Кондакъ 6

Для сего и Имя (Iисусъ) принесено Ангеломъ съ небесъ, / дабы симъ показать, яко чудно раждаемое, / ибо Самъ Богъ свыше, посылаетъ Имя чрезъ Ангела Iосифу,[1] / ибо это не просто Имя, но Сокровище безчисленных благъ.[2] / Земля исполнилась Славы Его. / Сiя песнь принесена на землю;/ земнороднiи совокупились лику горнихъ силъ, / вкупе возносити едину песнь / и совершати общее славословiе: Аллилуiа.[3]

I к о с ъ 6

Возсiя вселенней просвещенiе истины Твоея, / и отгнася лесть бесовская: / идоли бо, Спасе нашъ, не терпяще[4] Твоего Всесильнаго Имене, падоша; / мы же спасенiе Именемъ Твоимъ улучихомъ, вопiемъ Ти:

Имя Твое, Iисусе, Спасе нашъ, / и Духъ Бога нашего, спасаетъ,[5] / спаси ны;

Имя Твое, Iисусе, Спасе нашъ, / произнесшiй, исполняется благоуханiя, / сподоби меня чистымъ сердцемъ призывати Его;[6]

Имя Твое, Iисусе, Спасе нашъ, / обратило вселенную къ истине,[7] / обрати и мене къ свету заповедей Твоих;

Имя Твое, Iисусе, Спасе нашъ, / разрушило тиранство, Имъ же попранъ дiаволъ,[8] / потреби и во мне дiавольскiя страсти святымъ Именемъ Твоимъ;

Имя Твое, Iисусе, Спасе нашъ, / отверзло небеса,[9] / отверзи и мое сердечное небо;

Именемъ Твоимъ, Iисусе, Спасе нашъ, / возрождены мы въ крещенiи,[10] / обнови во мне нечистое сердце;

Имя Твое, Iисусе, Спасе нашъ, / егда не оставляемъ, то просiяваемъ,[11] / сподоби мя грешного присно пребывати съ Именемъ Твоимъ;

Имя Твое, Iисусе, Спасе нашъ, / рождаетъ мучеников и исповедниковъ,[12] / не лиши и насъ исповеданiя Имени Святаго Твоего;

Имя Твое, Iисусе, Спасе нашъ, / подобаетъ держать якоже великiй даръ,[13] / помоги мне удержать Его въ сердце моемъ;

Имя Твое, Iисусе, Спасе нашъ, / поражаетъ противниковъ,[14] / помози ми немощному Именемъ Твоимъ;

Имя Твое, Iисусе, Спасе нашъ, / укрепляет своихъ,[15] / укрепи мя въ брани съ врагами спасенiя моего;

Имя Твое, Iисусе, Спасе нашъ, / въ сердцахъ лицъ духовныхъ да напишется радужными светящимися (шары червлеными);[16]

Iисусе, Спасительное Имя, помилуй мя!

Кондакъ 7

Хотя сокровенную тайну отъ века открыти,[17] / после многаго времени приходит не Господь, но Имя Господне: / Благословенъ грядый во Имя Господне: Богъ Господь и явися намъ.[18] / Господи Господь нашъ, яко чудно Имя Твое по всей земли,[19] / яко прогнало ложь, просветило кругъ земный, / и привлекло къ Себе и ко Отцу.[20] / О, сладчайшее Iисусово Имя, / просвети насъ светомъ Твоимъ, / и привлеки насъ къ Себе и ко Отцу Твоему, / да непрестанно славимъ Тя Христе, вопiюще: Аллилуiа.

