Песнь 8

Iрмосъ: Седмерицею пещь / халдейскiй мучитель / Богочестивымъ неистовно разжже, / силою же лучшею спасены сiя видевъ, / Творцу и Избавителю вопiяше: / отроцы, благословите,/ священницы, воспойте,/ людiе, превозносите во вся веки.

Дивно воспелъ еси, праведный отче Iоанне, Имя Сладчайшаго Iисуса на земли, яко же и Ангели святят Его на небеси, въ книзе твоей «Моя жизнь во Христе», вдохновенiем Духа Святаго тобою написанной и освященной. После же кончины твоей, восташа имяборцы и прямую веру твою въ Божество Имени Божiя толкуютъ лукаво въ угоду сатане. Мы же благодарни Богу и тебе отче за твое истинное богословiе Имени Божiя, усердно молимъ Тя, укрепи въ насъ грешныхъ непоколебимую веру въ Божество Имени Божiя, и молися ко Господу, спастися душам нашимъ.

Внушилъ врагъ сатана синодаламъ церкве россiйскiя похулити Имя Господне, и нападоша на исповедниковъ Его Божества иноков Афонскихъ съ клеветою, яко возводятъ Имя Божiе въ четвертую ипостась Божества. Иноцы же Афонстiи, а послежде и вси правовернiи людiе, вооружишася, отче твоимъ богословiемъ Имени, попраша ересь и клевету имяборческую и крепко сташа за веру во Имя Божiе заповеданную Отцемъ Небеснымъ.[1] Молися, Отче Iоанне, и намъ хранити заповедь Отца Небеснаго и славити Сладчайшее Имя Сына Его возлюбленного и Того Имя, хваляща и благословяща во вся веки.

Дивимся, отче Iоанне, твоему прозорливству, яко предзрелъ еси пагубную ересь имяборческую и за двадцать дней до праведныя кончины твоея написалъ на Афонъ послушнику своему Антонiю (Булатовичу) пророчество: «Афонскимъ Инокамъ венцы мученическiя». И исполнися пророчество твое, отче, егда синодалы убивали иноковъ за Имя Господне. Ты же отче упокоившись отъ великихъ подвиговъ твоихъ, преселился еси въ небесныя обители со Ангелы и Святыми человеки вечно славити Имя Господне. Молися о насъ, отче, чтущихъ любовiю святую память твою, спастися душамъ нашимъ.

Мракъ имяборчества разгнавый, отче Iоанне твоимъ святоотеческимъ богословiемъ Имени Божiя, радуеши насъ, яко и мы укрепляемiи твоимъ прославленiемъ Имени Божiя светъ истиннаго ученiя всему мiру возсiявшимъ, православное имяславiе утвердившимъ, вместе съ тобою и всеми святыми небесными силами хвалимъ, благословимъ, поемъ и величаемъ Имя Господа, препетое и превозносимое во веки.

Богородиченъ:

Прiидите, вси вернiи, припадемъ къ теплей Заступнице рода нашего Матери Божiей, и во умиленiи сердца воззовемъ: Пресвятая Владычице Богородице, покрый насъ благодатнымъ покровомъ Твоимъ, и молитвами Твоими избави насъ отъ всякаго зла.

Хвалимъ благословимъ, поклоняемся Господеви, поюще и превозносяще во вся веки. Катавасiя. И поемъ Честнейшую:

Песнь 9

Iрмосъ: Устрашися всякъ слух / неизреченна Божiя снисхожденiя, / яко Вышнiй волею сниде даже и до плоти, / отъ Девическаго чрева бывъ Человекъ, / темъ же Пречистую Богородицу, вернiи величаемъ.

Молитвою твоею пылалъ еси, отче Iоанне, любовию ко Господу, возжигая сердца и паствы твоея любовiю къ Спасителю, всехъ приводя ко спасенiю; возжги, отче и наше сердце пламенемъ любви ко Господу Богу, да будемъ верными овцами словесной паствы твоей, ищущими не благъ мiра сего, но вечного спасенiя души, святыми твоими молитвами.

