Славу своего Владыки / вопiюще: кто яко Богъ?[12] / Горы потрясошася отъ Него,/ холми поколебашася: / и ужасеся земля отъ лица Господа. / Свято и страшно Имя Его. / Егоже вся боятся и трепещутъ отъ лица Силы Его.[13] / Iисусе, Спасительное Имя, помилуй мя.

И ныне: Богородиченъ, гласъ 2:Евою, вниде, девою смерть, / Девою же подобало явитися и жизни; / ту же яко змiй обольстилъ, / Сей же благовествовалъ Гаврiилъ: / спасенiе людемъ Его, / во оставленiе греховъ ихъ.[14] / Iисусе, Спасительное Имя, помилуй мя.

Ныне отпущаеши. Трисвятое, по Отче нашъ:

Тропарь, гласъ 4:

Придите почерпите воду съ веселiем отъ источника спасенiя. / Хвалите Господа, воспойте Имя Его, / возвестите во языцехъ славная Его: / поминайте, яко вознесеся Имя Его. / Хвалите Имя Господне, яко высокая сотвори Господь: / возвестите сiя по всей земли.[15] / Iисусе, Спасительное Имя, помилуй мя.

Слава: гласъ 4:

Возсiяй въ сердцахъ нашихъ Человеколюбче Господи, / Твоего Боговеденiя нетленный светъ, / и мысленныя наша отверзи очи, / еже веровати нам во Имя Твое Святое.[16] / Вложи въ насъ и блаженных Твоихъ заповедей страхъ, / да плотскiя похоти вся поправше, / духовное жительство пройдемъ.[17] / Iисусе, Спасительное Имя, помилуй мя.

И ныне: гласъ 4:

Самъ Господь есть знаменiе нашего спасенiя, / Эммануилъ отъ Девы, Господь, имелъ спасти насъ, / не можаше бо сами спастись въ человечестей немощи суще, благо нашего спасенiя отъ Бога.[18] / Iисусе, Спасительное Имя, помилуй нас.

Ликъ поетъ: Буди Имя Господне благословенно отъ ныне и до века. (трижды).

И поет, или чтет: Благословлю Господа на всякое время (Псал. 33) до: не лишатся всякаго блага, и: Шестопсалмiе.

+

На утрени, по шестопсалмiи:

Ектенiя (12 разъ Господи помилуй, и: Аминь)

Богъ Господь, и явися намъ: (на гласъ тропаря)

Тропарь, гласъ 8:

Съ высоты принесеся Имя Твое Iисусе, Спасе нашъ, / на наше избавленiе во искупленiе рода человеческаго. / Отъ Твоего Имени Iисусе, трясется адъ. / Мы же призываемъ Имя Твое, Iисусе: / и симъ самым пресладким Именемъ даруй намъ спасенiе.[19]

Слава: инъ Тропарь, гласъ:

Придите почерпите воду съ веселiемъ / отъ источника спасенiя. / Хвалите Господа, воспойте Имя Его, / возвестите во языцехъ славная Его: / поминайте, яко вознесеся Имя Его. / Хвалите Имя Господне, / яко высокая сотвори Господь: / возвестите сiя по всей земли.[20] / Iисусе Спасительное Имя, помилуй мя.

И ныне: Богородиченъ, гласъ 8:

Се Дева приметъ во чреве и родитъ Сына / и нарекутъ Имя Ему Еммануилъ,[21] / еже есть Искупитель отъ века, / якоже глаголетъ Исаiя; [22]/ Iисусъ бо, во времени, совершил еси Искупленiе.

Ликъ: Господи помилуй, Господи помилуй, Господи помилуй, слава Отцу и Сыну и Святому Духу.

Чтецъ: И ныне и присно и во веки вековъ, аминь.

И стихословимъ кафизмы, (По уставу).

По 1-й Кафизме, седаленъ, гласъ 4:

Возсiяй въ сердцахъ нашихъ Человеколюбче Господи, / Твоего Боговеденiя нетленный светъ, / и мысленныя наша отверзи очи, / еже веровати намъ во Имя Твое Святое.[23] / Вложи въ насъ и блаженныхъ Твоиъ заповедей страхъ, / да плотскiя похоти вся поправше, / духовное жительство пройдемъ.[24] / Iисусе, Спасительное Имя, помилуй мя.

Слава и ныне: гласъ 6:

Царское Имя Iисусъ, на небеси и на земли царствующее; на небеси все естество ангельское безпрестанно славитъ Пресвятое Имя Твое Iисусе, на земли людiе возносятъ туюжде песнь, составляется общее торжество небесныхъ и земныхъ существъ вкупе славящихъ Тя. Iисусе, спасительное Имя, помилуй мя.

По 2-й Кафизме, седаленъ, гласъ :

Самъ Господь есть знаменiе нашего спасенiя, / Эммануилъ отъ Девы, Господь, имелъ спасти насъ, / не можаше бо сами спастись въ человечестей немощи суще, / благо нашего спасенiя отъ Бога.[25] / Iисусе, Спасительное Имя, помилуй нас.

