Кондакъ, гласъ 4:

Какими устами восхвалимъ вашъ подвигъ, / славнiи исповедницы и мученицы Афонстiи, / за Имя Господне предавшiи души своя, / и смерть прiявшiи отъ нечестиваго архiерея Никона, / егда отказастеся подписати ересь имеборческую? / Да будетъ похвала вамъ отъ Господа! / А насъ спасайте вашими, къ Богу святыми молитвами.

I к о с ъ.

Юношу Савла, бывша ревнителя не по разуму отеческихъ преданiй и гонителя христiанъ, Богъ избралъ въ сосудъ Своей благодати, пронести по мiру Имя Господне.[1] Васъ же, святiи мученицы, Афонстiи, избралъ Господь отъ мiра яко соль земли, возвестити мiру славу Имени Бога нашего, вопреки нечестiю имяборческому. Темъ же и сподобились пострадати даже до крове, и воспрiяти венцы мучениковъ. Предстоя у Престола Всевышняго Господа молитеся о насъ грешныхъ, братьяхъ вашихъ по вере, съ верою и любовiю совершающихъ память вашу.

Песнь 7. Iрмосъ:

Отроцы еврейстiи въ пещи / попраша пламень дерзновенно / и на росу огнь преложиша, вопiюще: / благословенъ еси Господи Боже, во веки.

Наста время Апокалипсиса Апостола Iоанна Богослова, иже рече: Вышелъ изъ моря зверь, и открылъ онъ уста свои говорящiя гордо и богохульно, для хулы на Бога, чтобы хулить Имя Его.[2] Ослепленные же гордостiю синодалы не уразумеша обличенiе своего отступленiя отъ Имени Божiя и, подражая зверю, хулятъ Имя Господне. Исповедницы же Афонстiи уразумеша предсказанное Павломъ Апостоломъ отступленiе отъ Бога хулителей Святейшаго Имени Его[3]

Сохранившiе слово терпенiя и не отрекшiеся отъ Имени Божiя[4] исповедницы Афонстiи явили всему мiру образъ мужественнаго стоянiя за истинную Веру Православную, и явились наследниками обетованiй Божiихъ: иже суть белыя одежды, знаменующiя благодать святаго крещенiя; хожденiе съ Богомъ въ белыхъ одеждахъ подъ благодатiю Божiей; избавленiе отъ годины искушенiя живущихъ на земле – за любовь къ Имени своего Искупителя Iисуса, неизглажденiе имени ихъ изъ Книги Жизни.[5]

Вышелъ изъ моря – из мiра зверь и отверзе уста своя на хуленiе Бога, еже хулити Имя Его, и селенiе Его, и живущiя на небеси (Исповедниковъ-Имяславцевъ); и поклонятся ему все живущiе на земли, имена коихъ не написаны въ книзе жизни у Агнца, закланнаго отъ созданiя мiра;[6] прельститъ окаянный, избранныхъ,[7] и победитъ святыхъ,[8] си есть крещенныхъ въ Трисвятое Имя Божiе христiан, – имена же исповедниковъ не изглаждены изъ книги жизни,[9] и не поклонятся зверю, аще токмо сохранятъ слово терпенiя и не отрекутся отъ Имени Божiя.[10] Господи, молитвами святыхъ Твоихъ мучениковъ Афонскихъ, сохрани насъ до конца устоять въ вере во Имя Твое Пресвятое.

Богородиченъ: Владычице наша Пресвятая Богородице, к Тебе милостивой, прибегаемъ, и Тебя усердно молим, любвеобильная Мати и Заступнице наша, недостойнiи раби Твои: вознеси всемощныя молитвы Твои о насъ ко Господу, да не изженетъ насъ изъ лика исповедниковъ, сохранившихъ слово терпенiя и не отрекшихся отъ Имени Его, и да не изгладитъ имена наша изъ Книги Жизни, да сохранитъ насъ отъ поклоненiя зверю хулителю Имени Божiя, за Твои Владычице, всесильные Богоматернiи молитвы, и за молитвы святыхъ мучениковъ Афонскихъ.

Песнь 8. Iрмосъ:

Седмерицею пещь / халдейскiй мучитель / Богочестивымъ неистовно разжже, / силою же лучшею спасены сiя видевъ, / Творцу и Избавителю вопiяше / отроцы, благословите,/ священницы, воспойте, / людiе, превозносите во вся веки.