Твое, отче, сбылось пророчество: ежели царь сохранитъ Православную веру, то царство его утвердится до скончанiя века, аще же Россiя не сохранитъ Веру Православную, то не будетъ Русью Святою, но будетъ сбродомъ всякихъ иноверцевъ. И царь и Россiя не сохранили веру Православную, царство паде, и Русь не Святая, а сбродъ разных иноверцевъ. Слава Богу, даровавшему Ти отче даръ прозорливства! Молися, отче, Иоанне, усердно о насъ грешныхъ.

За еже архiереи земли русской отступиша отъ сохраненiя Православiя и отвергли твое, отче, богословiе Имени: «Имя Божiе суть Самъ Богъ», постиже гневъ Божiй на Россiю, и воцарися в ней царство антихристово. Молимъ тя, отче Iоанне, молися, сохранитися остатку верныхъ христiанъ, до конца пребыти исповедниками Имени Божiя.

По сверженiи царя и царства православнаго, синодальные архiереи, имяборцы, восхулившiе Имя Божiе, отслужили молебенъ благодарственный и воспевали многолетiе жидовскому кагалу временному правительству. И тако исполнися пророчество твое, отче Iоанне, яко не утвердилось царство, и не сохранилася Святость Руси. Но молися усердно, отче Iоанне, о насъ грешныхъ, пребыти правоверными до конца нашей жизни в Имяславии.

Богородиченъ: О, Владычице Пресвятая Богородице, вознеси Свои Матернiе молитвы къ Сыну Своему, и Богу нашему Iисусу Христу, да сохранимъ до конца жизни нашея правое исповеданiе веры во Имя Его, заповеданное Отцемъ Небеснымъ,[2] Святыми отцами, Святой Церковью, и святым Iоанномъ Кронштадтскимъ.

Катавасiя. Малая ектенiя (если нетъ священника: Господи помилуй 3, и: Аминь).

И поемъ: Святъ Господь Богъ нашъ (трижды)

Светиленъ:

Лучемъ Небеснаго Света возсiялъ еси отче Iоанне въ последняя времена, въ нощи греховней, во зле лежащему мiру,[3] отступившему отъ веры и благочестiя, и вместо благодарности Богу за вся благая праведнымъ и нечестивымъ, – светитъ бо солнце Свое на злыя и добрыя,[4] – воздавшему, хуленiемъ Его Пресвятаго Имени. Ты же, отче святый, предзря имяборческое отступленiе отъ Бога огласилъ еси на весь мiръ истинное богословiе, возглашая Славу и Божество Имени Творца мiровъ, призывая всехъ къ вере истинной, и къ покаянiю за оскорбленiе Имени Милосерднаго Владыки Господа Бога.

Поемъ: Всякое дыханiе да хвалитъ Господа. Хвалите Господа съ небесъ, хвалите Его въ вышнихъ, Тебе подобаетъ песнь Богу.

Хвалите Его вси Ангели Его, хвалите Его вся силы Его. Тебе подобаетъ песнь Богу.

Чтецъ продолжаетъ: Хвалите Его солнце и луна: и прочее.

На хвалитехъ стихиры, гласъ 6:

Времени последняго предсказателя, / безбожiя обличителя, / веры истинныя Православныя проповедателя, / сектантскаго и еретическаго нечестiя посрамителя, / лютерскаго и латинскаго зловерiя обличителя, / скораго втораго пришествiя Христова глашатая, / въ правоверiи укрепителя, / чудотворца всемiрнаго, / и добраго пастыря, / Святаго Iоанна Кронштадтскаго / прославим, вернiи, / тепле молящагося о спасенiи / чтущихъ любовiю святую память его.

Богоносне преблаженне отче нашъ Iоанне, / мiра красоты и сладости временныя возненавидевъ, / служенiе Богу во iерействе ежедневное возлюбивый, / ангельское житiе на земли показавый, / глубочайшую веру и любовь къ Богу свою всему мiру явивый, / светильникъ вселенней показался еси, / и яко пастырь добрый / ища заблудшiя овцы, / къ вере Православней прiобщалъ еси,/ сего ради отче прославляемъ Тя, / молящагося о душахъ любовiю чтущихъ тя.