Слава и ныне, гласъ :

Имя Твое Iисусе Спасе нашъ, / аки солнце мiръ облеста, / аки мvро благовонное / вселенную облагоуха, / удиви ангеловъ, обрадова человековъ, / устраши бесовъ, / прогоняется мракъ имеборчества, / благочестiя же возсiявает светъ, / и просвещаетъ всякаго человека въ мiръ грядущаго.

Полiелей: (Прославленiе Бога во Имени Его)

Ликъ поетъ: Хвалите Имя Господне, хвалите раби Господа: Аллилуiа, аллилуiа, аллилуiа.[26]

Благословенъ Господь отъ Сiона, живый во Iерусалиме. Аллилуiа, аллилуiа аллилуiа.

Исповедайтеся Господеви, яко благъ яко в векъ милость Его. Аллилуiа, аллилуiа, аллилуiа.

Исповедайтеся Богу небесному яко в векъ милость Его. Аллилуiа, аллилуiа, аллилуiа.

Величанiе:

Величаемъ Тя, / Живодавче Христе, / и со Ангелы поклоняемся Имени Святому Твоему, / Имже насъ спаслъ еси / отъ работы вражiя.[27]

Псаломъ избранный:

Воспойте Господеви, пойте Имени Его.[28]

Величаемъ:

Ины псалмы избранные:

Свято и страшно Имя Его.[29]

И хвально и прославленно Имя Твое во веки[30]

Господи, посли благодать Твою въ помощь мне, / да прославлю Имя Твое Святое![31]

Услышит Тя Господь въ день печали, / защититъ Тя Имя Бога Iаковля[32]

Повем Имя Твое братiи моей, / посреде церкви воспою Тя.[33]

Господи, Господь нашъ, / яко чудно Имя Твое по всей земли![34]

Величаемъ:

По Имени Твоему, Боже, тако и хвала Твоя / на концах земли.[35]

Да разумеютъ языцы, / яко Имя Тебе – Господь[36]

И да уповаютъ на Тя, / знающiе Имя Твое[37]

Восхвалю Имя Бога моего съ песнiю, / возвеличу Его во хваленiи.[38]

Будетъ Имя Его благословенно во веки, / прежде солнца пребываетъ Имя Его.[39]

Величаемъ:

Людiе безумнiи хулятъ Имя Твое.[40]

Нищъ и убогъ восхвалита Имя Твое.[41]

Азъ Господь Богъ, / сiе есть Имя Мое.[42]

Живу Азъ, и присно живетъ Имя Мое.[43]

Господь Богъ Саваофъ Имя Ему.[44]

Пойте Имени Его, / яко добро.[45]

Хвалите Имя Господне, / хвалите раби Господа![46]

Всякое дыханiе, да хвалитъ Господа![47]

Чтецъ: Слава и ныне: Аллилуiа, аллилуiа, аллилуiа слава Тебе Боже – дважды. 3-й разъ Лик поетъ протяжно Аллилуiа: и паки

Величаемъ: (Величанiе поется, сколько хочется разъ).

Седаленъ, гласъ :

Возвесели сердце наше, Господи Боже нашъ, / во еже боятися Имени Твоего Святаго./ Внегда призывати намъ Святое Имя Твое, / иполни уста наша Твоего хваленiя, / еже подати величествiе Имени Твоему Святому.[48]/ Iисусе, Спасительное Имя, помилуй мя.

Слава и ныне: Богородиченъ, гласъ :

Воспойте Господеви новую песнь, / пойте же Имени возсiявшему Боголепно / изъ чрева Неискусобрачныя, / и Сiю вернымъ показавшу, / твердую надежду и похвалу.[49] / Iисусе, Спасительное Имя, помилуй мя.

Таже степенна, 1-й антифонъ 4-го гласа

Отъ юности моея / мнози борютъ мя страсти / но Самъ мя заступи, / и спаси, Спасе мой.

Ненавидящiи Сiона, посрамитеся отъ Господа, яко трава бо огнемъ будете изсохше.

Слава Отцу и Сыну, / и Святому Духу.

Святымъ Духомъ, / всяка душа живится, / и чистотою возвышается, / светлеется Тройческимъ единствомъ Священнотайне.

И ныне и присно, / и во веки вековъ, аминь.

И паки: Святымъ Духомъ:

Чтецъ: Прокименъ, гласъ :

Господи, во Свете лица Твоего пойдемъ, / и о Имени Твоемъ возрадуемся весь день.[50]

Ликъ поетъ: Господи, во Свете лица Твоего пойдемъ и о Имени Твоемъ возрадуемся весь день.

Чтецъ: Яко похвала силы ихъ Ты еси, / во благоволенiи Твоемъ вознесеся рогъ нашъ.[51]

Ликъ: Господи, во Свете лица Твоего пойдемъ и о Имени Твоемъ возрадуемся весь день.

Чтецъ: Господи, во Свете лица Твоего пойдемъ.

Ликъ до певаетъ: и о Имени Твоемъ возрадуемся весь день.

Чтецъ: Всякое дыханiе да хвалитъ Господа.

Ликъ: Всякое дыханiе да хвалитъ Господа.

Чтец: Хвалите Господа съ небесъ, хвалите Его въ вышнихъ.

Ликъ: Всякое дыханiе да хвалитъ Господа.

Чтецъ: Всякое дыханiе.

Ликъ: да хвалитъ Господа.