Славословiе великое.

Тропарь, гласъ 4:

Ревнителя чистоты Православiя, восхваляемъ тя, / служителю верный на ниве Господня виноградника, / звезда пресветлая Церкви Христовой, отче Арсенiе, / любимый нашъ наставниче, / многими труды подвизался еси, / ограждая Церковь отъ ересей, сектанства и Фарраризма, / друже Iоанна Кронштадтскаго, / ревностный поборникъ Имеславiя на Афоне явился еси, / дерзновенно обличивъ имеборчество, / и тамо блаженно скончавыйся. / Моли о насъ Божiе милосердiе, / чтущихъ любовiю святую память твою.

Ектенiя: Помилуй насъ Боже: (Господи помилуй 12, и: Аминь).

И отпустъ: Утверди Боже, святую православную веру, православныхъ христiанъ во векъ века.

И часъ 1-й.

По молитве: Христе, Свете истинный: Взбраннной Воеводе победительная:

Слава и ныне: Господи помилуй (трижды), Благослови:

Молитвами святыхъ отецъ нашихъ, Господи Iисусе Христе Боже нашъ, помилуй насъ. Аминь.

Часы.

3-й часъ (если нетъ священника): Молитвами святыхъ отецъ нашихъ, Господи Iисусе Христе Боже нашъ, помилуй насъ. Аминь.

Чтец, Начало обычное.

В начале Литургiи и Изобразительныхъ

полагается заздравная Ектенiя. Если без iерея, Господи помилуй 12 разъ, и поминаются сущiи въ правой вере. О еретикахъ, или находящихся въ общенiи съ имеборной антицерковью и о неверующих, молиться не «спаси Господи и помилуй», а: вразуми, и обрати ихъ, Господи, къ правой вере и къ покаянiю.

Последованiе Изобразительных:

Благослови душе моя Господа:

Слава: Хвали душе моя Господа:

И ныне: Единородный Сыне:

Блаженны. Во царствiи Твоемъ:

На блаженны отъ Канона на 6, песнь 5 и 6.

Слава:

Сiе Имя Спасительное Iисусъ, / аки солнце мiръ облеста,/[1] глаголющу пророку: / возсiяетъ вамъ боящимся Имене Моего солнце правды / и исцеленiе въ крылехъ Его / и изыдете и взыграете / якоже тельцы отъ узъ разрешенiи.[2] Iисусе, Спасительное Имя, помилуй мя.

И ныне:

Се Дева приметъ во чреве / и родитъ Сына / и нарекутъ Имя Ему Еммануил,[3] / еже есть Искупитель отъ века, / якоже глаголетъ Исаiя; [4]/ Iисусъ бо, во времени, совершилъ еси Искупленiе.

По семъ поется: Прiидите поклонимся, и припадемъ ко Христу, спаси ны Сыне Божiй, во Святыхъ дивенъ сый поющiя Ти, аллилуiа, аллилуiя, аллилуiя.

Аще, же неделя, вместо: «во Святых дивенъ» – Воскресый изъ мертвыхъ поющiя Ти, аллилуiа. И поем тропари:

Имени Божiю. Тропарь, гласъ 5:

Сiя глаголетъ Господь Богъ Вседержитель: / Азъ Господь Богъ, сiе Мое есть Имя[5] Вечное.[6]/ Живу Азъ, и присно живетъ Имя Мое.[7]/ И ныне заповедь сiя къ вамъ священницы: / аще не примете къ сердцу воздавати славу Имени Моему, / прокляну васъ и благословенiе ваше, / и уже проклинаю, / яко не хотите приложить к тому сердца.[8]

Сладчайшему Имени Iисусъ.

Тропарь, гласъ 8:

С высоты принесеся Имя Твое Iисусе, Спасе нашъ, / на наше избавленiе во искупленiе рода человеческаго. / Отъ Твоего Имени Iисусе, трясется адъ. / Мы же призываемъ Имя Твое, Iисусе, / и симъ пресладким Именемъ даруй намъ спасенiе.[9]

инъ Тропарь, гласъ 6:

Прiидите почерпите воду съ веселiемъ / отъ источника спасенiя. / Хвалите Господа, воспойте Имя Его, / возвестите во языцехъ славная Его: / поминайте, яко вознесеся Имя Его./ Хвалите Имя Господне, / яко высокая сотвори Господь:/ возвестите сiя по всей земли.[10] / Iисусе, Спасительное Имя, помилуй мя.

Покрову Пресвятой Богородицы.

