Полiелей: (Прославленiе Имени Божiя)

Хвалите Имя Господне, хвалите раби Господа: аллилуiа, аллилуiа, аллилуiа.[4]

Благословенъ Господь отъ Сiона, живый во Iерусалиме. Аллилуiа, аллилуiа аллилуiа.

Исповедайтеся Господеви, яко благъ яко ввекъ милость Его. Аллилуiа, аллилуiа, аллилуiа.

Исповедайтеся Богу небесному яко ввекъ милость Его. Аллилуiа, аллилуiа, аллилуiа.

Величанiе:

Величаемъ Васъ / Святiи мученицы, исповедницы Афонстiи, / и чтемъ честная страданiя ваша, / яже за Имя Господне претерпели есте.

Псаломъ избранный: Чтецъ: Воспойте Господеви. Ликъ: пойте Имени Его.[5]

Величаемъ:

Ины псалмы избранные: Свято и страшно / Имя Его.[6]

И хвально и прославленно / Имя Твое во веки[7]

Господи, посли благодать Твою въ помощь мне, / да прославлю Имя Твое Святое![8]

Услышитъ Тя Господь въ день печали, / защититъ Тя Имя Бога Iаковля[9]

Повемъ Имя Твое братiи моей, / посреде церкви воспою Тя.[10]

Господи, Господь нашъ, / Ликъ: яко чудно Имя Твое по всей земли![11]

Величаемъ:

По Имени Твоему, Боже, тако и хвала Твоя / на концах земли.[12]

Да разумеютъ языцы, / яко Имя Тебе – Господь[13]

И да уповаютъ на Тя, / знающiе Имя Твое[14]

Восхвалю Имя Бога моего с песнiю, / возвеличу Его во хваленiи.[15]

Будетъ Имя Его благословенно во веки, / Ликъ: прежде солнца пребывает Имя Его.[16]

Величаемъ:

Людiе безумнiи / хулятъ Имя Твое.[17]

Нищъ и убогъ / восхвалита Имя Твое.[18]

Азъ Господь Богъ, / сiе есть Имя Мое.[19]

Живу Азъ, / и присно живетъ Имя Мое.[20]

Господь Богъ Саваофъ / Имя Ему.[21]

Пойте Имени Его, / яко добро.[22]

Хвалите Имя Господне, / хвалите раби Господа![23]

Всякое дыханiе, / да хвалитъ Господа![24]

Слава и ныне: Аллилуiа, аллилуiа, аллилуiа слава Тебе Боже (дважды) 3-й разъ Аллилуiа поется протяжно, и паки:

Величанiе. (Величанiе поется сколько хочется разъ)

Седаленъ, гласъ 8:

Храмъ души моея созижди Господи, / Твоему Пресвятому Имени, / да славлю и величаю Тя во вся веки, / молитвами Богородицы и святыхъ мучениковъ Афонскихъ, / за Имя Твое пострадавшихъ.

Слава и ныне, Богородиченъ, гласъ 6:

Все упованiе наше на Тя возлагаемъ, / Мати Божiя, / сохрани насъ подъ кровомъ Твоимъ.

Таже степенна, 1-й антифонъ 4-го гласа.

Отъ юности моея / мнози борютъ мя страсти / но Самъ мя заступи, / и спаси, Спасе мой.

Ненавидящiи Сiона, посрамитеся отъ Господа, яко трава бо огнемъ будете изсохше.

Слава Отцу и Сыну, / и Святому Духу.

Святымъ Духомъ, / всяка душа живится, / и чистотою возвышается,/ светлеется Тройческим единством Священнотайне.

И ныне, и присно, / и во веки вековъ, аминь. Тойже: Святымъ Духомъ…

Прокименъ, гласъ 4:

Чтецъ: Прокименъ, гласъ четвертый: Воскликните Господеви вся земля: Пойте Имени Его. [25]

Ликъ: Воскликните Господеви вся земля: Пойте Имени Его.

Чтецъ, Стихъ: Хвалите Имя Господне, хвалите раби Господа.

Ликъ: Воскликните Господеви вся земля: Пойте Имени Его.

