Слава Ему во веки!

Аминь.

Служба и Акафистъ ПреподобномуАрсенiю

Россiйскому и Афонскому исповеднику.

(Род. 1837. День Ангела в монашете 8-21.05. Почил на Афоне 20.08.1913 (ст/ст.). В мiру Стефан Алексеев)

Выпуск 2

+

На велицей вечерни

Если без священника, благословляетъ старшiй, или все поют: Молитвами святыхъ отецъ нашихъ, Господи Iисусе Христе Боже нашъ, помилуй насъ. предстоящiи поютъ: Аминь. Затемъ поютъ:

1.Прiидите поклонимся Цареви нашему Богу.

2.Прiидите поклонимся и припадемъ Христу Цареви нашему Богу.

3.Прiидите поклонимся и припадемъ Самому Христу Цареви и Богу нашему.

4.Прiидите поклонимся и припадемъ Ему.

Благослови душе моя Господа. (псал. 103)

Ектенiя: (Господи помилуй 12 разъ, и: Аминь)

Блаженъ мужъ: первый антифонъ.

Ектенiя: (Господи помилуй 3, и: Аминь)

Господи воззвахъ къ Тебе, услыши мя:

Чтецъ читаетъ стихи: Положи Господи, храненiе устомъ моимъ: и прочiе до:

Аще беззаконiя назриши Господи: Отсюда после каждого стиха поемъ стихиры на 6, повторяюще первые две:

Стихиры, гласъ 2:

Прiидите боголюбивыи исповедницы / Имене Iисусъ Христова, / возвеличимъ отца нашего Арсенiя, / яснозрителя правоверiя иноковъ Афонскихъ, / сущихъ Божiихъ имяславцевъ, / ополчившихся на ересь имяборцев, / веру во Имя Божiе обругавших: / Имя Iисусово обезславивших.

Что воздадимъ тебе отче Арсенiе, / промысломъ Божiимъ явившiйся на Афоне, / возглавить ополченiе имяславческое, / основалъ бо еси «Союзъ во имя Святаго Михаила Архангела / исповедниковъ славы и Божества Имени Господа», / Имъ же поразилъ еси главу змiеву, / возставшаго на Божество Имени Спасителя нашего.

Принесемъ Богу благодаренiе, / и Арсенiю отцу нашему почтенiе, / и последуемъ стопамъ его, / еже ревновати о Славе Имени Божiя, / исповедуя бытiе и Божество Его, / благодарни суще Господу Богу, / яко насъ недостойныхъ призвалъ еси, / исповедниками быти и защитниками / Славы и Божества Имене Iисусова.

Слава Тебе, Господу, Спасителю нашему, / даровавшему ополченiю имяславческому / мудраго предводителя,/ побеждати полки имеборческiя, / Пресвятое Имя Господне хулящiя, / возставшихъ на исповедниковъ Божества Его. / Подкрепляй насъ, отче Арсенiе, / въ брани за Имя Iисуса Спасительное, / святыми твоими молитвами.

Огнь еси, искушенiй и бедъ, / и соблазновъ воюющихъ на ны, / демонскихъ ратоборцевъ, / открывшихъ уста своя для хулы на Бога / еже хулити Имя Его:[1] / помогай намъ отче Арсенiе, / побеждати искушенiя вражiи, / Именемъ Христа Бога нашего, / да не будемъ уязвлены врагомъ спасенiя нашего, / но явимся победителями въ брани за Имя Господне, / святыми твоими молитвами.

Тяжкiй сице, но славный путь, / служенiя миссiонерскаго, / прошелъ еси отче Арсенiе, / въ лоне Церкве Россiйскiя, / брался еси за чистоту Веры Православныя, / обличая лжеученiя еретическiя; / знала еси Тя вся Россiя Православная, / могучего миссiонера синодальнаго. / Сподоби и насъ, Отче Арсенiе, / быти защитниками веры отеческiя, / святыми твоими молитвами.