Богоносне преблаженне Iоанне, / все плотское мудрованiе Духу повинулъ еси, / пощенiи и сокровенными подвиги очистився, / яко злато в горниле искушено сiяя явился еси, / ангеламъ уподобився, / и Духа Пресвятаго прiятелище былъ еси, / въ мiре ангельское явивъ житiе, / мудрый бывъ наставник мiрскимъ и монахамъ, / добре овцы твоя словесныя упаслъ еси и къ Богу привелъ еси, / ученьми твоими на высоту добродетелей якоже лествицею возводя. / Поминай насъ, чтущихъ любовiю память твою, / и моли Господа спастися душамъ нашимъ.

Возсiя намъ богоугодное житiе твое, / преславне отче Iоанне, / поучая насъ боголюбезнымъ добродетелямъ: / всемъ бо явилъ еси въ себе правило веры и образ кротости, / подвиговъ молитвенныхъ и воздержанiя зерцало, / любве же и смиренiя сокровище неистощимое, / Темже чтуще святую память твою, / тебе венчавшаго Христа прославляемъ, / Его же моли о спасенiи душъ нашихъ.

Слава: гласъ 2:

Что Тебе принесемъ Христе, Боже наш, / и како по достоянiю воспоемъ щедроты Твоя, / яже преизобильне изливаеши на насъ недостойныхъ; / блажени есмы, чада суще церкве Твоея православныя, / въ нейже яко во дни древнiя, / тако и ныне дивная и преславная чудеса являеши, / прославляя святыя Твоя. / Се и ныне светло празднуемъ / новому чудотворцу предивному, / Егоже прославити благоволилъ еси. / Славимъ Имя Твое, Господи Боже нашъ, / поклоняемся величеству благости Твоея, / и припадающе вопiемъ Ти: / молитвами Святаго Iоанна помилуй насъ. Аминь.

И ныне: гласъ 6:

Все упованiе мое на Тя возлагаю, / Мати Божiя, / сохрани мя под кровомъ Твоимъ.

Славословiе великое.

Тропарь, гласъ 4:

Дивный пастырь показался еси, / богоблаженне Iоанне Кронштадтскiй, / подобный великимъ святителямъ въ лике святыхъ просiявшимъ, / чрезъ нихъ же благодать Христа Бога воспрiялъ еси: / недуги душевныя и телесныя исцеляти, / малодушныя утешати, / ленивыя на покаянiе воздвизати, / заблудшихъ к Православiю наставляти, / благочестивыя въ Таинстве причащенiя со Христомъ соединяти. / Сего ради любовiю ублажаемъ тя, / молящагося о душахъ нашихъ.

инъ Тропарь, гласъ 4:

Во Христе во веки живый чудотворче, / любовiю милуя сущихъ в бедахъ: / слыши чада твоя верою тя призывающихъ, / щедрыя помощи от тебе чающихъ, / Iоанне Кронштадтскiй возлюбленный пастырю наш.

Ектенiя: Помилуй насъ Боже: (Господи помилуй 12 раз, и: Аминь).

И отпустъ. Утверди Боже, святую православную веру, православныхъ христiанъ во векъ века. И часъ 1-й.

Часы.

На часехъ тропари и кондаки пременяющи.

3-й часъ начинается: Молитвами святыхъ отецъ нашихъ, Господи Iисусе Христе Боже нашъ, помилуй насъ. Аминь.,

В начале Литургiи и Изобразительной

полагается заздравная Ектенiя. Если безъ iерея, Господи помилуй 12 разъ, и поминаются въ правой вере сущiи. О еретикахъ, или находящихся въ общенiи съ имеборной антицерковью и о неверующихъ, молиться не «спаси Господи и помилуй», а: вразуми, и обрати ихъ, Господи, къ правой вере и къ покаянiю.

По 6-мъ часе, Последованiе Изобразительныхъ:

Благослови душе моя Господа:

Слава: Хвали душе моя Господа:

И ныне: Единородный Сыне:

Блаженны. Во царствiи Твоемъ:

Блаженны отъ канона святаго на 6, песни 3 и 6.