Нiоткуду помощи обретоша исповедницы Афонстiи въ подвизе стоянiя за Имя Господне: ни от лжебратiй послушныхъ начальству, ни отъ сильныхъ мiра сего врхiереевъ синодальныхъ, ни отъ начальниковъ Афонскихъ послушныхъ архiереямъ имяборцамъ, ни отъ Греческихъ патрiарховъ имяборцевъ, но обретоша помощь отъ Пречистыя Игуменiи Святыя Горы Афонскiя, и Ея возлюбленнаго Сына и Господа, и воспроповедаша Славу Сладчайшаго Имени Его[11] супротивъ хуленiю имяборному.[12] Сего ради прiяша отъ Бога венцы Небесной славы.

Егда лжесхимникъ ересiархъ Алексей Киреевскiй, первый открыто возглагола хулу на Имя Господне, аки бы ученiе Iоанна Кронштадтскаго: Имя Божiе есть Самъ Богъ[13] суть еретическое, тогда истинный схимникъ и молитвенникъ Мартинiан (Белоконь), первый на Афоне явившiйся защитникъ Божества Имени Бога, заградилъ хульныя уста Киреевского православнымъ и спасительнымъ исповеданiемъ, и его имя вписано въ Книгу Жизни на Небеси, и сподобился онъ кончины мученика въ лагере града Иркутска.

Посрамилъ Господь мудрость мудрецовъ, лжеученыхъ архiереевъ имяборцевъ, и разумъ ихъ отвергъ, и открылъ Онъ младенцамъ[14] смиреннымъ инокамъ Афонским тайну благочестiя, по св. Григорiю Нисскому – въ исповеданiи Имен Пресвятой Троицы Отца и Сына и Святаго Духа;[15] тайну же беззаконiя[16] – въ похуленiи Именъ Божiихъ. Добре подвигъ свой скончавшiе мученицы святiи, молитеся усердно о насъ ко Господу.

Богородиченъ: Владычице наша Пресвятая Богородице, Невесто Неневестная, преестественно Сына Девою рождшая, моли Егоже сосцами питала еси Питающаго вселенную всю, Егоже возлюбила еси, Возлюбившаго созданiе Свое даже смерти Крестныя, по снятiи же со Креста въ болезни сердечной оплакивала еси возлюбленное Чадо Свое, да умилосердится Сынъ Твой моленiемъ и прошенiемъ возлюбленной Матере Своея, и да вразумитъ заблуждшихъ имяборцевъ, не ведятъ бо что творятъ своимъ лжеученiемъ.

Хвалимъ, благословимъ, покланяемся Господеви, поюще и превозносяще во вся веки. Катавасiя. И поемъ Честнейшую:

Песнь 9. Iрмосъ:

Устрашися всякъ слухъ / неизреченна Божiя снисхожденiя, / яко Вышнiй волею сниде даже и до плоти, / отъ Девическаго чрева бывъ Человекъ, / темъ же Пречистую Богородицу, вернiи величаемъ.

Невозможно изрещи муки и страданiя ваши мученицы Афонстiи, и водой ледяной затопленiе, и оружiемъ и дрекольми избiенiе, и иконами из рукъ вашихъ вырванными по головамъ бiенiе, и прикладами оружiя избоденiе, и штыками винтовокъ проколенiе; и избитыхъ изъ третьего этажа яко снопы по лестнице бросанiе;[17] и въ толикихъ мученiяхъ скончаваемые, венцевъ отъ Господа прiятiя сподобишася. Темъ же молимъ васъ, яко дерзновенiе молитвенное имущимъ: молитеся усердно за ны ко Господу, чтущихъ святую память вашу.

Лжеепископъ Никонъ бунтарь и погромщикъ афонскiй, посоревнова древнимъ иконоборцамъ, напоиша воиновъ спиртнымъ и натравиша ихъ избивати исповедниковъ святыми иконами, разбивая о головы ихъ, бросая въ грязь и топча ногами; такожде и Кресты, и Царскiе портреты, вырывая изъ рукъ исповедниковъ, бiя ими по головамъ ихъ, и разбивше вдребезги бросая въ грязь и топташа ногами. Таковому иконоборчеству Никона позавидовали сущiи во аде иконоборцы. О таковомъ страшномъ беззаконiи Синода и Никона написано въ книзе судебъ Божiихъ. О мученицы Афонстiи! Неисчислимы ваша страданiя за Имя Господне! Примите недостойная хваленiя наша святыхъ подвиговъ вашихъ, и молите Господа о спасенiи душъ нашихъ.

