Кондакъ 4.

Бурю демонскаго возстанiя имяборцевъ уразумеша, славнiи исповедницы, нестерпеша злосмрадныя хулы на Всемогущее Имя Бога, и вооружишася Именемъ Iисусовымъ, заградиша нечестивыя уста имяборцевъ; дивную бо силу в немощи вашей показа Господь, и сего ради благодарственную песнь вопiемъ Богу: Аллилуiа.

I к о с ъ 4.

Слыша ревностную вашу, богомудрiи иноцы, защиту Имени Господня отъ похуленiя синодалами, имяборческое гнездо воспылавше гневомъ, измыслиша вамъ жестокое избiенiе. Вы же, яко столпи неколеблемiи огненнаго прещенiя и угрозъ жидовского кагала неубоявшися, души своя предали за Имя Господне. Сего ради, прославляемъ Бога, исповедническую крепость вамъ даровавшаго, и съ умиленiемъ хвалимъ васъ:

Радуйтеся, Веру вашу адамантову показавшiи;

Радуйтеся, ревностныи хранителiе и защитницы правоверiя;

Радуйтеся, на земли гонимые отъ супостатъ, правды ради;

Радуйтеся, яко скорби исполнена жизнь ваша на земли;

Радуйтеся, яко мзда ваша многа на небеси;

Радуйтеся, яко многiя страданiя претерпели еси на земли;

Радуйтеся, яко многая радость ваша на небе со Ангелы и Святыми.

Радуйтеся, сохранившiи слово терпенiя и не отрекшiися отъ Имени Божiя;[6]

Радуйтеся мученицы Афонстiи, светъ правоверiя всему мiру возсiявшiи;

Радуйтеся, яко славная жизнь ваша со Святыми на небесехъ;

Радуйтеся, новыи исповедницы и молитвенницы о душахъ нашихъ.

Кондакъ 5.

Боготечныя звезды явишася въ поднебесной на последокъ временъ, мученицы, исповедницы Афонстiи, яко зарницы возсiявшiи мiрови светомъ Богооткровеннаго Имяславiи,[7] и ревность о Славе Имени Господа Вседержителя показавшiи. И сего ради благодарни суще, воспеваемъ Богу радостную песнь: Аллилуiа.

I к о с ъ 5.

Видеша иноцы Афонстiи на конецъ вековъ имяборческую пагубу, яко угасаетъ светъ Правоверiя, умираетъ духовная жизнь монашеская, и прiиде предреченное святымъ Павломъ Апостоломъ отступленiе, сiесть возседанiе въ храме Божiемъ на престоле ученiя антихристова,[8] и зело возревноваша, обличили Ангела Церкви Россiйской Синодъ, носяй имя, яко живъ, но мертвъ еси;[9] мы же, малый остатокъ верныхъ,[10] съ любовiю восхваляемъ васъ:

Радуйтеся, изобличившiи ученiе антихристово на престоле церкве россiйскiя;

Радуйтеся, правоверiе въ маломъ остатке верныхъ сохранившии;

Радуйтеся, показавшiи малому остатку верныхъ образъ спасенiя исповедничествомъ;

Радуйтеся, указавшiи путь спасенiя во дни антихриста;

Радуйтеся, усердные молитвенницы о исповедникахъ Имени Божiя;

Радуйтеся, яко подвигомъ вашимъ, укрепляете малый остатокъ верныхъ Слову и Имени Божiю;

Радуйтеся, показавшiи намъ примеръ несообщенiя съ сонмищем имяборческимъ;

Радуйтеся, указавшiи намъ, яко безъ правоверiя, и въ общенiи съ еретиками, несть спасенiя;

Радуйтеся, оградившiи верныхъ отъ погибельного пути имяборческаго;

Радуйтеся, указавшiи обетованiя Божiи имяславцамъ, сохранившимъ слово терпенiя и не отрекшимся отъ Имени Божiя;[11]

Радуйтеся, исповедавшiе Имя Божiе предъ человеки на земли;

Радуйтеся, яко и Сынъ Божiй исповедалъ имена ваша предъ Отцемъ Своимъ и Ангелы на Небеси;[12]

Радуйтеся, новыи исповедницы и молитвенницы о душахъ нашихъ.

Кондакъ 6.

Проповедницы богоноснiи Славы Имени Господа нашего Iисуса Христа явистеся, славнiи исповедницы, Богомъ возлюбленнiи мученицы Афонстiи, сподобившiеся венцевъ мучениковъ и исповедниковъ, наследницы обетованiй Божiихъ имяславцамъ[13]. Радуемся о вас братiя ваша во Христе, и благодаряще о васъ Господа, поемъ Ему: аллилуiа.

