	2018-08-05, 7:27 PM
Евангелiе отъ Луки, зач. 4, ст. 39-49 и 56. Чтецъ (если нетъ iерея) возглашаетъ: Отъ Луки Святаго Евангелiя чтенiе. *Лик:* Слава Тебе, Господи, слава Тебе. Чтецъ: Во время оно, Воставши же Марiамъ во дни тыя, иде въ горняя со тщанiемъ, во градъ Iудовъ: И вниде въ домъ Захарiинъ, и целова Елисаветь. И бысть яко услыша Елисаветь целованiе Марiино, взыграся Младенецъ во чреве ея: и исполнися Духа Свята Елисаветь, И возопи гласомъ велiимъ, и рече: благословенна Ты въ женахъ, и благословенъ плодъ чрева Твоего. И откуду мне сiе, да прiидетъ Мати Господа моего ко мне; Се бо, яко бысть гласъ целованiя Твоего во ушiю. Моею, взыграся Младенецъ радощами во чреве моемъ. И блаженна веровавшая, яко будетъ совершенiе глаголаннымъ ей отъ Господа. И рече Марiамь: величитъ душа Моя Господа, И возрадовася духъ Мой о Бозе Спасе Моемъ: яко призре на смиренiе Рабы Своея: се бо отъ ныне ублажатъ Мя вси роди: Яко сотвори Мне величiе Сильный, и Свято Имя Его. Пребысть же Марiамь съ нею яко три месяцы: и возвратися въ домъ Свой. Ликъ: Слава Тебе, Господи, слава Тебе! По чтенiи Евангелiя полагается заупокойная Ектенiя. (Аще нетъ iерея, поется заупокойное Господи помилуй 12, и поминаются усопшiе въ правой вере. А усопшiе въ общенiи съ имеборной антицерковью сродники или близкiе, поминаются: «Аще возможно», помяни Господи, и проч. А закоренелые имяборцы, другiе еретики, и безбожники, вообще не поминаются, ихъ предавать на волю Божiю. *После поминовенiя усопшихъ: Прочее* Изобразительной (*Обедницы) по Часослову: Чтецъ: Помяни насъ Господи, егда прiидеши во царствiи Твоемъ. Помяни насъ Владыко, Егда прiидеши во царствiи Твоемъ. Помяни насъ Святый, Егда прiидеши во царствiи Твоемъ. Слава, и ныне:* Ликъ небесный поетъ Тя и глаголетъ: Поется: *Свят, Святъ, Святъ Господь Саваофъ, исполнь небо и земля славы Твоея.* Стихъ: Приступите къ Нему и просветитеся, и лица ваша не постыдятся. Лик небесный поетъ Тя и глаголетъ: Поется: *Святъ, Святъ, Святъ Господь Саваофъ, исполнь небо и земля славы Твоея.* Слава: Ликъ святыхъ Ангелъ и Архангелъ со всеми небесными силами, поетъ Тя, и глаголетъ: Поется: Свят, Свят, Святъ Господь Саваофъ, исполнь небо и земля славы Твоея. И ныне: Ликъ: Верую во единаго Бога Отца… Чтецъ: Ослаби остави… Ликъ: Отче нашъ… Кондакъ Имени Божiю. гласъ 4: Яко *да Имя Мое не осквернится* предъ языки… / вы же доме Израилевъ, / сице глаголетъ Адонаи Господь: / кiйждо кумиры своя отымите, / и аще послушаете Мене, / и *Имени Моего Святаго не осквернавити…/ И познаете, яко Азъ Господь, / да Имя Мое не осквернится* злыми путями вашими.[1] Кондак Сладчайшему Имени Iисусъ, гласъ 6: Царское Имя Iисусъ / на небеси и на земли царствующее: / на небеси все естество Ангельское / безпрестанно славитъ Пресвятое Имя Твое, Iисусе,[2] / на земли людiе возносятъ туюжде песнь, / составляется общее торжество / Небесныхъ и земныхъ существъ вкупе славящихъ Тя. / Iисусе, Спасительное Имя, помилуй мя.