Славнiи мученицы, исповедницы Афонстiи! Мы немощные братья ваши по вере, поминая страданiя ваша за Имя Господне, умиляемся вашимъ мужествомъ и ревностiю о славе Святейшего Имени Бога. Благодаримъ Господа Бога за васъ, и, какъ могли, почтили святую вашу память! Не возгнушайтесь слабымъ нашимъ хваленiемъ великихъ подвиговъ вашихъ, но примите его яко дань, приносимую вамъ отъ умиленныхъ сердецъ нашихъ. Не оставляйте насъ въ святыхъ вашихъ молитвахъ, усердно просимъ васъ: молитесь усердно за насъ грешныхъ у Престола Бога Вседержителя, обрести милость Его въ День Судный к намъ, почитающмъ святую вашу память.

Богородиченъ: Все упованiе наше возлагаемъ на Тя, милосердная Мати Божiя, не презри недостойная моленiя отъ умиленнаго сердца нашего приносимая въ похвалу мучениковъ исповедниковъ Святыя Горы Афонскiя Твоего земнаго Жребiя, въ ней же была еси Игуменiей, – заступи и спаси насъ, къ помощи и заступленiю Твоему притекающихъ, ради Сладчайшего Имени Сына Твоего и Бога нашего Iисуса Христа. Аминь.

Катавасiя. Малая ектенiя (если нетъ священника: Господи помилуй 3, и: Аминь).

И поемъ: Святъ Господь Богъ нашъ (трижды)

Светиленъ:

Егда Никонъ бунтарь Афонскiй повеле инокамъ подписати хулу Синода на Имя Господне, тогда послушные человекамъ иноцы подписались; а иноцы послушные Богу отвещали словами Апостоловъ: судите сами: справедливо ли слушать человеки паче, нежели Бога?[18] Презревъ приказанiе Никона, они отвергли посланiе Синода аки мерзость. Слава вамъ, святiи мученицы и похвала отъ всехъ чиновъ Ангельскихъ и отъ человекъ, – от Бога же вамъ награда, венцы святыхъ мучениковъ!

Слава: и ныне: Богородиченъ.

Пресвятая Богородице, Пречистая Дево, Мати неискусомужная, Спасителя мiру неизреченно плотiю рождшая, молимъ Тя молитвенницу и заступницу за верныхъ христiанъ: защити насъ въ день испытанiй отъ лютыхъ напастей вражiихъ Твоими усердными молитвами къ Сыну Твоему и Богу нашему, славящихъ Всесвятое Его Имя и Твое Имя сладчайшее, Приснодево.

И поемъ:

Всякое дыханiе да хвалитъ Господа. Хвалите Господа съ небесъ, хвалите Его въ вышнихъ, Тебе подобаетъ песнь Богу.

Хвалите Его вси Ангели Его, хвалите Его вся силы Его. Тебе подобаетъ песнь Богу.

Чтецъ продолжаетъ: Хвалите Его солнце и луна: и прочее.

На хвалитехъ стихиры 4, гласъ 6:

Егда иноцы исповедницы / отказашася подписати / хульное посланiе Синода, / Никонъ архiимяборецъ / задрожалъ свирепъ сый, / гневно стуча посохомъ о полъ и закричалъ: / Имя Божiе не есть Богъ, / Iисусъ не Богъ, / и Христосъ не Богъ, / всякое имя Божiе не Богъ, / и червякъ имеетъ имя, по вашему и червякъ Богъ! / Срамъ и позоръ сему лжеепископу, / самого себя въ нечестiи обличившему.

Тогда инокъ Ириней возгласи: / Апокалипсисъ про последнее время глаголетъ: / вышелъ изъ моря зверь и отверзе уста своя / въ хуленiе къ Богу, хулити Имя Его, / и селенiе Его и живущiя на небеси. / Сiе пророчество исполнися на васъ имяборцах. / Боже, сохрани и избави насъ, / отъ тяжкiя хулы на Святейшее Имя Твое.