Слава и ныне: гласъ 1:

Всемiрную славу, / отъ человекъ прозябшую, / и Владыку рождшую, / Небесную Дверь воспоимъ Марiю Деву, / безплотныхъ песнь и верныхъ удобренiе; / Ciя бо явися небо и Храмъ Божества: / Сiя прегражденiе вражды разрушивши, / миръ введе, и царствiе отверзе, / Сiю убо имуще веры утвержденiе, / Поборника имамы изъ Нея Рождшагося Господа, / дерзайте убо, дерзайте людiе Божiи: / ибо Той победитъ враги, яко всесиленъ.

Свете тихiй. Прокименъ дне.

1. В Воскресенье вечера, Гласъ 8: Се ныне благословите Господа вси раби Господни. Стихъ: Стоящiи во храме Господни, во дворехъ дому Бога нашего.

2. В понедельникъ вечера, Гласъ 4: Господь услышитъ мя, внегда воззвати ми къ Нему. Стихъ: Внегда воззвати ми, услыша мя Богъ правды моея.

3. Во вторникъ вечера, Гласъ 1: Милость Твоя, Господи, поженетъ мя, вся дни живота моего. Стихъ: Господь пасетъ мя, и ничтоже мя лишитъ: на месте злачне, тамо всели мя.

4. В среду вечера, Гласъ 5: Боже, во Имя Твое, спаси мя, и въ силе Твоей суди ми. Стихъ: Боже, услыши молитву мою, внуши глаголы устъ моихъ. (Псал. 53,3-4).

5. В четвергъ вечера, Гласъ 6: Помощь моя отъ Господа, сотворшаго небо и землю. Стихъ: Возведохъ очи мои въ горы, отнюдуже прiидетъ помощь моя.

6. В пятницу вечера, Гласъ 7: Боже, заступникъ мой еси Ты, и милость Твоя предваритъ мя. Стихъ: Изми мя отъ врагъ моихъ Боже, и отъ востающихъ на мя избави мя.

7. В субботу вечера, Гласъ 6: Господь воцарися, въ лепоту облечеся. Стихъ: Облечеся Господь въ силу и препоясася.

Стихъ: Ибо утверди вселенную, яже не подвижится.

Стихъ: Дому Твоему подобаетъ святыня, Господи, въ долготу днiй.

И чтенiя исповедническiя пять.

Чтецъ: Исхода чтенiе.

И рече Моисей къ Богу: се азъ пойду къ сынамъ Израилевымъ и реку къ нимъ: «Богъ отецъ нашихъ посла мя къ вамъ: и аще вопросятъ мя, что Имя Ему? Что реку къ нимъ? – И рече: тако речеши сыномъ Израилевымъ: Сый посла мя къ вамъ. И рече Богъ паки къ Моисею: тако речеши сыномъ Израилевымъ: Господь Богъ отецъ нашихъ, Богъ Авраамовъ, и Богъ Исааковъ, и Богъ Iаковль посла мя къ вамъ: сiе Мое есть Имя Вечное.[2] Глагола же Богъ къ Моисею и рече ему: «Азъ Господь: и явихся Аврааму, и Исааку, и Iакову, Богъ сый ихъ: Имене Моего Господь, не явихъ имъ.[3] И рече Господь: «Не возьмеши Имене Господа Бога твоего всуе: не очиститъ бо Господь, прiемлющаго Имя Его всуе».[4] Не бо поклонитеся богомъ инымъ: ибо Господь Богъ ревниво Имя, Богъ ревнитель есть.[5] Да покажу на тебе крепость Мою, и яко да проповестся Имя Мое по всей земли.[6]

Втораго закона чтенiе.