Тропарь, гласъ 4

Днесь благовернiи людiе светло празднуемъ, / осеняеми Твоимъ Богомати пришествiемъ, / и къ Твоему взирающе пречистому Образу, / умильно глаголемъ: / покрый насъ честнымъ Твоимъ Покровомъ: / и избави насъ отъ всякаго зла, / молящи Сына Твоего Христа Бога нашего, / спасти души наша.

Преподобному Арсенiю. Тропарь, гласъ 4:

Ревнителя чистоты Православiя, восхваляемъ тя, / служителю верный на ниве Господня виноградника, / звезда пресветлая Церкви Христовой, отче Арсенiе, / любимый нашъ наставниче, / многими труды подвизался еси, / ограждая Церковь отъ ересей, сектанства и Фарраризма, / друже Iоанна Кронштадтскаго, / ревностный поборникъ Имяславiя на Афоне явился еси, / дерзновенно обличивъ имяборчество, / и тамо блаженно скончавыйся. / Моли о насъ, Божiе, милосердiе, / чтущихъ любовiю святую память твою.

Тропари: Дневной и Празднуемаго Святаго по месяцеслову.

И поемъ Трисвятое.

Чтецъ: Прокименъ, гласъ 4:

Честна предъ Господемъ смерть преподобныхъ Его.

Ликъ поетъ: Честна предъ Господемъ смерть преподобныхъ Его.

Чтецъ Стих: Что воздамъ Господеви о всехъ, яже воздаде ми;

Ликъ: Честна предъ Господемъ смерть преподобныхъ Его.

Чтецъ: Честна предъ Господемъ:

Ликъ: смерть преподобныхъ Его.

Апостолъ: Филипписiемъ, зач. 240:

Чтецъ: Къ Филипписiемъ посланiя святаго Апостола Павла чтенiе. Братiе, Сiе бо да мудрствуется въ васъ, еже и во Христе Iисусе: Иже, во образе Божiи сый, не восхищенiемъ непщева быти равенъ Богу: Но Себе умалилъ, зракъ раба прiимъ, въ подобiи человечестемъ бывъ, и образомъ обретеся, якоже человекъ, Смирилъ Себе, послушливъ бывъ даже до смерти, смерти же крестныя. Темже и Богъ Его превознесе, и дарова Ему Имя, еже паче всякаго имене; Да о Имени Iисусове всяко колено поклонится небесныхъ и земныхъ и преисподнихъ, И всякъ языкъ исповесть, яко Господь Iисусъ Христосъ въ славу Бога Отца, Аминь. Аллилуiа, аллилуiа, аллилуiа.

Ликъ поетъ Аллилуiа (трижды)

Чтецъ Стихъ: Праведникъ яко финиксъ процвететъ и яко кедръ иже въ Ливане умножится.[11]

Ликъ: Аллилуiа (трижды)

Чтецъ Стихъ: Насаждени въ дому Господни, во дворехъ дому Бога нашего прцветутъ.[12]

Ликъ трижды: Аллилуiа.

Евангелiе: Матфея, зач. 36.

Чтецъ: От Матфеа Святаго Евангелiя чтенiе.

Ликъ: Слава Тебе, Господи, слава Тебе.

Чтецъ: Рече Господь Своимъ ученикомъ: Се Азъ посылаю васъ яко овцы посреде волковъ: будите убо мудри, яко змiя, и цели, яко голубiе. Внемлите же отъ человекъ: предадятъ бо вы на сонмы, и на соборищахъ их бiют вас: И предъ владыки же и цари ведени будете Мене ради, во свидетельство имъ и языкомъ. Егда же предаютъ вы, не пецытеся, како или что возглаголете: Не вы бо будете глаголющiи, но Духъ Отца вашего глаголяй въ васъ. Предастъ же братъ брата на смерть и отецъ чадо: и возстанут чада на родители, и убiютъ ихъ. И будете ненавидими всеми Имене Моего ради: претерпевый же до конца, той спасенъ будетъ.

Ликъ: Слава Тебе Господи, слава Тебе.

Заупокойная Ектенiя: (если нетъ священника: заупокойное пенiе Господи помилуй 9 разъ, и: поминанiе именъ усопшихъ).

Поминаются усопшiе въ правой вере. А усопшiе въ общенiи съ имеборной антицерковью сродники, поминаются съ прибавкой: «Аще возможно», помяни Господи… А закоренелые имяборцы и другiе еретики и безбожники усопшiе, вообще не поминаются, ихъ предавать на волю Божiю.