[3] инъ Кондакъ, гласъ 6: Имя Твое Iисусе Спасе нашъ, / аки солнце мiръ облеста, / аки мvро благовонное вселенную облагоуха: / удиви Ангеловъ, обрадова человековъ, / устраши бесовъ, / прогоняется мракъ имеборчества, / благочестiя же Имяславия возсiявает светъ, / и просвещаетъ всякаго человека, въ мiръ грядущаго.[4] Покрову Пресвятой Богородицы. Кондакъ, гласъ 3: Дева днесь предстоитъ въ Церкви, и съ лики святыхъ невидимо за ны молится Богу: Ангели со архiереи покланяются, апостоли же со пророки ликовствуютъ: насъ бо ради молитъ Богородица превечнаго Бога. Кондаки: дневной и на числе по месяцеслову. Слава: Со святыми упокой… И ныне: Предстательство христiанъ непостыдное… Господи помилуй, 12. Всесвятая Троице… Буди Имя Господне благословенно… Слава и ныне… Псаломъ 33: Благословлю Господа на всякое время… Достойно есть яко воистину… Слава и ныне… Господи помилуй трижды, Благослови: Молитвами святыхъ отецъ нашихъ, Господи Iисусе Христе Боже нашъ, помилуй насъ. Аминь. *Песнопенiя въ конце службы: Утвержденiе на Тя надеющихся, утверди Господи Церковь, юже стяжалъ еси честною Твоею кровiю (Трижды).* Утверди Боже, святую православную веру, православныхъ христiанъ, во векъ века. Всю братiю нашу и вся православныя христiаны, Господи помилуй, Господи помилуй, Господи помилуй, Господи сохрани ихъ на многая лета! Упованiе мое Отецъ, прибежище мое Сынъ, покровъ мой Духъ Святый: Троице Святая, слава Тебе. Богородице Дево, упованiе христiаномъ, покрый, соблюди, и спаси на Тя уповающихъ. Не имамы иныя помощи, не имамы иныя надежды, разве Тебе Владычице: Ты нам помози, на Тебе надеемся, и Тобою хвалимся, Твои бо есмы раби, да не постыдимся. Все упованiе мое на Тя возлагаю, Мати Божiя, сохрани мя под кровом Твоим. Владыко Христе Царю Многомилостиве, прiими молитвы рабъ Твоихъ, и избави насъ, отъ всякiя нужды и печали. Владычице, прiими молитвы рабъ Твоихъ, и избави насъ отъ всякiя скорби и болезни! Господи помилуй, Господи помилуй, Господи помилуй! Господи мой, Господи, Пастырь мой родной, спаси меня отъ ада, и будь всегда со мной. Аминь. *Слава Ему во веки!* *Аминь.* АКАФИСТЪ СЛАДЧАЙШЕМУ ИМЕНИ IИСУСЪ ХРИСТОВУ Кондакъ 1 Возбранный Воеводо и Господи, ада победителю, / яко избавлься отъ вечныя смерти,[5] / похвальное и дивное Имя Твое, Iисусе, Спасе нашъ, / Ангели поютъ на небеси / и мы грешнiи на земли бренными устнами воспеваемъ:[6] / Iисусе, Спасительное Имя, помилуй мя.[7] I к о с ъ 1 Ангеловъ Творче и Господи силъ, / отверзи ми недоуменный умъ и языкъ на похвалу пречистаго Твоего Имени, / яко же глухому и гугнивому древле слухъ и языкъ отверзл еси, / да зову Ти таковая:[8] Имя Твое, Iисусе, Спасе нашъ, / прежде всехъ векъ / въ Тройческомъ Совете бе предуготовано на наше избавленiе;[9] Имя Твое, Iисусе, Спасе нашъ, / Самъ Богъ свыше посла / для спасенiя человековъ;[10] Имя Твое, Iисусе, Спасе нашъ, / принесеся съ небесе Архангеломъ Гаврiиломъ[11] / аки безценный бисеръ / во искупленiе рода человеческаго;[12] Имя Твое, Iисусе, Спасе нашъ, / бе известiемъ спасенiя нашего,[13] / возвести ми часъ кончины моея; Именемъ Твоимъ, Iисусе, Спасе нашъ / безвестная же и тайная премудрости Божiя въ Томъ явлена нам;[14] Имя