I к о с ъ 6.

Возсiя Господь светомъ Своего богоразумiя въ сердцахъ исповедниковъ Афонскихъ, дарова имъ ревность исповедническую, во еже сподобити ихъ венцевъ мучениковъ и исповедниковъ, призва ихъ на поле брани за Имя Его Святое. Благодаряще Бога за призванiе васъ на подвигъ сей, мученицы Афонстiи, восхваляемъ васъ сице:

Радуйтеся, богоглаголивiи песнословцы Имени Божiя;

Радуйтеся, возлюбившiе Господа паче меда и сота;

Радуйтеся, сподобившiися отъ Господа венцевъ святыхъ мучениковъ и исповедниковъ;

Радуйтеся, яко возвеселишася малая исповедническая церковь о вашемъ подвиге;

Радуйтеся, образъ смиренiя и послушанiя о Имени Господни намъ явившiи;

Радуйтеся, дерзновеннiи воины Христовы въ брани за Небесное Имяславiе;[14]

Радуйтеся, радость всему мiру исповедничествомъ явившiе;

Радуйтеся, яко Ангеловъ и Святыхъ Божiихъ возвеселившiи.

Радуйтеся, яко истинно православную веру свою подвигомъ вашимъ показавшiи;

Радуйтеся, яко малый остатокъ истинно спасающихся въ вере укрепившiи;

Радуйтеся, хвала и веселiе духовное въ церкви правоверующихъ исповедниковъ;

Радуйтеся, яко все воинство небесныхъ Ангеловъ, воинствомъ вашимъ земнымъ против гордого Денницы, обрадовавшiи;

Радуйтеся, новыи исповедницы и молитвенницы о душахъ нашихъ.

Кондакъ 7.

Хотя открыти избраннымъ Своимъ сокровенную отъ мiра сего «тайну благочестiя» въ исповеданiи Именъ Пресвятой Троицы Отца и Сына и Святаго Духа,[15] Милостивый Господь призвалъ к уразумению малое число избранниковъ Своихъ во Святей горе Афонстей. Сего ради благодарнiи Богу, во умиленiи сердечнемъ вопiемъ Ему: Аллилуiа.

I к о с ъ 7.

Дивное Имя Твое, Iисусе Спасе нашъ, Ангели поютъ на небеси, и мы грешнiи на земли бренными устнами воспеваемъ: Егоже ради помилуй насъ.[16] Сiе Церковное Имяславiе деннонощно помышляя и воздавая Хвалу Сладчайшему Iисусу вы, иноцы Афонстiи души своя съ радостiю и умиленнiемъ предали за Имя Его на мученiя; Сего ради восхваляемъ васъ съ любовiю:

Радуйтеся, деннонощно славившiе Имя Господа Iисуса;

Радуйтеся, небесныи соловьи, присно воспевающiи Сладчайшее Имя Iисуса на небеси;

Радуйтеся, истинные богословцы, верные Слову Божiю[17] и ученiю Господа Саваофа;[18]

Радуйтеся, победившiе зверя, хулителя Имени Бога; [19]

Радуйтеся, со Ангелы непрестанно славословящiи Имя Пресвятыя Троицы;

Радуйтеся, и насъ научившiи непрестанно славить Имя Господа Iисуса;

Радуйтеся, песнопеснивiи славители Имени Царя Небеснаго;

Радуйтеся, восполнившiи собою число падшихъ ангеловъ;

Радуйтеся, со Архангелы, Ангелы, и всеми небесными Силами славящiи Имя Господа Бога;

Радуйтеся, пополнившiе собою хоръ небесныхъ Имяславцевъ.

Радуйтеся, заповеди Господа Саваофа о Славе Имени Его[20] не изменившiи;

Радуйтеся, Вечность и Божество Имени Господа Саваофа неизменно исповедавшiи;[21]

Радуйтеся, новыи исповедницы и молитвенницы о душахъ нашихъ.

Кондакъ 8.

Странно Бога вочеловечшася видяще, устранимся суетнаго мiра и отречемся ереси имяборныя, хулящей Имя Господне, и умъ на Божественная вперимъ, и последуемъ ученiю Господа Саваофа о Славе Имени Его,[22] и радостно возопiемъ Богу: Аллилуiа.

I к о с ъ 8.