Тако глаголетъ Господь: Господа Бога твоего боишися, и Тому Единому послужиши, и къ Нему прилепишися, и Именемъ Его кленешися.[7] Десятины да даси и да снеси я предъ Господомъ Богомъ твоимъ на месте, идеже изберетъ Господь Богъ твой призывати Имя Его тамо. Да принесеши десятину пшеницы твоея… да научишися боятися Господа Бога твоего вся дни: аще же далече будетъ путь отъ тебе, и не возможеши донести ихъ, яко далече место отъ тебе, еже изберетъ Господь Богъ твой, и продаси сiе на цене.[8] «Не возможеши жрети пасху… но токмо на месте, еже изберетъ Господь Богъ твой призывати Имя Его ту.[9] Того (колено Аарона) избра Господь Богъ твой отъ всехъ племенъ твоихъ, предстояти предъ Господомъ Богомъ твоимъ, служити и благословити во Имя Господне, той и сынове его во вся дни… Да служитъ Имени Господа Бога вашего.[10] Пророка возставлю имъ отъ среды братiй ихъ, якоже тебе: и вдамъ Слово Мое во уста его и возглаголетъ имъ, якоже заповедаю ему; и человекъ той, иже не послушаетъ словесъ его, елика возглаголетъ пророкъ оный во Имя Мое, Азъ отмщу отъ него.[11] Аще не послушаете творити вся словеса закона сего, написанныя въ книге сей, еже боятися Имене честнаго и чуднаго сего, Господа Бога твоего. И удивитъ Господь язвы твоя… дондеже потребитъ Тя.[12]

Книги первыя Паралипоменона чтенiе.

Во время оно и весь Израиль взыде во градъ Давидовъ… еже вознести тамо Кивотъ Господа Бога, седяща на херувимехъ, идеже призвано есть Имя Его.[13] Въ той день устрои Давидъ въ начале хвалити Господа рукою Асафа и братiи его: исповедайтеся Господеви, и призывайте Его во Имени Его. Знаемы сотворити людемъ начинанiя Его. Пойте Ему и воспойте Ему: поведите вся чудеса Его, яже сотвори Господь. Хвалите Имя Святое Его.[14] Рече же Давидъ Соломону: чадо мне бяше въ сердце, да созижду домъ Имени Господа моего. И бысть слово Господне ко мне, глаголющее: многи крови пролiялъ еси, и многи брани сотворилъ еси, не созиждеши домъ Имени Моему… Се сынъ родится тебе… той созиждетъ домъ Имени Моему.[15] Возстаните и созидайте Святыню Господу Богу вашему, да внесется Кивотъ Завета Господня, и сосуды святыя Богови въ домъ, созидаемый Имени Господню.[16] И благослови царь Давидъ Господа предъ всемъ множествомъ, глаголя: Благословенъ еси Господи, Боже Израилевъ, Отецъ нашъ отъ века и до века… И ныне, Господи, исповедаемся Тебе и хвалимъ Имя хваленiя Твоего.[17] Господи Боже нашъ, да созиждется домъ Имени Святому Твоему.[18]

Пророчества Исаiина чтенiе.

Тако глаголетъ пророкъ: Се Богъ мой, Спасъ мой… воспойте Имя Его, возвестите во языцехъ славная Его: поминайте, яко вознесеся Имя Его. Хвалите Имя Господне.[19] Господи, Боже нашъ, прославлю Тя, воспою Имя Твое, яко сотворилъ еси чудная дела.[20] Уповахомъ на Имя Твое… Господи Боже нашъ, стяжи ны: Господи, разве Тебе иного не вемы: Имя Твое именуемъ.[21] Се Имя Господне идетъ временемъ многимъ, горящая ярость Его: со славою слово устенъ Его, слово гнева полно.[22] Яко Имя Господне велико вамъ есть.[23] Азъ Господь Богъ, сiе Мое есть Имя, славы Моея иному не дамъ.[24] Васъ ради присно Имя Мое хулится во языцехъ. Сего ради познаютъ людiе мои Имя Мое въ той день, яко Азъ есмь Самъ глаголяй, ту есмь.[25] Господь Саваофъ Имя Ему; избавивый тя, Святый Богъ Израилевъ.[26] И явлено будетъ Имя Твое въ сопротивныхъ Твоихъ.[27] Напоминайте, что велико Имя Его.[28] Услышите Глаголъ Господень трепещущiи словесъ Его: рцыте, братiе, ненавидящимъ вамъ и гнушающимся, да Имя Господне прославится, и явится въ веселiи ихъ, и они посрамятся.[29]

Пророчества Малахiина чтенiе.