Чтецъ: Воскликните Господеви вся земля:

Ликъ: Пойте Имени Его.

Чтецъ: Всякое дыханiе да хвалитъ Господа.[26]

Ликъ: Всякое дыханiе да хвалитъ Господа.

Чтецъ: Хвалите Господа съ небесъ, хвалите Его въ вышнихъ.

Ликъ: Всякое дыханiе да хвалитъ Господа.

Чтецъ: Всякое дыханiе

Ликъ: да хвалитъ Господа.

Евангелiе отъ Луки, зачало 106.

Чтецъ (если нет iерея): От Луки святаго Евангелiя чтенiе.

Ликъ: Слава Тебе Господи, слава Тебе.

Чтецъ: Рече Господь Своимъ ученикомъ: внемлите отъ человекъ. Возложатъ на вы руки своя, и ижденутъ, предающе на сонмища и темницы, ведомы къ царемъ и владыкамъ, Имене Моего ради. Прилучится же то, во свидетельство. Положите убо на сердцахъ вашихъ, не прежде поучатися отвещавати: Азъ бо дамъ вамъ уста и премудрость, ей же не возмогутъ противитися, или отвещати вси противляющiися вамъ. Предани же будете и родители и братiею, и родомъ, и други; и умертвятъ отъ васъ. И будете ненавидими отъ всехъ Имене Моего ради, и власъ главы вашея не погибнетъ. Въ терпенiи вашемъ стяжите души ваша.

Ликъ: Слава Тебе Господи, слава Тебе. И поетъ:

Слава: Молитвами святыхъ мучениковъ исповедниковъ Афонскихъ, / Милостиве очисти, / множества согрешенiй нашихъ.

И ныне: Молитвами Богородицы, / Милостиве очисти, / множества согрешенiй нашихъ.

Помилуй мя Боже, / по велицей милости Твоей, / и по множеству щедротъ Твоихъ, / очисти беззаконiе мое.

По 50 псалме. Стихира, гласъ 6:

Святiи страдальцы за Имя Господне, / мученицы Афонстiи, / многiя раны претерпевшiи, / и кровь свою пролiявшiи, / столпи церковнiи, / мiру цветъ благоуханный, / демонскую прелесть посрамившiи, / Имя Господне прославившiи, / молитеся о нас ко Господу, / веру соблюсти во Имя Божiе,[27] / и спастися душамъ нашимъ.

Канонъ Богородице какой хощеши.

Канонъ мученикамъ:

Песнь 1. Iрмосъ, гласъ 8.

Воду прошедъ, яко сушу, / и египетскаго зла избежавъ, / израильтянинъ вопiяше: / Избавителю и Богу нашему поимъ.

Святiи мученицы Афонстiи, молите Бога о насъ грешныхъ.

Отче Боже, Всесильне Господи и Спасителю нашъ, низпосли благодатную помощь Твою немощи нашей, по силамъ воспети подвигъ страдальцевъ Афонскихъ, души своя предавшихъ за Имя Твое Пресвятое.[28]

Како по достоинству воспоемъ подвигъ вашъ святiи исповедницы Афонстiи; немощенъ умъ нашъ; но сами вложите въ уста наша слово хваленiя, да вознесемъ подвигъ вашего стоянiя за честь, славу и Божество Сладчайшаго Имени Iисусъ Христова.[29]

Убежаша от суеты мiра во святый Афонъ, подвигомъ добрымъ подвизастеся, святiи исповедницы: въ смиренiи и послушанiи, въ непрестанномъ деланiи молитвы Iисусовой очистивъ сердца ваша явились достойнiи небесныхъ венцевъ святыхъ мучениковъ.

Богородиченъ: Пресвятая Мати Дево, сотвори милость Твою съ нами: излей на насъ грешныхъ лучъ благодати и милости Твоея и Сына Твоего, да воспоемъ и возвеличимъ страдальческiй подвигъ святыхъ мучениковъ Афонскихъ.

Катавасiя: Iрмосъ каждой песни канона.

Песнь 3. Iрмосъ:

Ты еси утвержденiе притекающихъ къ Тебе, Господи. / Ты еси Светъ омраченныхъ, / и поетъ Тя духъ мой.