Твое, Iисусе, Спасе нашъ,/ аки солнце мiръ облеста,[15] / облестай и мене грешного лучемъ благодати Твоея; Имя Твое, Iисусе, Спасе нашъ, / аки мvро благовонное облагоухало[16] вселенную, / облагоухай и мое грешное сердце; Имя Твое, Iисусе, Спасе нашъ, / аки мvро излiянное,[17] благоуханiемъ наполнило воздухъ, / укани каплю мvра сего въ сердце мое; Имя Твое, Iисусе, Спасе наш, / аки мvро ароматное благоуханiемъ благодати исполни вселенную;[18] / исполни благодати и мой малый сердечный мiръ; Имя Твое, Iисусе, Спасе нашъ, / дивное и пресладкое,[19] / услади горечь сердца моего; Имя Твое, Iисусе, Спасе нашъ, / радость[20] и въ печалехъ утешенiе, / утешь мене въ скорби моей; Имя Твое, Iисусе, Спасе нашъ / врачевство въ болезни,[21] / уврачуй болезни мои душевные и телесные; *Iисусе, Спасительное Имя, помилуй мя!* Кондакъ 2 Видя Петръ, / яко, вси вдовицы со слезами предсташа предъ нимъ, / умилосердися о смерти Серны… / и воскреси ю, темже, свидетельствуетъ о воскресенiи Твоемъ, Iисусе, / и воскрешенная изъ мертвых Именемъ Твоимъ Тавифа.[22] / Како не уверовати, яко Ты Христе воскреслъ еси, / еда и Имя Твое воскрешаетъ мертвыхъ.[23] / Сице и о мне умилосердися, Человеколюбче, / и грехми умервщленную мою душу воскреси, зовущую. Аллилуiа.[24] I к о с ъ 2 Разумъ неуразуменный разумети Филиппъ ища, Господи, покажи намъ Отца, глаголаше. Ты же къ нему: толикое время сый со мною, не позналъ ли еси Филиппе, яко Отецъ во Мне и Азъ во Отце есмь?[25] Темже, неизследованне, со страхомъ зову Ти:[26] Имя Твое, Iисусе, Спасе нашъ, / на небеси и на земли царствующее,[27]/ воцарися и во мне грешнемъ; Имя Твое, Iисусе, Спасе нашъ, / страшно и свято,[28] /…Егоже вся тварь небесныхъ силъ страхомъ трепещетъ; / съ ними же и мене сподоби боятися Имене Твоего;[29] Имя Твое, Iисусе, Спасе нашъ, / всякъ языкъ ныне исповедуетъ,[30] / не лиши и мене исповеданiя Имене Твоего; Имя Твое, Iисусе, Спасе нашъ, / дивно[31] и велико,[32] / сему же Имени ничтоже суть равно,[33] даждь ми величати Тя; Имя Твое, Iисусе, Спасе нашъ, / удиви Ангелов,[34] / удиви и мене грешного; Имя Твое, Iисусе Спасе нашъ, / обрадова человековъ,[35] / обрадуй и мене унылого; Имени Твоего, Iисусе, Спасе нашъ, / явлена сотворися сила Божественная,[36] / силою Имени Твоего укрепи мя слабого; Имени Твоего, Iисусе, Спасе нашъ, / колеблется преисподняя,[37] / утверди мя колеблемаго во истине Твоей; Имя Твое, Iисусе, Спасе нашъ, / прогоняетъ мракъ имеборчества,[38] / просвети сердце мое Имеславiемъ; Имя Твое, Iисусе, Спасе нашъ, / очищаетъ всяку скверну и нечистоту,[39]/ очисти Господи скверну и нечистоту души моей; Имя Твое, Iисусе, Спасе нашъ, / просвещаетъ всякаго человека въ мiръ грядущаго,[40] / просвети мя светомъ Твоего Богоразумiя; Имя Твое, Iисусе, Спасе нашъ, / Светъ,[41] имже возсiяваетъ светъ благочестiя,[42] / просвети мя ходити во свете заповедей Твоихъ; *Iисусе Спасительное Имя, помилуй мя!