Тогда Никонъ одноокiй, телом полуслепой / и духовно ослепшiй / одержимый злымъ духомъ, неистово закричалъ: / Слушайтесь меня все: / так Англiя и Францiя веруютъ как Синодъ приказалъ, / вы же гордецы / не хотите покориться Синоду, / васъ кучка, всего три тысячи монахов, / для Церкви это ничто! / молодыхъ поженимъ, / стариковъ разстрижемъ и определимъ въ богадельни! / Тако архипастырь «вразумлялъ» иноковъ Афонскихъ, / волкъ въ овечьей одежде. / Избави насъ, Господи, отъ волковъ лютыхъ, / и прелести ихъ вражiя, / молитвами Пресвятой Богородицы, / и святыхъ мучениковъ исповедниковъ Афонскихъ.

Ничтоже успевая въ своемъ приказанiи / подписати хулу Синода на Имя Божiе, / Никонъ далъ приказанiе воинамъ: / заливать исповедниковъ ледяною горной водой / пожарными шлангами, / избивать ихъ штыками и прикладами, / разбивать о головы ихъ святыя иконы, / кресты и царскiе портреты, / и бросая ихъ въ грязь солдтаты топтали ногами. / И мученическая кровь пролилась за Имя Господне: / лужи крови стояли по каменному настилу двора.

Слава: гласъ 6:

Знала ли Святая Гора Афонская въ прежнихъ векахъ / подобная мученiя: / восемьнадесять иноковъ получиша раненiя, / отъ нихъ же четыредесять тяжкiя, / более пяти иноковъ быша убиени, / и нощiю тайно захоронены, / имена ихъ потщалися сокрыти. / Молитвами, Господи, святыхъ Твоихъ мучениковъ / пострадавшихъ за Пресвятое Имя Твое, / сохрани насъ отъ козней антихриста, / да будетъ благословенно Имя Святое Твое![19]

И ныне: гласъ 8:

Владычице, прiими молитвы грешныхъ и недостойныхъ рабъ Твоихъ, / и избави насъ / отъ всякiя нужды и печали.

Славословiе великое.

Тропарь, гласъ 1:

Болезньми Святыхъ Афонскихъ мучениковъ, / за Имя Твое Святое пострадавшихъ, / умоленъ буди, Милостивый Господи, / и вся наша болезни исцели, / Человеколюбче, молимся.

Ектенiя: Помилуй насъ Боже: (Господи помилуй 12, и: Аминь).

И отпустъ. Утверди Боже, святую православную веру, православныхъ христiанъ во векъ века.

И часъ 1-й. По молитве: Христе, Свете истинный: Взбраннной Воеводе победительная: Слава и ныне: Господи помилуй (трижды), Благослови: Молитвами святыхъ отецъ нашихъ, Господи Iисусе Христе Боже нашъ, помилуй насъ. Аминь.

Часы.

3-й часъ (если нетъ священника): Молитвами святыхъ отецъ нашихъ, Господи Iисусе Христе Боже нашъ, помилуй насъ. Аминь.,

Чтецъ: Начало обычное. Отче наш…

На часехъ тропари и кондаки пременяющи.

Тропарь мученикамъ, гласъ 6:

Онебесившiи житiе ваше Афонстiи мученицы, / славнымъ подвигомъ вашимъ исповедническимъ, / егда веленiе архiимяборца Никона попрали есте, / подписати грамоту синодальную, / Божество Имени Божiя отвергшую, / Имя же Iисусово Сладчайшее обругавшую, аки простое имя человеческое. / Вы же славнiи Божiи исповедницы, Имя Господне защитившiи, / и души за Него своя предавшiи, / и венцы отъ Господа прiявшiи: / дерзновенно молитеся о нас ко Господу, / сохранити веру во Имя Господне.[20]

инъ Тропарь, гласъ 1:

Болезньми Святыхъ Афонскихъ мучениковъ, / за Имя Твое пострадавшихъ, / умоленъ буди Милостивый Господи, / и вся наша болезни исцели, / Человеколюбче, молимся.