Весь Господь въ Имени Своемъ пребываетъ,[23] яко Самъ рече: «Азъ Господь Богъ, сiе Мое есть Имя».[24] И скорбя глаголетъ: «Всякiй день Имя Мое хулится во языцехъ. Сего ради познаютъ людiе Мои (имяславцы) Имя Мое: яко Азъ есмь Самъ Глаголяй, ту есмь;[25] Азъ Самъ глаголющiй въ Имени Моемъ пребываю. Сiе Богомъ откровенное исповеданiе до конца жизни своея сохранили вы мученицы Афонстiи; и сего ради мы приносимъ вам похвалы сiя:

Радуйтеся, хранители ученiя Господа Саваофа о Имени Его;

Радуйтеся, исповедавшiи во Имени Его Господа Вседержителя;

Радуйтеся, за Iисуса пострадавшiи, Ему же Имя – Слово Божiе;[26]

Радуйтеся, славнiи исповедницы Божества Имени и Слова Божiя;[27]

Радуйтеся, неизменно исповедавшiе Богооткровенное Священное Писанiе[28]

Радуйтеся, яко награду за сiе отъ Господа получившiи;

Радуйтеся, нетленное, на тленное не променявшiи;

Радуйтеся, яко любве ради ко Господу, презрели блага мiра сего;

Радуйтеся, яко въ немощи вашей, Сила Божiя совершися;[29]

Радуйтеся, и намъ показавшiи образъ терпенiя и мужества въ стоянiи за Истину;

Радуйтеся, светильницы Церкви Христовой напоследокъ временъ возсiявшiи;

Радуйтеся, яко Духомъ Святымъ исповедавшiи Имя Господа Iисуса.[30]

Радуйтеся, яко озаряете намъ путь спасенiя во тьме греховней живущимъ;

Радуйтеся, новыи исповедницы и молитвенницы о душахъ нашихъ.

Кондакъ 9.

Все естество Ангельское безпрестанно славитъ Пресвятое Имя Твое, Iисусе, на Небеси: Святъ, Святъ, Святъ, вопiюще; мы же грешнiи, на земли, бренными устнами вопiемъ: Аллилуiа. [31]

I к о с ъ 9.

Ветiи многовещанныя суемудрыхъ имяборцевъ воспалиша на Горе Афонстей ересь, хулящую Имя Господне. Имъ же сопротивишася иноцы, исповедницы, Словомъ Божiимъ и силою Всемогущаго Имени Господня заградившiи хульныя уста имяборцев, и победившiи демонскiя полчища имяборцевъ. Восхваляемъ славную победу вашу святiи мученицы, и радостно восклицаемъ:

Радуйтеся, кумира мiрскаго отрекшiися;

Радуйтеся, до конца пребывшiи въ памяти Божiей;

Радуйтеся, мужественные исповедницы Славы Имени Божiя;

Радуйтеся, до конца устоявшiи въ Правоверiи;

Радуйтеся, чистiи сосуди благодати Божiей отъ мiра избраннiи;

Радуйтеся, усердныи молитвенницы о насъ предъ Богомъ;

Радуйтеся, непоколебимiи хранители истиннаго Православiя;

Радуйтеся, победившiе сатану богохульнаго;

Радуйтеся, мечем Слова-Имени Божiя[32] сразившiи главу змiеву;

Радуйтеся, посмеявшiися полчищу демонскому;

Радуйтеся, сразившiися въ мiре семъ съ дракономъ и славно победившiи его;

Радуйтеся, указавшiи вернымъ на «тайну беззаконiя» въ имяборчестве.

Радуйтеся, новыи исповедницы и молитвенницы о душахъ нашихъ.

Кондакъ 10.

Спасти хотя малый остатокъ спасающихся на кончине вековъ, Всемилостивый Господь поведалъ намъ «тайну благочестiя» въ исповеданiи и прославленiи Именъ Пресвятыя Троицы: Отца, и Сына, и Святаго Духа,[33] и «тайну беззаконiя»[34] въ похуленiи Именъ Божiихъ, содеянную въ лоне церкве россiйскiя.[35] Сего ради благодарни суще о промысле Божiемъ, ради насъ грешныхъ, съ умиленiемъ вопiемъ Богу: Аллилуiа.

I к о с ъ 10.