Како достойно воспоемъ подвигъ вашъ во Святей Горе, иноцы Афонстiи; не возгнушайтеся немощнымъ словомъ нашимъ, грехами бо обложени есмы, но помогите намъ вашими святыми молитвами.

Намъ немощнымъ удобее есть молчанiе, но да не явимся неблагодарнiи предъ Господемъ нашимъ, и яко раби ленивiи; аще и золото есть молчанiе, обаче и доброе слово есть серебро.

Намъ еже жити – Христосъ, и еже умрети – прiобретенiе, возопиша со Апостоломъ, святiи исповедницы, и умроша, якоже и Павелъ, за Имя Господа Iисуса,[30] въ защите чести и Славы Его, – добрая похвала вамъ отъ Господа и венцы вамъ Небесные, мученицы преблаженнiи!

Богородиченъ: Мати Божiя Всепетая, Сына безлетна отъ Отца безъ матере рожденнаго, во времени безъ отца рождшая, и Девою чистою пребывшая, даждь намъ ревность целомудренно житiе проводити и подвизатися о Славе Имени возлюбленнаго Сына Твоего Iисуса; Ты бо воспела еси: «яко Свято Имя Его».[31]

Седаленъ, гласъ 8:

Славою тленнаго мiра сего пренебрегшiи, / возлюбиша славу Божiю паче славы человеческiя, / и возревноваша исповедницы быти и пострадати за Имя Господне / въ брани с имяборцами, восхулившими Пресвятое Имя Его. / Молите, мученицы, и намъ грешнымъ даровати / частицу вашей ревности и мужества / постояти за Имя Божiе, / и аще Господь благословитъ, / за Негоже и пострадати.

Слава: и ныне: гласъ 6:

Молимъ Тя Владычице Пресвятая: / очисти ны отъ всякiя скверны плоти и духа, / милостiю Сына Твоего возлюбленнаго, / да хранимъ непрестанно память Божiю, / и да стоимъ твердо въ правой вере во Имя Господне / до скончанiя века.

Песнь 4. Iрмосъ:

Услышахъ, Господи, / смотренiя Твоего таинство, / разумехъ дела Твоя / и прославихъ Твое Божество.

Азъ Господь Богъ – сiе Мое есть Имя, глаголетъ Господь.[32] Увероваша всемъ сердцемъ реченiю Господа, иноцы, исповедницы Афонстiи, не отвергостеся, но исповедаша Славу и Божество Имени Божiя, Которое есть «Сам Господь Богъ»[33].

Мое Имя есть Вечное:[34] живу Азъ и присно живетъ Имя Мое, глаголетъ Господь Вседержитель.[35] Имяборцы же возлюбившiи славу человеческую, паче Славы Божiя, отрыгнуша хулу на сiе Вечное Имя Бога, и дерзнуша отвергнути Его бытiе. Исповедницы же Афонстiи заградиша хульныя уста имяборцевъ.

Дивное Имя Твое, Iисусе, Спасе нашъ, ангели поютъ на небеси, и мы грешнiи на земли бренными устнами воспеваемъ, Его же ради помилуй насъ[36], – воспеваетъ Церковь Христова изначала своего бытiя. Имяборцы же отвергоша исповеданiе Святой Церкви и воспротивишася Самому Господу, и воздвигоша гоненiе на Святейшее Имя Его и на исповедниковъ Его Божества.

Богородиченъ: Спасай насъ, Мати Божiя Благословенная, отъ пагубнаго имяборчества, Твоимъ Всемощнымъ Покровомъ и Заступленiемъ, дабы исповедати намъ до последняго издыханiя вечность и Божество Святейшаго Имени Бога-Отца, Бога-Сына, и Бога-Духа Святаго.

Песнь 5. Iрмосъ:

Вскую мя отринулъ еси / от лица Твоего, Свете Незаходимый, / и покрыла мя есть чуждая тьма, окаяннаго? / Но обрати мя и к свету заповедей Твоихъ, / пути моя направи, молюся.

