Кондакъ 6.

Никакая же сила верховныя власти церковныя не возмогла победити ревность твою, отче Арсенiе, по защите Православiя и закрыти уста твоя богоглаголивыя, воеже не глаголати обличенiя лжеверовъ; и егда прещаша ти, ты отринувъ страхи съ большимъ дерзновенiемъ глаголалъ еси истину, изобличая ереси протестантскiя, и немолчно воспевалъ Богу: аллилуiа.

I к о с ъ 6.

Ополчишася на Тя, отче Арсенiе, правители церкви Россiйстей, нетерпя твоего обличенiя защитниковъ еретика Фаррара профессоровъ и ученыхъ, хвалящихъ книгу еретическую, тебе же, отче, унижающихъ яко неученаго. Но ты не оставилъ еси защиту Православiя отъ хулы протестантскiя; и сего ради прiими, отче, похвалы наши:

Радуйся, непоколебимый столпъ Православiя,

Радуйся, неустрашимый обличитель зловерiя;

Радуйся, Горняя предпочиталъ еси дольнему;

Радуйся, яко до конца был еси борецъ за чистоту Православiя;

Радуйся, верный слуга Господень;

Радуйся, воинъ Христовъ неустрашимый;

Радуйся, древнимъ Исповедникамъ Христовымъ подражателю;

Радуйся, истинной Веры Христовой проповедниче;

Радуйся, ни во что же вменивый славу мiра сего;.

Радуйся, Арсенiе, новый исповедниче и молитвенниче о душахъ нашихъ.

Кондакъ 7.

Нетерпя силы ревности твоея, отче Арсенiе, и дерзновенной проповеди чистоты Православiя, правители церковныя осудила тя въ ссылку на Соловки, дабы замолкли немолчныя уста твоя изобличающая ереси Фаррара. Ты же, отче, подобно Апостоламъ рекъ еси: угодно ли Богу послушати человека паче, нежели Бога – судите сами. Обаче, повинуяся земной власти, ей же не покорился въ вере, покорился еси въ земномъ. Воспоминая мужество и терпенiе твое, поемъ Богу: аллилуiа.

I к о с ъ 7.

Не страшась власти земныя, убоялся еси власти Бога Небеснаго, и последовалъ еси во изгнанiе за Имя Господне, повинуяся Промыслу о тебе Всевышняго, готовившему тя быти исповедникомъ Имени Господа Iисуса. Дивяся дивному о тебе Промыслу и долготерпенiю твоему, восхваляемъ тя:

Радуйся, неодолимый, яко адамант Веры и благочестiя;

Радуйся, искоренителю еретическаго злочестiя;

Радуйся, образъ кротости и терпенiя;

Радуйся, столпъ исповедничества ХХ-го века;

Радуйся, послушный исполнитель воли Божiей;

Радуйся, смиренномудрiе и терпенiе показавый намъ;

Радуйся, великiй заступникъ Веры Православной въ отечестве своемъ;

Радуйся, усердный исполнитель заповедей Господнихъ;

Радуйся, въ борьбе съ ересью нещадивый чины высокiя;

Радуйся, Арсенiе, новый исповедниче и молитвенниче о душахъ нашихъ.

Кондакъ 8.

Заступленiя сподобился еси, отче Арсенiе, благочестиваго Царя Николая Втораго, иже избави Тя отъ Соловковъ. Ты же, отче, возгорелся еси желанiемъ окончить жизнь на Афоне, откуда и былъ вызванъ въ Россiю для борьбы съ сектанствомъ. Снизошедъ твоему желанiю, Синодъ поручилъ тебе искоренити на Афоне имяславiе. Уразумевъ о себе промыслъ Господень, ты, отче, радостно воспелъ еси Богу: аллилуiа.

I к о с ъ 8.

Прибытiе твое, отче Арсенiе, на Афонъ зело возрадоваша еретиковъ имяборцевъ, иже излiяша пред тобою безумныя слезы, аки бы возникла въ обители ересь имяславiя и молиша тя избавити обитель от ереси сiя, аки бы проповедающую четвертую ипостась Божества. Возгоревся ревностiю, ты отче, обещася воутрiе обличити «ересь» сiю и утерти слезы имяборцев, но Господь уготовалъ тебе спасительное знамение:

Радуйся, отче Арсенiе, яко вскоре уразумееши клевету имяборцевъ на имяславiе;

Радуйся, яко въ грядущую нощь узриши о тебе Промыселъ Божiй:

Радуйся, яко познаеши светъ Божiй въ Имяславiи;.

Радуйся, яко возрадуешися по сихъ, егда узриши тьму въ имяборчестве;

Радуйся, яко и Ангелы Божiи на небеси возрадуются о тебе.

Радуйся, яко и самъ прославиши съ имяславцами Имя Господне;

Радуйся, яко открыетъ Богъ сердечныя очи твои и уразумееши веру истинную в Имяславiи;

Радуйся, яко жизнь свою положити имаши за Имя Пресвятыя Троицы;

Радуйся, яко ничтоже сведетъ Тя съ истиннаго пути Имяславiя;

Радуйся, Арсенiе, новый исповедниче и молитвенниче о душахъ нашихъ.

Кондакъ 9.

Егда собрашася братiя на Повечерiе, сказалъ еси отче Арсенiе, слово во обличенiе имяславiя; и положилъ еси наутрiе привести имяславцевъ къ покаянiю преклонивъ ихъ предъ имяборцами и помирити ихъ, и ввести съ почетомъ низложенного имяславцами еретика игумена Iеронима. Обрадованные начальники имяборцы подъ руки отвели тя, отче, въ келлiю на ночлегъ. Ты же, отче, надеялся воспети нощiю благодарную песнь Богу: аллилуiа.