Слава: гласъ 4:

Праведник Божiй и великiй чудотворче, / столпъ и утвержденiе Церкви Христовой, / путеводная звезда истиннаго Православiя, / изводящая отъ ереси / и къ Божественней истине приводящая, / дорогой нашъ батюшка Iоанне Кронштадтскiй, / моли милосердiе Бога о насъ, / разрешенiе греховъ даровати, / на путь покаянiя наставити, / и даровати намъ молитву Iисусову непрестанную / исповедникамъ величiя и славы Имени Божiя, / съ верою и любовiю тя почитающимъ.

И ныне: гласъ 4:

О Пресвятая, Преблагословенная, Дево Богородице, / Мати Господа! / Вонми гласу моленiя насъ грешныхъ и недостойныхъ рабъ Твоихъ: / взыщи души наша во грехахъ погибающiя, / но отъ нашея любве къ Тебе вопiющихъ: / настави насъ заблуждающихся на спасительный путь, / во еже славити и величати Имя Господне, / и Твое благодатное Имя Всепетая.

И поемъ: Прiидите поклонимся / и припадемъ ко Христу, / спаси ны, Сыне Божiй, / во святыхъ дивенъ сый поющiя Ти / аллилуiа, аллилуiа, аллилуiа.

Аще въ неделю, вместо: «во святыхъ дивенъ», поется: «воскресый изъ мертвыхъ поющiя Ти аллилуiа.

Тропарь, гласъ 8:

Съ высоты принесеся Имя Твое Iисусе, Спасе нашъ, / на наше избавленiе во искупленiе рода человеческаго. / Отъ Твоего Имени Iисусе, трясется адъ. / Мы же призываемъ Имя Твое, Iисусе, / и симъ пресладкимъ Именемъ даруй намъ спасенiе.[5]

Покрову Пресвятой Богородицы.

Тропарь, гласъ 4:

Днесь благовернiи людiе светло празднуемъ, / осеняеми Твоимъ Богомати пришествiемъ, / и къ Твоему взирающе пречистому образу, / умильно глаголем: / покрый насъ честнымъ Твоимъ Покровомъ: / и избави насъ отъ всякаго зла, / молящи Сына Твоего Христа Бога нашего, / спасти души наша.

Тропарь св. Iоанну, гласъ 4:

Дивный пастырь показался еси, / богоблаженне Iоанне Кронштадтскiй, / подобный великимъ святителямъ въ лике святыхъ просiявшимъ, / чрезъ нихъ же благодать Христа Бога воспрiялъ еси: / недуги душевныя и телесныя исцеляти, / малодушныя утешати, / ленивыя на покаянiе воздвизати, / заблудшихъ к Православiю наставляти, / благочестивыя въ Таинстве причащенiя со Христомъ соединяти. / Сего ради любовiю ублажаемъ тя, / молящагося о душахъ нашихъ.

инъ Тропарь, гласъ 8:

Праведникъ Божiй и всемiрный чудотворче, / молитвенникъ предивный и целитель пресладостный, / притекавшихъ къ тебе недужныхъ множество, / молитвою ты ихъ исцелялъ еси. / Даруй и мне скорое исцеленiе, / душевное же и телесное, / падшему во многiя и тяжкiя грехи: / испроси у Бога согрешенiй моихъ прощенiе, / любимый нашъ отче Iоанне, / и молися ко Господу спастися душамъ нашимъ.

инъ Тропарь, гласъ 4:

Во Христе во веки живый чудотворче, / любовiю милуя сущих в бедахъ: / слыши чада твоя верою тя призывающихъ, / щедрыя помощи отъ тебе чающихъ, / Iоанне Кронштадтскiй возлюбленный пастырю наш.

И тропари: Дневной, и Празднуемому Святому.

И поемъ: Трисвятое.

Чтецъ: Прокименъ, гласъ 4

Дивенъ Богъ во святыхъ Своихъ, Богъ Израилевъ.

Ликъ: Дивенъ Богъ во святыхъ Своихъ, Богъ Израилевъ.

Чтецъ, Стихъ: В церквахъ благословите Бога, Господа отъ источникъ Израилевыхъ.

Ликъ: Дивенъ Богъ во святыхъ Своихъ, Богъ Израилевъ.

Чтецъ: Дивенъ Богъ во святыхъ Своихъ.

Ликъ: Богъ Израилевъ.