Тако глаголетъ Господь: Вы священницы, презирающiе Имя Мое… Несть воля Моя въ васъ, глаголетъ Господь Вседержитель, и жертвы не прiиму отъ рукъ вашихъ. Зане отъ востокъ солнца, и до запада Имя Мое прославися во языцехъ, и на всякомъ месте фимiамъ приносится Имени Моему, и жертва чиста, зане велiе Имя Мое во языцехъ. Зане Царь велiй Азъ есмь… И Имя Мое светло во языцехъ.[30] И ныне заповедь Моя сiя къ вамъ, священницы: аще не услышите, и аще не положите на сердцахъ вашихъ, еже дати славу Имени Моему, глаголетъ Господь Вседержитель, то послю на вы клятву, и прокляну благословенiе ваше, и оклену е: и разорю благословенiе ваше, и не будетъ въ васъ, зане вы не влагаете въ сердца ваша.[31] Заветъ Мой бе съ нимъ (Моисеемъ) жизни и мира, и дахъ ему боятися Мене, и отъ лица Имене Моего устрашатися ему… Вы же растлисте заветъ Левiинъ.[32] И написа книгу памяти предъ собою боящимся Господа и благоговеющимъ Имя Его.[33] И возсiяетъ вамъ, боящимся Имене Моего, Солнце правды и исцеленiе въ лучахъ его.[34]

Ектенiя: (Господи помилуй 12 разъ, и: Аминь).

Сподоби, Господи: Ектенiя просительная (Подай Господи 12, Аминь).

На стиховне стихиры, гласъ 8:

Отче Богоглаголиве Арсенiе, / дивный промыслъ Божiй совершися на тебе, / яко былъ еси инокомъ Афонскимъ, / и Патмосъ островъ посетилъ еси, / место ссылки Апостола Iоанна Богослова, / и въ пещере его молился еси, / и даръ великiй Благодати Божiя тамо прiялъ еси; / и посетилъ еси градъ Iерусалимъ, / и поклонился святынямъ его, / и дождь молитвою твоею въ сушу тамо низвелъ еси. / Дивная совершишася на тебе Божiя дела. / Темъ же молимъ Тя усердно: / вознеси о насъ молитву твою ко Господу, / да одождитъ изсохшую землю нашихъ сердецъ, / росою Своея Благодати, / Твоими, отче, усердными молитвами.

Хвалите Имя Господне, / хвалите раби Господа.

Глаголомъ устъ твоихъ, отче Арсенiе, / приводилъ еси многихъ къ Православiю, / умиляя сердца человеческия, / въ заблужденiи сущихъ, / словомъ живыя проповеди твоея, / приводил еси многих ко спасенiю. / Воззри на моленiя наша умиленная, / и оживи души наша умервщленныя грехомъ / молитвою твоею ко Господу, / да просветитъ очи наши сердечныя, / и къ покаянiю приведетъ, / и спасетъ души наша, яко милосердъ.

Господи Господь нашъ, / яко чудно Имя Твое по всей земли!

Господи, настали тяжкiе и лютая времена, / еже хранитися отъ облегающихъ насъ соблазновъ мiра сего, / окружаютъ нас великiя опасности, / возстави ны изъ мрака унынiя и отчаянiя, / и спаси души наша, / молитвами Пречистыя Матери Твоея, / Богородицы и Приснодевы Марiи, / и дивнаго исповедника Пресвятаго Имени Твоего, / любимаго отца нашего Арсенiя, / и мучениковъ Афонскихъ за Имя Твое пострадавшихъ, / и всехъ святыхъ Твоихъ.

Слава и ныне: гласъ 8:

Безневестная Дево, / яже Бога неизреченно плотiю заченши и Рождшая, | Мати Бога Вышняго, / Твоихъ рабовъ мольбы прiими Всенепорочная, / всемъ подающи прегрешенiй очищенiе: / ныне наша моленiя прiемлющи, / моли спастися рабом Твоим.

