инъ Тропарь, глас 6:

Придите почерпите воду с веселiемъ / отъ источника спасенiя. / Хвалите Господа, воспойте Имя Его, / возвестите во языцехъ славная Его: / поминайте, яко вознесеся Имя Его. / Хвалите Имя Господне, / яко высокая сотвори Господь: / возвестите сiя по всей земли.[1] / Iисусе, Спасительное Имя, помилуй мя.

Покрову Пресвятой Богородицы.

Тропарь, гласъ 4:

Днесь благовернiи людiе светло празднуемъ, / осеняеми Твоимъ Богомати пришествiемъ, / и къ Твоему взирающе пречистому Образу, / умильно глаголемъ: / покрый насъ честнымъ Твоимъ Покровомъ: / и избави насъ отъ всякаго зла, / молящи Сына Твоего Христа Бога нашего, / спасти души наша.

Мученикамъ Афонскимъ.

Тропарь, гласъ 6:

Онебесившiи житiе ваше Афонстiи мученицы, / славнымъ подвигомъ вашимъ исповедническимъ, / егда веленiе архiимяборца Никона попрали есте, / подписати грамоту синодальную, / Божество Имени Божiя отвергшую, / Имя же Iисусово Сладчайшее обругавшую, аки простое имя человеческое. / Вы же славнiи Божiи исповедницы, Имя Господне защитившiи, / и души за Него своя предавшiи, / и венцы отъ Господа прiявшiи: / дерзновенно молитеся о насъ ко Господу, / сохранити веру во Имя Господне.[2]

инъ Тропарь, гласъ 1:

Болезньми Святыхъ Афонскихъ мучениковъ, / за Имя Твое Святое пострадавшихъ, / умоленъ буди Милостивый Господи, / и вся наша болезни исцели, / Человеколюбче, молимся.

Тропари: Дневной и Празднуемаго Святаго – по месяцеслову.

И поется Трисвятое.

Чтецъ: Прокименъ, гласъ 4-й:

Возвеселится праведникъ о Господе, и уповаетъ на Него.[3]

Ликъ: Возвеселится праведник о Господе, и уповает на Него

Чтецъ Стихъ: Услыши Боже гласъ мой, внегда молитимися къ Тебе.[4]

Ликъ: Возвеселится праведник о Господе, и уповаетъ на Него

Чтецъ: Возвеселится праведникъ о Господе:

Ликъ: и уповаетъ на Него.

Апостолъ: Филипписiемъ, зач. 240:

Чтецъ: Къ Филипписiемъ посланiя святаго Апостола Павла чтенiе. Братiе, Сiе бо да мудрствуется въ васъ, еже и во Христе Iисусе: Иже, во образе Божiи сый, не восхищенiемъ непщева быти равенъ Богу: Но Себе умалилъ, зракъ раба прiимъ, въ подобiи человечестемъ бывъ, и образомъ обретеся, якоже человекъ, Смирилъ Себе, послушливъ бывъ даже до смерти, смерти же крестныя. Темже и Богъ Его превознесе, и дарова Ему Имя, еже паче всякаго имене; Да о Имени Iисусове всяко колено поклонится небесныхъ и земныхъ и преисподнихъ, И всякъ языкъ исповесть, яко Господь Iисусъ Христосъ въ славу Бога Отца. Аминь. И глаголет: Аллилуiа, аллилуiа, аллилуiа.

Ликъ поетъ трижды Аллилуiа.

Чтецъ Стихъ: Праведникъ яко финиксъ процвететъ и яко кедръ иже въ Ливане умножится.[5]

Ликъ трижды: Аллилуiа.

Чтецъ Стихъ: Насаждени въ дому Господни, во дворехъ дому Бога нашего прцветутъ.[6]

Ликъ трижды: Аллилуiа.

Евангелiе Матфеа, зачало 36.

Чтецъ: Отъ Матфеа Святаго Евангелiя чтенiе.

Ликъ: Слава Тебе, Господи, слава Тебе.