I к о с ъ 7

Дивную показа тварь, / явлейся Творецъ намъ.[21] / Дивное, досточудное непостижимое для горнихъ и неизреченно для дольнихъ,[22] / недоступное для всякаго ума[23] / входитъ въ сердце и обитаетъ въ немъ… / Душа – храмъ, а сердце – святой жертвенникъ / на немъ же приносятся жертвы хвалы и славословiя./ Iереемъ же ум и священнодействуетъ тамъ, / темъ же чудящеся вопiемъ Ти:

Имя Твое, Iисусе Спасе нашъ, / всякъ именуяй Его / да отступитъ отъ неправды;[24]

Имя Твое, Iисусе, Спасе нашъ, / грозно владыце лукавствiя и всемъ споспешникомъ его,[25] / защити мя отъ насилiя лукавыхъ духовъ;

Имя Твое, Iисусе, Спасе нашъ, / мученицы Христовы всегда носили въ сердце и во устехъ,[26] / сподоби и меня грешного пребывати съ Именемъ Твоимъ;

Имя Твое, Iисусе, Спасе нашъ, / умъ содержай, / якоже оружiемъ ополчается о Немъ на супостаты;[27]

Имя Твое, Iисусе, Спасе нашъ, / и печать Господня Креста / несомненно сокрушаютъ силу врага, / и трепетно бегутъ отъ насъ лукавые;[28]

Имя Твое, Iисусе, Спасе нашъ, / Всесильно сокрушаетъ идолы впрахъ,[29]/ сокруши моя сердечныя идолы;

Имя Твое, Iисусе, Спасе нашъ, / бесы изгоняше и изгоняти будетъ до скончанiя века.[30] / Изгони изъ мене душевныя страсти и бесы;

Имя Твое, Iисусе, Спасе нашъ, / укротило кричанiе ластовицъ,[31] укроти и моя безчисленныя мысленныя ластовицы;

Имя Твое, Iисусе, Спасе нашъ, / останавливаетъ солнце отъ пути своего[32] / останови мой ум странствующiй по мiру;

Имя Твое, Iисусе, Спасе наш, / покоряетъ онагры,[33] / укроти моя животныя страсти;

Имя Твое Iисусе, Спасе нашъ, / морскую воду претворяетъ въ сладкую,[34] / претвори горькiе мысли мои въ сладкiе;

Имени Твоему, Iисусе, Спасе нашъ, / должны поучатися мы паче дыханiя и припадати къ Нему,[35] / даждь ми со всякимъ дыханiемъ призывати Имя Твое.

Iисусе, Спасительное Имя, помилуй мя!

Кондакъ 8

Странно Бога вочеловечшася видяще, / устранимся суетнаго мiра и умъ на Божественная возложимъ.[36] / Да Имя Господа Iисуса сходяще во глубину сердца, / смиритъ змiя содержащаго пажити, / душу же спасетъ и оживотворитъ. / Непрестанно убо пребуди во Имени Господа Iисуса, / яко да поглотитъ сердце Господа и Господь сердце / и будут два сiя едино,[37] вкупе вопiюща: Аллилуiа.

I к о с ъ 8

Весь бе въ нижнихъ, / и вышнихъ никакоже отступи Неисчетный, / егда волею насъ ради пострада, / и смертiю Своею нашу смерть умертви, / и воскресенiемъ животъ дарова.[38] / Мы же подражая ликомъ ангельскимъ,[39]/ приносимъ непрестанно славословiе Создателю. / О дарованiя Христовы! / На небеси Имя Твое славословятъ Ангельская воинства, / на земли же людiе,[40] / составляется общее торжество небесныхъ и земныхъ существъ / вкупе славящихъ Тя. И мы грешные, взываемъ Ти:

Господи, Имя Твое, в векъ, / и память Твоя, въ родъ и родъ;[41]

Имя Твое, Iисусе, Спасе нашъ, / едино окружающее всю землю и пустыню,[42] / огради мое сердце Именемъ Твоимъ Святымъ;

Имя Твое, Iисусе, Спасе нашъ, / егда прiиде в мiр, абiе проповедуется, яко мvро излiянное,[43] / облагоухай чувства мои сердечныя;

Имя Твое, Iисусе, Спасе нашъ, / дивное[44] и славное,[45] и страшное сопротивнымъ,[46] / защити мя отъ грешныхъ помышленiй;

Имя Твое, Iисусе, Спасе нашъ, / сильно заступиться за немощь нашу, и простить грехи,[47] / заступися за мя немощнаго и прости грехи моя;