* [1] Iез. 20, ст.: 5,11,22,39,44 [2] Изъ Акафиста Iисусу Сладчайшему. Кондак 9; На хвалитехъ: «Дивное Имя Твое Iисусе…; «Превеликое Имя Твое Спасе…» [3] Постная Трiодь. Понедельникъ 5-й седмицы Вел. поста, самогласенъ утрени. [4] Изъ слова свт. Димитрiя Ростовского на Обрезанiе Господне. Четь-Минеи, 1 января. [5] Акаф. Iисусу Сладчайшему. Кондакъ 1. [6] Канонъ Акафиста Сладчайшему Господу нашему Iисусу Христу. Стихира. [7] Трiодь Постн. В понед. 5 седм. Вел.поста, утренняя стиховна. Iоил. 2,28-32; Псал. 53,3; Мф. 1,21; Свт. Афанасiй Вел. Ч. 4, с. 274; Свт. Димитрiй Рост. Сл. На Обрезан. [8] Акаф. Iисусу Сладчайшему. Iкос 1. [9] Св. Дим. Рост. Слово на Обрезанiе. Св. Iоан. Злат. На Мф. Ч.1 С. 62. Изд. 7. М.1899. [10] Свт. Iоан. Злат. Бес. На Мф. Ч. 1.С. 62. Изд. 7. М. 1899. [11] Мф. 1,20-21; 1,30,31; 2,21. [12] Свт. Димитр. Тост. Сл. На Обрезан. [13] Мф. 1,21; Свт. Димитр. Рост. Сл. На Обрез. [14] Свт. Димитр. Рост. Сл. На Обрез. [15] Его же, там же. Псал.53,3. [16] Пес.Песн. 1,2; Свт.Димитрiй Рост. Сл. на Обрез.; Св I.Злат. Т.11. Спб.1905. Бес. 9. На Колос. [17] Пес. Песн. 1,2; Свт. Димитр. Рост. Сл. На Обрез. [18] Свт. Димитрiй Ростовск. Слово на Обрезанiе. [19] Кондакъ 13, и стихира Акафиста Господу Iисусу Сладчайшему [20] Псал. 88,13. [21] Свт. Димитр. Рост. Сл. На Обрез. [22] Деян. 9,39-40. [23] Св. Кириллъ Iерус. Кн. 2. Сойк.СПб.1913. С.170. Твор. Свв. оо. Т. 25. МДА. 1855.С. 241; Деян. 4,10. [24] Акаф. Iисусу Сладчайшему. [25] Iоан. 14,9-10. [26] Акаф. Iисусу Сладчайшему. Iкосъ 2. [27] Требникъ, молитва о жене; Ис. 42,8; 48,2; Числ 14,21; Акаф. Iисусу Сладч. Кондак 9 Стихиры канона: «Дивное Имя Твое Iисусе пасе нашъ…» и: «Превеликое Имя Твое Iисусе…». [28] Второз. 28,58; Наум. 1,5; Малах. 1,14; Псал.110,9. [29] Откр.11,18; 15,4; Трiодь Постн. Въ понед. 5 седм. Поста, стиховна утрени. [30] 3 Ц. 8,33; 2 Пар. 6,24; Деян. 15,26; Филипис. 2,10; Откр. 2,17; 8,12; 14,1. [31] Стихира Акаф. Iисусу Христу: «Дивное Имя Твое, Iисусе…» [32] Неем. 9,5; Малах. 1,11; Свт. I.Злат.Т. 5. Кн. 2. Спб. 1899. С. 938. На Псал. 98,3; Толковая Псалт. Изд. 2. Кiево-Печ. Лавра. Кiевъ 1898. С. 772; Свт. Тихонъ Задонск. Т. 3. Изд. 3. М.1875. Гл. 2. С. 65. [33] Св. Iоан. Злат. Т. 2. СТЛ. 1905. С. 435; Деян. 4,12; Филип. 2,9; [34] Свт. Димитр. Рост. Слово на Обрез. [35] Псал. 88,13; Свт. Димитр. Рост. Слово на Обрезан. [36] Свт. Димитр. Рост. Сл. На Обрез.; Свт. Св. ап. Эрма, Подобiе 9, гл. 14; Игнат. Брянч.Т. 2.Изд. 3. Спб. 1905.С. 193; Св. Iоаннъ Кронштадтск. «Моя жиз. Во Хр.» Т. 5. Изд 2. Спб. 1894. Ч. 2. С. 247. [37] Свт. Димитр. Рост. Сл. На Обрез. [38] То есть хулу на Спасительное Имя Iисусъ. [39] Требникъ. Чин освящен. осквернен.; Молитва: «Царю Небесный…»; 1 Кор. 6,11; Блаж. Феофилактъ Болгарскiй. Т. 6. Казань,1906. Толков. На на 1 к Коринф. [40] Iоан. 1,9. [41] Преп. Симеонъ новый богословъ. Ч. 2. С. 108. :2 Слово, на греческомъ; Св. Исихiй Iерусалимск. Слав. Добротолюбiе. Ч. 2. Гл. 170. Изд. 4. М. 1840. [42] И открывается «Тайна Благочестiя» въ исповеданiи Именъ Пресвятой Троицы. Свт. Григор. Нисскiй. Т. 6. С. 232-234.
1 2 3 4 5 Категория: Имяславие 12 том \| Добавил: borschks
Просмотров: 224 \| Загрузок: 0 \| Рейтинг: 0.0/0

Всего комментариев: 0