Чтецъ: Рече Господь Своимъ ученикомъ: Се Азъ посылаю васъ яко овцы посреде волковъ: будите убо мудри, яко змiя, и цели, яко голубiе. Внемлите же отъ человекъ: предадятъ бо вы на сонмы, и на соборищахъ ихъ бiютъ васъ: И предъ владыки же и цари ведени будете Мене ради, во свидетельство имъ и языкомъ. Егда же предаютъ вы, не пецытеся, како или что возглаголете: Не вы бо будете глаголющiи, но Духъ Отца вашего глаголяй въ васъ. Предастъ же братъ брата на смерть и отецъ чадо: и возстанут чада на родители, и убiютъ ихъ. И будете ненавидими всеми Имене Моего ради: претерпевый же до конца, той спасенъ будетъ.

Ликъ: Слава Тебе Господи, слава Тебе.

Заупокойная Ектенiя: (если без священника: заупокойное пенiе Господи помилуй 9 раз, и: поминанiе именъ усопшихъ).

Поминаются усопшiе в правой вере. А усопшiе въ общенiи съ имеборной антицерковью сродники, поминаются съ прибавкой: «Аще возможно», помяни Господи… А закоренелые имяборцы и другiе еретики и безбожники вообще не поминаются, ихъ предавать на волю Божiю.

После поминовенiя:

Прочее Изобразительной (Обедницы) по Часослову:

Чтецъ: Помяни насъ Господи, егда прiидеши во царствiи Твоемъ. Помяни насъ Владыко, Егда прiидеши во царствiи Твоемъ. Помяни насъ Святый, Егда прiидеши во царствiи Твоемъ.

Слава, и ныне:

Ликъ небесный поетъ Тя и глаголетъ: Ликъ:: Святъ, Святъ, Святъ Господь Саваофъ, исполнь небо и земля славы Твоея.

Чтецъ Стихъ: Приступите къ Нему и просветитеся, и лица ваша не постыдятся. Лик небесный поетъ Тя и глаголетъ: Ликъ:: Святъ, Святъ, Святъ Господь Саваофъ, исполнь небо и земля славы Твоея.

Чтецъ: Слава… Ликъ святыхъ Ангелъ и Архангелъ со всеми небесными силами, поетъ Тя, и глаголетъ: Ликъ: Святъ, Святъ, Святъ Господь Саваофъ, исполнь небо и земля славы Твоея.

Чтецъ: и ныне…

Ликъ: Верую во единаго Бога Отца…

Чтецъ: Ослаби остави…

Ликъ: Отче нашъ…

Имени Божiю. Кондакъ, гласъ 4:

Яко да Имя Мое не осквернится предъ языки… / вы же доме Израилевъ, / сице глаголетъ Адонаи Господь: / кiйждо кумиры своя отымите, / и аще послушаете Мене, / и Имени Моего Святаго не осквернавити…/ И познаете, яко Азъ Господь, / да Имя Мое не осквернится злыми путями вашими.[7]

Сладчайшему Имени Iисусъ.

Кондакъ, гласъ 6:

Царское Имя Iисусъ / на небеси и на земли царствующее: / на небеси все естество Ангельское / безпрестанно славитъ Пресвятое Имя Твое, Iисусе,[8] / на земли людiе возносятъ туюжде песнь, / составляется общее торжество / небесныхъ и земныхъ существъ вкупе славящихъ Тя. / Iисусе, Спасительное Имя, помилуй мя.[9]

инъ Кондакъ, гласъ 6:

Имя Твое Iисусе Спасе нашъ, / аки солнце мiръ облеста, / аки мvро благовонное вселенную облагоуха: / удиви Ангеловъ, обрадова человековъ, / устраши бесовъ, / прогоняется мракъ имеборчества, / благочестiя же Имяславия возсiяваетъ светъ, / и просвещаетъ всякаго человека, въ мiръ грядущаго.[10]

Покрову Пресвятой Богородицы.

Кондакъ, гласъ 3:

Дева днесь предстоитъ въ Церкви, / и съ лики святыхъ за ны невидимо молится Богу: / Ангели со архiереи покланяются, / Апостоли же со Пророки ликовствуютъ: / насъ бо ради молитъ Богородица превечнаго Бога.

Святымъ мученикамъ Афонскимъ.

Кондакъ, гласъ 8:

Какими устами восхвалимъ вашъ подвигъ, мы недостойнiи, / славнiи исповедницы и мученицы Афонстiи? / за Имя Господне души своя предавшiи, / и смерть прiявшiи отъ нечестиваго архiерея Никона, / отказастеся бо подписати ересь имяборческую? / Да будетъ похвала вамъ отъ Господа! / А насъ спасайте молитвами вашими ко Господу.