После поминовенiя,

Прочее Изобразительныхъ (Обедницы) по Часослову:

Чтецъ: Помяни насъ Господи, егда прiидеши во царствiи Твоемъ. Помяни насъ Владыко, Егда прiидеши во царствiи Твоемъ. Помяни насъ Святый, Егда прiидеши во царствiи Твоемъ.

Слава, и ныне: Ликъ небесный поетъ Тя и глаголетъ:

Поется: Свят, Святъ, Святъ Господь Саваофъ, исполнь небо и земля славы Твоея.

Стихъ: Приступите къ Нему и просветитеся, и лица ваша не постыдятся. Лик небесный поетъ Тя и глаголетъ:

Поется: Святъ, Святъ, Святъ Господь Саваофъ, исполнь небо и земля славы Твоея.

Слава: Ликъ святыхъ Ангелъ и Архангелъ со всеми небесными силами, поетъ Тя, и глаголетъ:

Поется: Святъ, Святъ, Святъ Господь Саваофъ, исполнь небо и земля славы Твоея.

Чтецъ, И ныне:

Ликъ: Верую во единаго Бога Отца…

Чтецъ: Ослаби остави…

Ликъ: Отче ъашъ…

Имени Божiю. Кондакъ, гласъ 4:

Яко да Имя Мое не осквернится предъ языки… / вы же доме Израилевъ, / сице глаголетъ Адонаи Господь: / кiйждо кумиры своя отымите, / и аще послушаете Мене, / и Имени Моего Святаго не осквернавити…/ И познаете, яко Азъ Господь, / да Имя Мое не осквернится злыми путями вашими.[13]

ин Кондакъ, гласъ 6:

Царское Имя Iисусъ / на небеси и на земли царствующее: / на небеси все естество Ангельское / безпрестанно славитъ Пресвятое Имя Твое, Iисусе,[14] / на земли людiе возносятъ туюжде песнь, / составляется общее торжество / небесныхъ и земныхъ сущестъ вкупе славящихъ Тя. / Iисусе, Спасительное Имя, помилуй мя.[15]

Покрову Пресвятой Богородицы.

Кондакъ, гласъ 3:

Дева днесь предстоитъ въ Церкви, / и съ лики святыхъ за ны невидимо молится Богу: / Ангели со архiереи покланяются, / Апостоли же со Пророки ликовствуютъ: / насъ бо ради молиъ Богородица превечнаго Бога.

Преподобному Арсенiю.

Кондакъ, гласъ 8:

Чудо чудесъ совершишася на тебе, отче Арсенiе, / во славу превечнаго Имени Божiя, / егда возгореся во святей Горе Афонстей ересь имяборческая, / тогда воздвиже Господь на защиту Имени Своего / тебе, могучего и славнаго миссiонера, / дабы и самый последокъ дней своихъ посвятилъ еси. Отче, / на защиту истиннаго Православiя, его же сохранити и намъ, моли Христа Бога.

Кондаки: Дневной и Празднуемаго Святаго по месяцеслову.

Слава: Со святыми упокой…

И ныне: Предстательство христiанъ непостыдное…

Господи помилуй 12.

Всесвятая Троице…

Буди Имя Господне благословенно: (трижды)

Слава, и ныне…

Псаломъ 33: Благословлю Господа…

Достойно есть яко воистину…

Слава, и ныне… Господи благослови…

Молитвами святыхъ отецъ нашихъ, Господи Iисусе Христе Боже нашъ, помилуй насъ. Аминь.

Песнопенiя въ конце службы:

Утвержденiе на Тя надеющихся, / утверди Господи Церковь, / юже стяжалъ еси / честною Твоею кровiю (Трижды).

Утверди Боже,/ святую православную веру, православных христiан, /во векъ века.

Всю братiю нашу и вся православныя христiаны, / Господи помилуй, Господи помилуй, Господи помилуй, / Господи сохрани ихъ на многая лета.

Упованiе мое Отецъ, / прибежище мое Сынъ, / покровъ мой Духъ Святый: / Троице Святая, слава Тебе.

Богородице Дево, / упованiе христiаномъ, / покрый, соблюди, и спаси на Тя уповающихъ.

Не имамы иныя помощи, / не имамы иныя надежды, / разве Тебе Владычице, / Ты намъ помози, / на Тебе надеемся, / и Тобою хвалимся, / Твои бо есмы раби, да не постыдимся.

Все упованiе мое на Тя возлагаю, / Мати Божiя, / сохрани мя подъ кровомъ Твоимъ.

Владыко Христе Царю Многомилостиве, / прiими молитвы рабъ Твоихъ, / и избави насъ, отъ всякiя нужды и печали.