Апостолъ ко евреемъ, зач. 330

Чтецъ: Ко Евреемъ посланiя святаго Апостола Павла чтенiе.

Братiе, святiи вси верою победиша царствiя, содеяша правду, получиша обетованiя, заградиша уста львовъ: угасиша силу огненную, избегоша острея меча, возмогоша отъ немощи, быша крепцы во бранехъ, обратиша въ бегство полки чуждихъ. Прiяша жены отъ воскресенiя мертвых своихъ: инiи же избiени быша, не прiемше избавленiя, да лучшее воскресенiе улучатъ: Друзiи же руганiемъ и ранами искушенiе прiяша, еще же и узами и темницею, Каменiемъ побiени быша, претрени быша, искушени быша, убiйствомъ меча умроша, проидоша в милотехъ, и в козiях кожах, лишени, скорбяще, озлоблени: Ихже не бе достоинъ /весь/ мiръ, въ пустыняхъ скитающеся и въ горахъ и въ вертепахъ и въ пропастехъ земныхъ. И сiи вси послушествовани бывше верою, не прiяша обетованiя: Богу лучшее что о насъ предзревшу, да не безъ насъ совершенство прiимутъ. Аллилуiа, аллилуiа, аллилуiа.

Ликъ:: аллилуiа (трижды)

Чтецъ, стихъ: Воззваша праведнiи, и Господь услыша ихъ.

Ликъ: аллилуiа трижды.

Евангелiе от Луки, зачало 64.

Чтецъ (если нетъ священника) возглашаетъ: Отъ Луки Святаго Евангелiя чтенiе.

Клиръ: Слава Тебе Господи, слава Тебе.

Чтецъ: Рече Господь: всякъ, иже аще исповесть Мя предъ человеки, и Сынъ Человеческiй исповесть его предъ Ангелы Божiими: А отвергiйся Мене предъ человеки, отверженъ будетъ предъ Ангелы Божiими. И всякъ, иже речетъ слово на Сына Человеческаго, оставится ему: а на Святаго Духа хулившему не оставится. Егда же приведутъ вы на соборища и власти и владычества, не пецытеся, како или что отвещаете, или что речете: Святый бо Дух научит вы въ той час, яже подобает рещи.

Клиръ: Слава Тебе Господи, слава Тебе.

После чтенiя Евангелiя полагается заупокойная Ектенiя. (Аще нетъ iерея, поется заупокойное Господи помилуй 12 разъ, и поминаются усопшiе въ правой вере. А сродники, усопшiе въ общенiи съ имеборной антицерковью поминаются съ прибавкой: «Аще возможно, помяни Господи», и прочiе прошенiя о нихъ. А закоренелые имяборцы и другiе еретики вообще не поминаются, ихъ предавать на волю Божiю.

После поминовенiя

Прочее Изобразительныхъ (Обедницы), по Часослову:

Чтецъ: Помяни насъ Господи, егда прiидеши во царствiи Твоемъ. Помяни насъ Владыко, Егда прiидеши во царствiи Твоемъ. Помяни насъ Святый, Егда прiидеши во царствiи Твоемъ.

Слава, и ныне:

Ликъ небесный поетъ Тя и глаголетъ: Поется: Свят, Святъ, Святъ Господь Саваофъ, исполнь небо и земля славы Твоея.

Стихъ: Приступите къ Нему и просветитеся, и лица ваша не постыдятся. Лик небесный поетъ Тя и глаголетъ: Поется: Святъ, Святъ, Святъ Господь Саваофъ, исполнь небо и земля славы Твоея.

Слава: Ликъ святыхъ Ангелъ и Архангелъ со всеми небесными силами, поетъ Тя, и глаголетъ: Поется: Святъ, Святъ, Святъ Господь Саваофъ, исполнь небо и земля славы Твоея.