Имя Твое, Iисусе, Спасе нашъ, / не действительнымъ делаетъ зло,[48] / исцели мя злаго;

Имя Твое, Iисусе, Спасе нашъ, / знаменуетъ и являетъ Искупленiе,[49] / да буду и я грешный искупленъ по милости Твоей;

Имя Твое, Iисусе, Спасе нашъ, / прогоняетъ и потребляетъ злые помыслы,[50] / отжени и отъ мене злые помышленiя;

Имя Твое, Iисусе, Спасе нашъ, / разрушаетъ, мятежь и бурю въ сердце отъ бесовъ, якоже огнь воскъ, [51] / утиши мое бурное сердце;

Имя Твое, Iисусе, Спасе, святое и сладчайшее,[52] услади мя;

Имя Твое, Iисусе, Спасе нашъ, / во уме сiяя раждаетъ солнцевидныя помышленiя, [53] / возроди въ сердце моем святые помышленiя;

Имя Твое, Iисусе, Спасе нашъ, / да соединимъ своему дыханiю, / ово бо есть светъ,[54] просвети мя.

Iисусе, Спасительное Имя помилуй мя!

Кондакъ 9

Все естество Ангельское / безпрестани славит Пресвятое Имя Твое, Iисусе, на небеси, / Святъ, Святъ, Святъ вопiюще; / мы же грешнiи на земли,[55]/ во святилище духовнемъ… прежде будущаго паче ума наслажденiя,[56] / умное действо (совершая) ума священнодействующаго, / причащающеся тайно на душевнемъ жертвеннице, / и бренными устнами вопiемъ: Аллилуiа.

I к о с ъ 9

Ветiя многовещанныя, аще и много глаголют, / но не могут достойно восхвалити Имя Твое, Iисусе, Спасе нашъ. / Всюду прославляется досточтимое Имя Твое Iисусе.[57] / Мы же Таинству дивящеся верно вопiемъ:

Имя Твое, Iисусе, Спасе нашъ, / по вселенной покорило всехъ своей власти,[58] / покори и мое упорное сердце творити волю Твою;

Имя Твое, Iисусе, Спасе нашъ, / прославлялось и возрастало, / а противники погибали и исчезали,[59]/ сподоби мя прославлять Имя Твое непрестанно;

Имя Твое, Iисусе, Спасе нашъ, / совершало знаменiя большiя, нежели Ты Самъ творилъ живя на земле,[60] сотвори со мною знаменiе во благо, Имени Твоего ради;

Имя Твое, Iисусе, Спасе нашъ, / свято и страшно, / Его страшатся бесы,[61]/ защити мя отъ прелестей бесовскихъ;

Имя Твое, Iисусе, Спасе нашъ, / делаетъ то, что делал Ты Самъ,[62] / спаси и защити мя уповающаго на Имя Твое Святое;[63]

Имя Твое, Iисусе, Спасе нашъ, / возставляло разслабленныхъ,[64] / оживи душу мою разслабленную грехми;

Имя Твое, Iисусе, Спасе нашъ, / потрясаетъ землю, / а капища и идолы разрушаются впрахъ,[65] / потряси землю сердца моего. / и сокруши капища и идолы мои душевные;

Имя Твое, Iисусе, Спасе нашъ, / прогоняетъ съ острова вся змеи и гады[66] / прогони съ острова сердца моего мысленныя змеи и гады;

Имя Твое, Iисусе, Спасе нашъ, / на воздусе побеждаетъ дiавола,[67] / помози мне избавиться отъ воздушныхъ князей бесовскихъ;

Имя Твое, Iисусе, Спасе нашъ, произнесенное, обращаетъ въ бегство демоны,[68] / защити мя отъ наветовъ демонскиъ;

Именемъ Твоимъ, Iисусе, Спасе нашъ, / святящуся, – Егоже слава велiя есть и неотъемлема,[69] / – просвети мя;

Iисусе, Спасительное Имя, помилуй мя!