Царю Превечный Утешителю, Христе Истинный, очисти ны отъ всякiя скверны плоти и духа и сподоби насъ быти достойными исповедниками, посли благодать Свою въ помощь намъ, да прославимъ Имя Твое Святое,[36] и простивъ намъ беззаконiя наша, сопричти насъ кающихся къ святымъ мученикамъ Афонскимъ, выну славити пречестное и великолепое Имя Твое.[37] Васъ же святiи мученицы прославляемъ сице:

Радуйтеся, водрузившiе въ сердце своемъ пресладкое Имя Господа Iисуса;

Радуйтеся, за Негоже и пострадали даже до смерти;

Радуйтеся, со Апостолы рекшiя: кто ны разлучитъ отъ любве Божiя;[38]

Радуйтеся, за любовь вашу ко Господу, и васъ возлюбилъ Отецъ Небесный;

Радуйтеся, медоточная уста ваша, яко на земли, тако и на небеси прославляющiе Имя Господа;

Радуйтеся, неумолкаемая цевнице Славы Имени Божiя;

Радуйтеся, въ мiре семъ ангельское житiе проводившiи;

Радуйтеся, усердные молитвенницы о насъ грешныхъ;

Радуйтеся, безпрестанно славящiи Господа на небеси, яко славили Имя Его на земли;

Радуйтеся, сподобившiеся зрети Славу Святыя Троицы;

Радуйтеся, подвигомъ вашимъ всемъ святымъ мученикамъ подражавшiи;

Радуйтеся, яко въ ликахъ мучениковъ на небеси восхваляете Пресвятую Троицу;

Радуйтеся, новыи исповедницы и молитвенницы о душахъ нашихъ.

Кондакъ 11.

Пенiе всеумиленное приносимъ святымъ Афонскимъ мученикам за Имя Господне пострадавшимъ и кровь свою пролiявшимъ, и насъ въ ревности о Славе Имени Божiя утвердившимъ, и сего ради, умиленно поемъ Богу: Аллилуiа.

I к о с ъ 11.

Светоподательна светильника веры и благочестiя, ликъ Афонскихъ исповедниковъ и мучениковъ послалъ еси Господи сущимъ во тьме неразумiя, на спасенiе наше, да не погрязнемъ въ тине имяборного отступленiя. Что воздадимъ Тебе, Господу, за великую милость Твою къ намъ грешнымъ и недостойнымъ рабамъ Твоимъ; но даждь намъ покаятися во гресехъ нашихъ, и озаряемымъ сими светильниками веры и благочестiя до конца дней нашихъ возносити имъ хвалы сiя:

Радуйтеся, временъ антихристовыхъ истиннiи светильницы Церкви;

Радуйтеся, просвещающiи насъ спасительнымъ светомъ шествовати по мiру путемъ спасительнымъ;

Радуйтеся, блуждающимъ намъ во тьме неведенiя, кратчайшiй путь спасенiя указавшiи;

Радуйтеся, въ горниле искушенiй насъ не оставляющiи и на путь спасенiя наставляющiи;

Радуйтеся, преславнiи мученицы, исповедницы Афонстiи;

Радуйтеся, наставницы послушанiю Богу, а не человекамъ;

Радуйтеся, возвеличившiи Имя Господа на земли, и за сiе возвеличенные Богомъ на небеси;

Радуйтеся, возлюбившiе пресладкаго Iисуса, паче всехъ благъ мiра сего;

Радуйтеся, иго заповедей Iисусовыхъ съ радостiю понесшiе на земли;

Радуйтеся, яко радость неизглаголанную обретшiи на небеси;

Радуйтеся, новыи исповедницы и молитвенницы о душахъ нашихъ.

Кондакъ 12.

Благодать подаждь ми Iисусе Сладчайшiй, достойно и праведно восхвалити подвигъ святыхъ Твоихъ мучениковъ Афонскихъ, за Имя Твое сладчайшее пострадавшихъ, избiенныхъ, и смерть прiявшихъ отъ лжебратiй. Благодаренiе по силе приносяще за святыя сiя, вопiемъ Ти Iисусе: Аллилуiа.

I к о с ъ 12.

Поюще Твое многопетое Имя Iисусе, и милость Твою, яко послалъ еси намъ мучениковъ Афонскихъ исповедниковъ Пребожественнаго Имени Твоего, истинныхъ наставниковъ, ихже мученическiй подвигъ восхваляюще взываемъ:

Радуйтеся, истиннiи наставницы, правоверiю насъ научившiи;

Радуйтеся, козни вражiи Именемъ Iисусовымъ отражати насъ наставившiи;

Радуйтеся, въ имяборчестве язычество намъ указавшiи;

Радуйтеся, миролюбiя избегати насъ укрепившiи;

Радуйтеся, на совокупность всехъ ересей въ имяборчестве указавшiи;

Радуйтеся, отъ имяберчества насъ избавившiи.;

Радуйтеся, презирати имяборчество Именемъ Господа Iисуса насъ научившiи;

Радуйтеся, молитвою Iисусовою память смертную хранити намъ заповедавшiи;

Радуйтеся, предантихристовыхъ временъ всехвальнiи мученицы;

Радуйтеся, козней антихриста огребатися прославленiемъ Имени Iисусъ Христова насъ научившiи;

Радуйтеся, всемощнiи молитвенницы о насъ, братьяхъ вашихъ;

Радуйтеся, ревностные почитали Именъ Пресвятыя Троицы;

Радуйтеся, новыи исповедницы и молитвенницы о душахъ нашихъ.