Таже Ныне отпущаеши. Трисвятое и Отче нашъ:

Тропарь, гласъ 4:

Ревнителя чистоты Православiя, восхваляемъ тя, / служителю верный на ниве Господня виноградника, / звезда пресветлая Церкви Христовой, отче Арсенiе, / любимый, истинный наставниче нашъ, / многими труды подвизался еси, / ограждая Церковь отъ ересей, сектанства и Фарраризма, / друже Iоанна Кронштадтскаго, / ревностный поборниче Имяславiя на Афоне явился еси, / дерзновенно обличивъ имяборчество, / и тамо блаженно скончавыйся. / Моли о насъ Божiе милосердiе, / чтущихъ любовiю святую память твою.

Ектенiя: Господи помилуй 12 разъ.

Лик: Буди Имя Господне благословенно отъ ныне и до века. (трижды).

Слава: и ныне:

Благословлю Господа на всякое время (псал. 33) до: не лишатся всякаго блага. Шестопсалмiе.

На утрени,

По шестопсалмiи, Ектенiя великая. (или: Господи помилуй 12 разъ, и: Аминь)

Богъ Господь, и явися намъ: (на гласъ тропаря)

Тропарь святому дважды. (см.выше)

Слава, и ныне:

Богородиченъ, гласъ 4:

Живоносный источниче, / Богородице Дево, / зноемъ страстей палимую душу мою, / напой благодатными струями Сына Твоего, / и услади горесть сердца моего, / зренiемъ Святаго образа Твоего.

По 1-мъ стихословiи седаленъ, гласъ 5:

В преддверiи имяборческаго отступленiя, / прiиде искушенiе на Русь Православную, / Синодъ Россiйскiя церкве: / благословилъ печатати и заполняти страну нашу Православную,/ книгою Фаррара еретика, / по слову Святаго Iоанна Кронштадтскаго / отвергающую Божество Iисуса Христа, / и ставящую подъ сомнение Приснодевство Богоматере. / О, Господи, спаси и сохрани насъ, / отъ сихъ тяжкихъ ересей пагубныхъ.

Слава, и ныне: Богородиченъ, гласъ тойже

Радуйся святая горо и Богопроходная, / радуйся одушевленная купино неопалимая, / радуйся едина къ Богу мiрови мосте, / преводяй мертвыя къ вечному животу. / Радуйся нетленная Отроковице, / неискусомужно рождшая / Спасителя душъ нашихъ.

По 2-мъ стихословiи седаленъ, гласъ тойже

Многомилостиве и Всемилостиве Господи, / посла тебе, Россiя, великаго исповедника отца Арсенiя, / избавити тя отъ пагубныхъ ересей Фаррара протестанта; / и егда узрелъ в книге его тьму ересей, / увещевалъ еси Россiю отвергнути пагубную книгу сiю; / Iоаннъ же Кронштадтскiй, праведникъ еси великiй, / благословилъ тя, отче Арсение, на борьбу съ треклятыми ересьми, / и ты, отче, открылъ беседы народныя, / увещевательныя противъ книги Фаррара, / да отвергнутъ ю яко мерзость вражiю..

Слава, и ныне: Богородиченъ, гласъ 4:

Неискусобрачная Невесто Богородительнице, / яже Евину печаль радостнотворившая, / воспеваемъ вернiи и поклоняемся Тебе, / возвела бо еси насъ отъ древнiя клятвы: / и ныне моли непрестанно, / Всепетая, Пресвятая: / во еже спастися намъ.

Полiелей: (Прославленiе Имени Божiя).

Хвалите Имя Господне, хвалите раби Господа: аллилуiа, аллилуiа, аллилуiа.[35]

Благословенъ Господь отъ Сiона, живый во Iерусалиме. Аллилуiа, аллилуiа аллилуiа.

Исповедайтеся Господеви, яко благъ яко ввекъ милость Его. Аллилуiа, аллилуiа, аллилуiа.

Исповедайтеся Богу небесному, яко в векъ милость Его. Аллилуiа, аллилуiа, аллилуiа.