Отче! прослави Имя Твое, – тако молился Сынъ Божiй къ Отцу Своему Небесному. И прiиде гласъ от Отца съ небесе: И прославихъ и паки прославлю.[37] Имяборцы же, мнящiи себя мудрыми, безумно воздвигоша прю съ Самимъ Богомъ, глаголя: не Имя Бога подобаетъ прославлять, а Его существо. Сими безумными глаголы восхулиша Самого Бога, падши въ безбожiе. Вы же святiи мученицы исповеданiемъ вашимъ отвергли безумiе имяборческое.

Превеликое Имя Твое Спасе, на Небеси одесную Отца седящу Ти почитается, - воспеваетъ Святая Церковь Христова[38] обличая безумное нечестiе имяборцевъ, восхулившихъ Церковь Христову отверженiемъ Слова Божiя и ученiя Церковнаго. Исповедницы же, впику имяборцамъ рекутъ: Слава Имени Iисусъ Христову! Слава Ему во веки! Аминь.

Богъ есть ревнитель Славы Своего Имени.[39] Имяборцы же, всехъ прославляющихъ Имя Бога, обругали четверобожниками, и симъ отвергли Глаголы Вечной жизни въ Богооткровенномъ Писанiи; отвергли и Самого Бога, исповедавшаго Имя Свое Самимъ Собою, и отнесли Бога къ еретикамъ. Нетерпя такого злохуленiя, исповедницы Афонстiи Словомъ Божiимъ заградили нечестивые уста имяборцевъ[40].

Богородиченъ: Царица Небесная, Мати Милосердiя, Ты, еси глубокiй кладязь Милости и щедротъ и о всемъ мiре молишися, умоли Милосердiе Сына Твоего и Бога, да вразумитъ падшихъ въ пагубное имяборческое отступленiе, да познаютъ имяборцы, яко Имя Ему – Господь,[41] и да покаются за отступленiе отъ Православныя Веры во Имя Божiе.

Песнь 6. Iрмосъ:

Молитву пролiю ко Господу / и Тому возвещу печали моя, / яко зол душа моя исполнися / и животъ мой аду приближися, / и молюся, яко Iона: / отъ тли, Боже, возведи мя.

Святая, истинно Православная Церковь, а не названiемъ токмо, сущая Вселенская Церковь Христова, две тысящи летъ въ своихъ Богослуженiяхъ призываетъ чадъ своихъ: Хвалите Имя Господне, хвалите раби Господа. Аллилуiа.[42] Сiе хваленiе Имени Божiя коробитъ сердце имяборцевъ, иже устами поютъ сiе, но сердцемъ отвергаютъ бытiе Имени Бога. Исповедницы же и мученицы Афонстiи Словомъ Божiимъ обличиша нечестiе имяборцевъ.

Господи Iисусе Христе, Сыне и Слове Божiй, Богородицы ради, помилуй насъ грешныхъ![43] Сiе Спасительное Имя[44] призывающе имамы надежду спасенiя; глаголетъ Петръ верховникъ: несть бо инаго имене подъ небесемъ даннаго въ человецехъ, о немже подобаетъ спастися намъ.[45] Сiе исповеданiе крепко держаша, иноцы Афонстiи прiяша венцы мучениковъ.

И Павелъ, инъ верховник, глаголетъ, яко Отецъ Небесный за подвигъ Искупленiя дарова Сыну Своему Имя еже паче всякаго имене, да поклонится Имени Iисусову всяко колено небесныхъ и земныхъ и преисподнихъ, и всякъ языкъ исповесть, яко Господь Iисусъ Христосъ во славу Бога Отца.[46] Сiе Имя паче всякаго имене имяборцы принимают за простое имя человеческое. Но мученицы Афонстiи заградиша хульныя уста имяборцев.

Богородиченъ: Предстательница непостыдная предъ Сыномъ Твоимъ и Богомъ, усердная Молитвеннице за родъ Христiанскiй, Пресвятая Мати Дево, моли Милосерднаго Сына Своего, да заградитъ Онъ хульныя уста имяборцевъ лающихъ на Божество Имени Его, да не внидут въ слухъ нашъ безумные глаголы ихъ, да вразумитъ Господь на покаянiе всехъ имяборцевъ, мнимо православныхъ.