Владычице, прiими молитвы рабъ Твоихъ, / и избави насъ, / отъ всякiя скорби и болезни.

Господи помилуй, / Господи помилуй, / Господи помилуй. / Аминь.

Господи мой Господи, / Пастырь мой родной, / спаси меня отъ ада, / и будь всегда со мной.

Слава Ему во веки!

Аминь.

АКАФИСТЪ

в Бозе почившему отцу нашему

игумену Арсенiю, исповедникуАфонскому и Российскому.

(1837 – 20.08.1913)

Кондакъ 1.

Избранный Богомъ на защиту правыя Веры, во Отечестве нашемъ многострадальнемъ, / егда древнiй змiй восхулив Божество Имени Господа нашего Iисуса Христа, / и воздвиг вероотступныя архiереи против Православныя веры во Имя Божiе, / ты же отче Арсенiе призванъ еси на Афонъ Господом Богом, / поразити безбожную ересь имяборную. / Сего ради, восписуемъ ти песнь благодарственную: / Радуйся, Арсенiе, новый исповедниче и молитвенниче о душахъ нашихъ.

I к о с ъ 1.

Во младыхъ летехъ призва Тя Господь, отче Арсенiе, во иночество святыя Горы Афонскiя, идеже постомъ и непрестанной молитвою съ послушанiемъ достигъ еси совершенства духовнаго; мы же грешнiи благодарни сущи, Богу, за тя, отче Арсенiе, приносимъ ти похвалы сiя:

Радуйся, усердный къ Богу молитвенниче;

Радуйся, во обители Афонстей непрестающее славословiе Богу воспевалъ еси;

Радуйся, смиренный послушниче отцевъ Афонскихъ былъ еси;

Радуйся, подвигомъ благочестiя снискавый любовь братiи;

Радуйся, Богоизбранный служитель Отечеству верою и правдою;

Радуйся, светильниче возсiявый изъ Афона, просвещати верою истинной землю Русскую;

Радуйся, искренней любовiю возлюбивый Господа и Пресвятую Богородицу;

Радуйся, сердцемъ и душею отрешивыйся многомятежнаго мiра и къ Горнему Iерусалиму устремивыйся;

Радуйся, избранный Богомъ быти светильникомъ Церкви Христовой;

Радуйся, Арсенiе, новый исповедниче и молитвенниче о душахъ нашихъ.

Кондакъ 2.

Гласъ Божiй призва Тя, отче Арсенiе, на пажить Церкве Россiйскiя быти хранителемъ чистоты Православiя; ты же смиренно повинуяся изволенiю Призвавшаго Тя Господа, усердно трудился еси во славу Веры и Церкви Православныя, и сего ради съ умиленiемъ вопiемъ Богу: аллилуiа.

I к о с ъ 2.

Взыскуя Вышнихъ, недалекъ и от нижнихъ былъ еси отче Арсенiе, яко ревнитель былъ чистоты Веры Православныя Церкви Россiйстей. И сего ради, избра Тя Богъ на служенiе миссiонерское, охраняти Отечество наше отъ богопротивныхъ ересей. Воспоминая ревность твою о защите Веры Православныя, возглашаемъ Ти:

Радуйся, Веры Православныя яркiй светильниче;

Радуйся, Отеческия Веры, хранитель преславный;

Радуйся, сектантовъ и еретиковъ обличителю;

Радуйся, Веры Апостольской стражъ неусыпный;

Радуйся, къ Православiю многiя заблудшiя люди обративый;

Радуйся, сна очима твоима не давый въ трудехъ по защите Православiя;

Радуйся, еретикамъ и отступникамъ анафемы предуказавый;

Радуйся, Русь Православную отъ ересей оберегавый;

Радуйся, подвижниче Христовъ, память смертную непрестанно хранивый;

Радуйся, Арсенiе, новый исповедниче и молитвенниче о душахъ нашихъ.

Кондакъ 3.

Лютыя ереси имяборческiя, напоследокъ жизни своея земныя, былъ еси искоренителю въ церкви Россiйстей, отче Арсенiе; первее посетилъ еси Патмосъ и моляся въ пещере Тайнозрителя Апокалипсиса Iоанна Богослова исполнился еси обильныя Благодати Iисуса Сладчайшаго, и сего ради вопiемъ о тебе Богу: аллилуiа.

I к о с ъ 3.