Кондакъ 13.

О преславнiи и дерзновеннiи исповедницы Славы и Божества Имени и Слова Божiя,[39] за Него же и кровь пролившiи славнiи мученицы Афонстiи! Примите отъ насъ грешныхъ и недостойныхъ, отъ умиленнаго сердца нашего приносимая вамъ малая хваленiя; и молитвеннымъ вашимъ предстательствомъ у Престола Святыя Троицы, испросите намъ греховъ оставленiе, память смертную, душевное и телесное здравiе, вечное спасенiе и непрестанное воспеванiе Богу: Аллилуiа.

(Сей Кондакъ глаголется трижды. Затемъ Iкосъ 1, и Кондакъ 1)

Молитва.

О святiи мученицы Афонстiи, славнiи исповедницы Чести и Славы и Божественнаго достоинства Имени-Слова Божiя! Изъ глубины сердца нашего, мы грешнiи и недостойнiи предъ Богомъ, взываемъ къ вамъ: примите усердное сiе моленiе наше и принесите его ко Господу; вы бо за Имя Его пострадали, даже до смерти, сего ради благоволитъ къ вамъ Богъ, и яко кадильный фимiамъ прiемлетъ молитву вашу. Умолите Милосерднаго Господа Бога о прощенiи тяжкихъ и лютыхъ согрешенiй нашихъ, имъ же несть числа; испросите намъ у Господа смиренiе, покаянiе, самоукоренiе, самоосужденiе, память смертную, непрестанную молитву Iисусову, братолюбiе и любовь, неосужденiе братiй нашихъ, зренiе греха своего, скорбь о потере времени житiя нашего въ нераденiи о своемъ спасенiи душевномъ; да укрепит насъ Господь въ вере, благочестiи и чистоте; да сохранитъ и избавитъ насъ отъ козней и печати антихриста; да даруетъ намъ Господь, вашими святыми молитвами, сердце сокрушенное и смиренное, непрестанное попеченiе о душевномъ спасенiи, духъ ревности о славе Имени Божiя, непрестанное помышленiе о сохраненiи въ чистоте Веры Православной несообщенiемъ съ имяборцами; да сохранитъ насъ Господь отъ пагубы имяборнаго отступленiя и отъ поклоненiя антихристу; да пребываемъ до кончины нашея въ истинномъ Православiи, еже есть истинное Имяславiе; да выну славимъ, поемъ и величаемъ достопоклоняемое великолепое Имя въ Троице славимаго Бога: Отца, и Сына, и Святаго Духа, молитвами Пресвятой Богородицы, святыхъ небесныхъ Силъ безплотныхъ, и всехъ Святых, и вашими, святiи мученицы, святыми молитвами, во веки вековъ. Аминь.

Величанiе:

Величаемъ Васъ, / Святiи мученицы Афонстiи исповедницы, / и чтемъ честная страданiя ваша, / яже за Имя Господне претерпели есте.

Тропарь, гласъ 6

Онебесившiи житiе ваше Афонстiи мученицы, / славнымъ подвигомъ вашимъ исповедническимъ, / егда веленiе архiимяборца Никона попрали есте, / подписати грамоту синодальную, / Божество Имени Божiя отвергшую, / Имя же Iисусово Сладчайшее обругавшую, / аки простое имя человеческое. / Вы же славнiи Божiи исповедницы, / Имя Господне защитившiи, / и души за Него своя предавшiи, / и венцы отъ Господа прiявшiи: / дерзновенно молитеся о насъ ко Господу, / сохранити веру во Имя Господне.[40]

инъ Тропарь, гласъ 1

Болезньми Святыхъ Афонскихъ мучениковъ, / за Имя Твое Святое пострадавшихъ, / умоленъ буди Милостивый Господи,/ и вся наша болезни исцели,/ Человеколюбче, молимся.

Кондакъ, гласъ 8

Какими устами восхвалимъ вашъ подвигъ, мы недостойнiи, / славнiи исповедницы и мученицы Афонстiи? / за Имя Господне души своя предавшiи, / и смерть прiявшiи отъ нечестиваго архiерея Никона, / отказастеся бо подписати ересь имяборческую? / Да будетъ похвала вамъ отъ Господа! / А насъ спасайте молитвами вашими ко Господу.