Кондаки: Дневной и Празднуемаго Святаго – по месяцеслову.

Слава: Со святыми упокой:

И ныне: Предстательство христiанъ непостыдное:

Господи помилуй 12.

Всесвятая Троице…

Буди Имя Господне благословенно: (трижды)

Слава, и ныне…

Псаломъ 33: Благословлю Господа…

Достойно есть яко воистину…

Слава, и ныне… Господи помилуй (трижды), и: благослови:

Молитвами святыхъ отецъ нашихъ, Господи Iисусе Христе Боже нашъ, помилуй насъ. Аминь.

Песнопенiя въ конце службы:

Утвержденiе на Тя надеющихся, / утверди Господи Церковь, / юже стяжалъ еси / честною Твоею кровiю (Трижды).

Утверди Боже, / святую православную веру, православныхъ христiан, / во век века.

Всю братiю нашу и вся православныя христiаны, / Господи помилуй, Господи помилуй, Господи помилуй, / Господи сохрани ихъ на многая лета.

Упованiе мое Отецъ, / прибежище мое Сынъ, / покровъ мой Духъ Святый: / Троице Святая, слава Тебе.

Богородице Дево, / упованiе христiаномъ, / покрый, соблюди, и спаси на Тя уповающихъ.

Не имамы иныя помощи, /не имамы иныя надежды, / разве Тебе Владычице, / Ты намъ помози, / на Тебе надеемся, / и Тобою хвалимся, / Твои бо есмы раби, да не постыдимся.

Все упованiе мое на Тя возлагаю, / Мати Божiя, / сохрани мя подъ кровомъ Твоимъ.

Владыко Христе Царю Многомилостиве, / прiими молитвы рабъ Твоихъ, / и избави насъ, отъ всякiя нужды и печали.

Владычице, прiими молитвы рабъ Твоихъ, / и избави насъ, / отъ всякiя скорби и болезни.

Господи помилуй, / Господи помилуй, / Господи помилуй. / Аминь.

Господи мой Господи, / Пастырь мой родной, / спаси меня отъ ада, / и будь всегда со мной.

Слава Ему во веки!

Аминь.

АКАФИСТЪ

Святымъ Мученикамъ Исповедникамъ Афонскимъ,

за Имя Господне пострадавшимъ отъ имяборнаго Россiйского Синода 3-го iюля 1913 года.[11]

Кондакъ 1.

Избранным от чрева матере быти исповедниками Славы Имени Божiя, / на кончине вековъ поруганнаго отъ нечестиваго Синода и духовенствомъ Россiйскiя Церкве, / монахами и мiрянами яко соль земли обуявшими,[12] / славу человеческую возлюбившими паче Славы Божiя.[13]/ Вы бо исповедницы нетерпя злохуленiя имяборнаго, / воспрiявши въ сердце свое яко щитъ крепкiй Спасительное Имя Iисусово,[14] / ополчилися на защиту Славы Имени Божiя, / победили демонскiя полки имяборцевъ, / сего ради, во умилении сердечнем восхваляемъ васъ: / Радуйтеся, новыи исповедницы и молитвенницы о душахъ нашихъ.

. I к о с ъ 1

Егда возгореся на Афоне имяборная ересь противу Славы Имени Создателя вселенной, тогда на защиту Высочайшей Святыни Христiанскаго духа Имени Господня,[15] поруганной имяборцами, образовался «Союзъ исповедниковъ Имени Божiя во имя Архангела Михаила», противу дерзкаго похитителя Имени Бога, падшего Денницы, – вы, мужественные защитникы Славы Господней, заградили хульная уста имяборцевъ. Сего ради, приносимъ вамъ похвалы сiя:

Радуйтеся, воины Христовы, победившiе демонскiе полки имяборцевъ;

Радуйтеся, убоявшiеся Бога, а не страха человеческаго;

Радуйтеся, мiра и яже в мiре, любве ради Христовы отрекшiеся;

Радуйтеся, возлюбившiе монашеское житiе во Святей Горе Афонстей;

Радуйтеся, въ послушанiи проводившiи мирное и смиренное иноческое житiе;

Радуйтеся, въ непрестанной молитве Iисусовой подвизавшiися;

Радуйтеся, подвижники, плоти изнуренiя Христа ради не убоявшiися;

Радуйтеся, Iисусовой молитвой и телесными трудами яко хлебомъ питавшiися;

Радуйтеся, воины Христовы укрепленнiи Святымъ Духомъ на подвигъ за Имя Господне противъ имяборчества;

Радуйтеся, ни во что же славу человеческую вменившiи;

Радуйтеся, Именемъ Iисусовымъ души свои очистившiи;

Радуйтеся, новыи исповедницы и молитвенницы о душахъ нашихъ.