Чтецъ: И ныне: Ликъ: Верую во единаго Бога Отца…

Чтецъ: Ослаби остави… Ликъ: Отче нашъ…

Имени Божiю. Кондакъ, гласъ 4:

Яко да Имя Мое не осквернится предъ языки… / вы же доме Израилевъ, / сице глаголетъ Адонаи Господь: / кiйждо кумиры своя отымите, / и аще послушаете Мене, / и Имени Моего Святаго не осквернавити…/ И познаете, яко Азъ Господь, / да Имя Мое не осквернится злыми путями вашими.[6]

Сладчайшему Имени Iисусъ, Кондакъ, гласъ 6:

Царское Имя Iисусъ / на небеси и на земли царствующее: / на небеси все естество Ангельское / безпрестанно славитъ Пресвятое Имя Твое, Iисусе,[7] / на земли людiе возносятъ туюжде песнь, / составляется общее торжество / небесныхъ и земныхъ существъ вкупе славящихъ Тя. / Iисусе, Спасительное Имя, помилуй мя.[8]

инъ Кондакъ, гласъ 6:

Имя Твое Iисусе Спасе нашъ, / аки солнце мiръ облеста, / аки мvро благовонное вселенную облагоуха: / удиви Ангеловъ, обрадова человековъ, / устраши бесовъ, / прогоняется мракъ имеборчества, / благочестiя же Имяславия возсiяваетъ светъ, / и просвещаетъ всякаго человека, въ мiръ грядущаго.[9]

Покрову Пресвятой Богородицы.

Кондакъ, гласъ 3:

Дева днесь предстоитъ въ Церкви, / и съ лики святыхъ за ны невидимо молится Богу: / Ангели со архiереи покланяются, / Апостоли же со Пророки ликовствуютъ: / насъ бо ради молитъ Богородица превечнаго Бога.

Святому Iоанну Кронштадтскому

Кондакъ, гласъ 4:

Праведникъ Божiй и великiй чудотворче, / столпъ и утвержденiе Церкви Христовой, / путеводная звезда истиннаго Православiя, / изводящая отъ ереси и къ Божественней истине приводящая, / дорогой нашъ батюшка Iоанне Кронштадтскiй, / моли о насъ милосердiе Божiе, / на путь покаянiя наставити, / очистить насъ отъ страстей греховныхъ, / греховъ разрешенiе даровати намъ, / память смертную водрузити, / и молитву Iисусову непрестанную, / исповедникамъ славы и Божества Имени Божiя, / съ верою и любовiю тя почитающимъ.

Кондаки: Дневной и Празднуемаго Святаго по месяцеслову.

Слава: Со святыми упокой:

И ныне: Предстательство христiанъ непостыдное:

Господи помилуй 12 разъ.

Всесвятая Троице:

Буди Имя Господне благословенно: (трижды)

Слава и ныне:

Псалом 33: Благословлю Господа:

Достойно есть яко воистину:

Слава: и ныне: Господи помилуй (трижды) Благослови.

Молитвами святыхъ отецъ нашихъ, | Господи Iисусе Христе Боже нашъ, | помилуй насъ. Аминь.

Песнопенiя в конце службы:

Утвержденiе на Тя надеющихся, | утверди Господи Церковь, | юже стяжалъ еси | честною Твоею кровiю (Трижды).

Утверди Боже, | святую православную веру, православныхъ христiанъ, | во векъ века.

Всю братiю нашу и вся православныя христiаны, | Господи помилуй, Господи помилуй, Господи помилуй, | Господи сохрани ихъ на многая лета.

Упованiе мое Отецъ, | прибежище мое Сынъ, | покровъ мой Духъ Святый: | Троице Святая, слава Тебе.

Богородице Дево, | упованiе христiаномъ, | покрый, соблюди, и спаси на Тя уповающихъ.

Не имамы иныя помощи, | не имамы иныя надежды, | разве Тебе Владычице, | Ты намъ помози, | на Тебе надеемся, | и Тобою хвалимся, | Твои бо есмы раби, | да не постыдимся.

Все упованiе мое на Тя возлагаю, / Мати Божiя, | сохрани мя подъ кровомъ Твоимъ.

Владыко Христе Царю Многомилостиве, | прiими молитвы рабъ Твоихъ, | и избави насъ, отъ всякiя нужды и печали.

Владычице, прiими молитвы рабъ Твоихъ, | и избави насъ, | отъ всякiя скорби и болезни.

Господи помилуй, | Господи помилуй, | Господи помилуй. Аминь.

• осподи мой Господи, | Пастырь мой родной, | спаси меня отъ ада, | и будь всегда со мной.