Кондакъ, гласъ 8:

Какими устами восхвалимъ вашъ подвигъ, мы недостойнiи, / славнiи исповедницы и мученицы Афонстiи, / за Имя Господне души своя предавшiи, / и смерть прiявшiи отъ нечестиваго архiерея Никона, / отказастеся бо подписати ересь имяборную? / Да будетъ похвала вамъ отъ Господа! / А насъ спасайте молитвами вашими ко Господу.

инъ Кондакъ, гласъ 8:

Избранным от чрева матере быти исповедниками Славы Имени Божiя, / на кончине вековъ поруганнаго отъ нечестиваго Синода, / архiереями и духовенствомъ Россiйскiя Церкве, / монахами и мiрянами яко соль земли обуявшими,[21] / славу человеческую возлюбившими паче Славы Божiя.[22]/ Вы бо исповедницы нетерпя злохуленiя имяборческаго, / воспрiявши въ сердце свое яко крепкiй щитъ Спасительное Имя Iисусово,[23] / ополчишася на защиту Славы Имени Божiя, / победили демонскiя полки имяборцевъ, / сего ради приносим вамъ похвалы сiя: / Радуйтеся новыя исповедницы и защитницы веры во Имя Господне.

В начале Литургiи и Изобразительной

полагается заздравная Ектенiя. (Если безъ iерея, Господи помилуй 12 разъ), и поминаются сущiи въ правой вере. О еретикахъ, или находящихся въ общенiи съ имеборной антицерковью и о неверующихъ, молиться не «спаси Господи и помилуй», а: вразуми, и обрати ихъ, Господи, къ правой вере и къ покаянiю.

По 6-м часе Последованiе Изобразительныхъ:

Благослови душе моя Господа:

Слава: Хвали душе моя Господа:

И ныне: Единородный Сыне:

Блаженны. Во царствiи Твоемъ:

На блаженны отъ Канона на 4, песнь 3 и 6.

Слава:

Сiе Имя Спасительное Iисусъ, / аки солнце мiръ облеста,/[24] глаголющу пророку: / возсiяетъ вамъ боящимся Имене Моего солнце правды / и исцеленiе в крылехъ Его / и изыдете и взыграете / якоже тельцы отъ узъ разрешенiи, и будете попирать нечестивыхъ.[25] Iисусе, Спасительное Имя, помилуй мя.

И ныне:

Се Дева приметъ во чреве / и родитъ Сына / и нарекутъ Имя Ему Еммануилъ,[26] / еже есть Искупитель отъ века, / якоже глаголетъ Исаiя; [27]/ Iисусъ бо, по времени, совершил еси Искупленiе.

По семъ поется: Прiидите поклонимся, и припадемъ ко Христу, спаси ны Сыне Божiй, во Святыхъ дивенъ сый поющiя Ти, аллилуiа, аллилуiя, аллилуiя.

Аще, же неделя, вместо: «во святыхъ дивенъ сый» поется «Воскресый изъ мертвыхъ поющiя Ти, аллилуiа».

Имени Божiю. Тропарь, гласъ 4:

Сiя глаголетъ Богъ Вседержитель: / Азъ Господь Богъ, сiе Вечное Имя Мое[28].[29]/ Живу Азъ, и присно живетъ Имя Мое.[30] / И ныне заповедь сiя къ вамъ священницы: / аще не примете къ сердцу вашему / воздавати славу Имени Моему, / прокляну васъ и благословенiе ваше, / и уже проклинаю, / яко не хотите приложить къ тому сердца.[31]

инъ Тропарь, гласъ 4

Вамъ, благоговеющимъ предъ Именемъ Моимъ, / глаголетъ Господь Вседержитель, / взойдетъ солнце правды и исцеленiе въ лучахъ его, / и выйдете и взыграете, яко тельцы отъ узъ разрешенiи: / попиратися имуть нечестивiи, / будутъ бо прахомъ под стопами вашими, / въ день, воньже Азъ сотворю.[32] / О боящихся Бога и чтущихъ Имя Его / предъ лицемъ Его пишется памятная книга.[33].[34]

Сладчайшему Имени Iисусъ.

Тропарь, гласъ 8:

С высоты принесеся Имя Твое Iисусе, Спасе нашъ, / на наше избавленiе во искупленiе рода человеческаго. / Отъ Твоего Имени Iисусе, трясется адъ. / Мы же призываемъ Имя Твое, Iисусе, / и симъ пресладкимъ Именемъ даруй намъ спасенiе.[35]