Кондакъ 2.

Видя иноцы Афонстiи, оскорбляемое имяборцами Пресвятое и благословенное въ роды родовъ прославляемое Церковью Имя Господне, и скорбя о нечестивомъ возстанiи на Славу Имени Бога, ополчишася во Имя Господне и заградиша хульныя уста имяборцевъ. Мы же, радуяся ревности вашей о Славе Имени Господня и чистоте Православiя, хвалимъ вашъ подвигъ и вопiемъ Богу: Аллилуiа.

I к о с ъ 2.

Разумъ простыхъ смертныхъ не можетъ постигнуть, како немощные теломъ, сильнiи быша духомъ иноцы Афонстiи, озаряемiи светомъ Богоразумiя и укрепляемiи верою во Всемогущую Силу Имени Iисусъ Христова, ополчились на защиту чести и Славы Имени своего Владыки и Господа. Мы же, веруя, яко вся возможна суть Богу, славимъ Господа и тако восхваляемъ вашъ подвигъ истиннiи монаси исповедницы:

Радуйтеся, непоколебимiи исповедницы Славы и Божества Имени Iисусова;

Радуйтеся защитницы Славы Имени Божiя;

Радуйтеся, явившiи мiру адамантову веру вашу;

Радуйтеся, столпи Церковнiи, яко скала непоколебимiи;

Радуйтеся, проповедницы древняго церковнаго Имяславiя;

Радуйтеся, стражи Веры Христовой неусыпныи;

Радуйтеся, Апостоламъ Христовымъ въ проповеди Славы Имени Iисусова подражавшiи;

Радуйтеся, яко новыи Апостолы Славу Имени Iисусова всему мiру проповедавшiи;

Радуйтеся, яко и Апостолы, вы бiени бысте за Имя Господа Iисуса;

Радуйтеся, за Имя Господа Iисуса бiемые, яко же и Апостолы, радовалися;

Радуйтеся, и участь Апостоловъ унаследовавшiи;

Радуйтеся, яко и награду Апостоловъ отъ Бога воспрiявшiи;

Радуйтеся, новыи исповедницы и молитвенницы о душахъ нашихъ.

Кондакъ 3.

Силою призываемаго Имени Iисуса осеняеми, и дерзновенiе отъ Него воспрiявши, возгорелися ревностiю о Славе Имени Бога, исповедницы всехвальнiи, и заградили хульные уста архiерея Никона, егда той дерзну восхулити величiе, Славу, и Божество Имени Божiя. Восхищаяся ревностною защитою вашею чести и Славы Всемогущаго Имени Бога, съ любовiю восхваляемъ васъ, и прославившему васъ Господу вопiемъ: Аллилуiа.

I к о с ъ 3.

Имея целъ умъ зрящiй Бога, укрепляемiи непостижимою Силою Имени Iисусова, явилися ангелоподобнiи иноцы Афонстiи, хранителiе чистоты Православiя, всему мiру образ исповедничества показавшiи; сего ради восхваляемъ васъ:

Радуйтеся, прекрасные садоделатели на ниве Христова виноградника;

Радуйтеся, непоколебимiи столпи веры и благочестiя;

Радуйтеся, пасть дракона заградившiе, да не хулитъ Имя Господне;

Радуйтеся, страхъ человеческiй презревшiи;

Радуйтеся, святымъ мужествомъ вашимъ мiръ удивившiи;

Радуйтеся, правоверiю насъ научившiи;

Радуйтеся, до смерти за Имя Господне постоявшiи;

Радуйтеся, подвигомъ вашимъ святыхъ Ангеловъ возвеселившiи;

Радуйтеся, яко все Небо обрадовавшiи ревностiю вашею о Славе Имени Пресвятыя Троицы;

Радуйтеся, славу и венцы мучениковъ отъ Бога прiявшiи;

Радуйтеся, новыи исповедницы и молитвенницы о душахъ нашихъ.