Исполненный Благодати Апостольской въ Патмосе, устремился еси во святый градъ Iерусалимъ поклонитися святынямъ Востока, и тамо чудо сотворилъ еси: проповедiю твоею, воздвигнувъ люди на молитву покаянную града Святаго испросити у Бога дождь на нивы изсохшiя, и оросить ихъ ливни дождевными; видя чудо молитвъ твоихъ отче Арсенiе, вси воспеша Ти благодарственно:

Радуйся, отче Арсенiе, чудотворче предивный;

Радуйся, молитвою твоею изведый съ небесе дождь на землю изсохшую;

Радуйся, похвало Iерусалимлянъ отъ Россiи чрезъ Патмосъ возсiявшая;

Радуйся, люди града Святаго отъ унынiя дождемъ возвеселивый;

Радуйся, усердный молитвенниче къ Богу небесному;

Радуйся, молитвою твоею дождь изведый на нивы изсохшiя;

Радуйся, указавый людемъ духовное безплодiе изсохшихъ сердецъ;

Радуйся, наставивый iерусалимлянъ на покаянiе во время безведрiя;

Радуйся, дерзновенную къ Богу молитву твою явивый;

Радуйся, Арсенiе, новый исповедниче и молитвенниче о душахъ нашихъ.

Кондакъ 4.

Исполненный Благодати Духа Святаго въ Патмосе и паки въ Iерусалиме, отче Арсенiе, яко укрепленный сосудъ благодати, вступилъ еси во Отечество твое Русь Святую, служити на поприще миссiонера, трудолюбно раскрывая и изобличая ереси сектантовъ, верныхъ же укрепляя въ Православiи. За таковаго светильника Веры и благочестiя благодарственно поемъ Богу: аллилуiа.

I к о с ъ 4.

Излiяся Благодать Духа Святаго во устахъ твоихъ, отче Арсенiе, прославлялъ бо еси величiе отеческия Веры Православныя. Видя таковую ревность твою о чистоте вероисповеданiя, даровалъ Ти Господь славу и поставилъ быти синодальнымъ миссiонеромъ, и яко свещу возвыси Тя на свещнике, хранити сокровище Православiя въ лоне Церкве Россiйскiя, и сего ради, радостно воспеваемъ Ти:

Радуйся, великiй зодчiй Православiя во Отечествiи твоемъ;

Радуйся, неутомимый труженикъ на ниве веры Христовой;

Радуйся, изводителю изъ ереси заблудшихъ;

Радуйся, на сердцахъ людей написавый скрижали Закона Божiя;

Радуйся, возненавидевый прелести мiра, Бога же возлюбивый; в

Радуйся, обручивый душу твою Жениху-Христу;

Радуйся, свирель Духа Святаго сладкогласная;

Радуйся, отче Отцевъ красота преславная;

Радуйся, ревнителю Славы Имени Божiя;

Радуйся, Арсенiе, новый исповедниче и молитвенниче о душахъ нашихъ.

Кондакъ 5.

Возвысился гласъ твой, отче Арсенiе, егда узрелъ еси ереси ереси Фаррара противу Веры Православныя, – восхулившаго Божество Iисуса Христа, и поставившаго въ сомненiе Приснодевство Пречистыя Богородицы, – ты же отче, нетерпелъ еси злохульныя ереси сiя. Дивимся твоей, отче, ревности и мужеству по защите Правоверiя, славимъ Приснодевство Богоматери, Богу же нашему Iисусу Сладчайшему вопiем: аллилуiа.

I к о с ъ 5.

Велiй пастырь Земли Русской Праведникъ Божiй Iоаннъ Кронштадтскiй благословилъ Тя, отче Арсенiе, изобличати ереси Фаррара и твою борьбу противъ ученыхъ защитниковъ его; и ты, ничесоже бояся, вразумлялъ еси православныхъ отвергати ереси протестантскiя и ненавидети пагубную книгу Фаррара; восхваляемъ ревность твою о защите Православiя и воспеваемъ ти:

Радуйся, яко громъ небесный, кривоверовъ устрашающiй;

Радуйся, верныхъ въ правоверiи укрепляющiй;

Радуйся, медоточныя уста твоя, къ истинной вере приводящая;

Радуйся, терпенiемъ и мужествомъ зловерiе изобличающiй;

Радуйся, Богомъ предназначенный, на похвалу истины Божiя;

Радуйся, светильникъ Церкве Божiя неугасаемый;

Радуйся, силою слова Божiя враговъ Православiя побеждающiй;

Радуйся, Богомъ предъизбранный страж Веры Православной;

Радуйся, семена благочестiя въ сердца неверовъ посеявый;

Радуйся, Арсенiе, новый исповедниче и молитвенниче о душахъ нашихъ.