I к о с ъ 9.

Сталъ еси, отче Арсенiе, на молитву, но онемеша уста твоя, отъялъ бо Господь речь твою, зане оскорбилъ еси братiю имяславцевъ не выслушавъ ихъ, и неугодна Богу сташа молитва твоя. Видя себе наказанiе Божiе, зело возскорбелъ еси и горько рыдалъ всенощно, моля Бога вразумити и избавити беды сея, не принялъ бо Господь молитву твою. Мы же сочувствуя горести твоей, взываемъ Ти:

Радуйся, отче, яко сiя вся, къ вящшей Славе Божiей быша;

Радуйся, отче яко узрел еси сбывшуюся на тебе Славу Божiю;

Радуйся, возвеселивый вскоре имяславцев, радостiю великою;

Радуйся, отче, дивному о тебе промыслу Божiю;

Радуйся, отче, станишь бо воиномъ Христовымъ противу злобожнаго имяборчества;

Радуйся, яко не зломысленно первее обиделъ еси имяславцевъ;

Радуйся, яко вскоре воспроповедуеши Славу Имени Божiя;

Радуйся, яко вскоре поразиши во главу змiя-имяборца;

Радуйся, Арсенiе, новый исповедниче и молитвенниче о душахъ нашихъ.

Кондакъ 10.

Призре Господь на скорбь и горькiя слезы твои, отче Арсенiе, внушилъ тебе открыти и читати Библiю. И открыся Iеремiи 16-я глава, идеже слово Божiе речетъ: не ходи туда и не утешай ихъ, наказаннiи бо суть; и слезы хлынули изъ очесъ твоихъ, и уразумелъ еси неугодное Богу вчерашнее утешенiе твое имяборцевъ, и прославилъ, отче, Отца Небеснаго за вразумленiе твое словомъ Божiимъ. Мы же за сiе вопiемъ Богу: Аллилуiа.

I к о с ъ 10.

Воутрiе старцы имяборцы не прочитавъ по обычаю: «молитвами святыхъ отецъ нашихъ…» постучаша ти, дабы идти въ храмъ обрадовати имяборцевъ; ты же, вразумленный Богомъ, не открылъ еси дверь имяборцамъ. И вторицею и третицею постучаша ти, и «ни гласа, ни послушанiя» быша имъ отъ тебе... Сего ради, услыши, отче, похвалы наша сiя:

Радуйся, отче Арсенiе, вразумленный Свыше, не идти утешать имяборцевъ;

Радуйся, яко отныне призвалъ Тя Господь къ Имяславiю;

Радуйся, яко Ангели возрадовашася зело о твоемъ вразумленiи;

Радуйся, яко демоны зело возрыдаша;

Радуйся, яко сталъ еси на путь праведный со избранными;

Радуйся, яко возненавиделъ еси путь нечестивый имяборцевъ;

Радуйся, яко вскоре померкнет напыщенная слава, имяборцев;

Радуйся, яко вси праведнiи веселятся о Имени Господнемъ;

Радуйся, яко имяславцы возрадовались о твоемъ вразумленiи;

Радуйся, яко имаши самъ укрепляти братiю на пути Имяславiя;

Радуйся, Арсенiе, новый исповедниче и молитвенниче о душахъ нашихъ.

Кондакъ 11.

Радуяся непрiятiемъ тобою, отче Арсенiе, имяборцевъ, пришли к твоей келiи имяславцы, сотворивъ молитву: «Молитвами святыхъ отецъ нашихъ…» и открыся имъ дверь, и встретилъ ихъ съ объятiемъ и со слезами радости, отче Арсенiе, и объявилъ: «Я съ вами! Я съ вами! Я съ вами! Обрадованная же братiя твоимъ, отче, въ сiю нощь вразумленiемъ возопиша Богу: аллилуiа.

I к о с ъ 11.

Возсiя радость велiя имяславцамъ о твоемъ, всечестный отче, чудесномъ вразумленiи къ Имяславiю, и введоша тя въ храмъ. Ты же, отче, взойдя на амвонъ помолился на иконостасъ, прославилъ Бога, таже обратился лицемъ къ братiи съ земнымъ поклонамъ на три стороны, испросилъ у братiи прощенiе за вчерашнюю обиду оправдать имяборчество и вернуть игумена Iеронима имяборца, и возвестилъ нощный промыселъ о тебе Божiй, и рекъ имяславцам: прiимите мя в ваше ополченiе имяславческое славити и защищати Имя Господне. Мы же благодарни сущи Богу о твоемъ вразумленiи, взываемъ ти:

Радуйся, яко чудо Божiе совершися на тебе, отче, в оправданiе истины Имяславiя;

Радуйся, яко изнемогаетъ слово наше къ прославленiю на тебе Божiя Промысла;

Радуйся, яко тобою посла Богъ великую радость имяславцамъ;

Радуйся, яко не остави Тя Господь пребывати въ неведенiи имяборческомъ;

Радуйся, яко возвеселилъ еси братiю обращенiемъ твоимъ къ Имяславiю;

Радуйся, яко все небо возрадовашася о прославленiи тобою Имени Iисуса Сладчайшаго;

Радуйся, отче, искусный защитниче Славы Имени Божiя;

Радуйся, отче, яко другу твоему Iоанну Кронштадтскому поревновавый, еже славити Имя Господне;

Радуйся, отче, яко и насъ укрепилъ еси шествовати по пути Имяславiя;

Радуйся, Арсенiе, новый исповедниче и молитвенниче о душахъ нашихъ.

Кондакъ 12.

Вниде въ ополченiе имяславческое ты отче Арсенiе, основалъ еси на Афоне «Союзъ въ честь Архангела Михаила» исповедниковъ и защитниковъ чести и славы Имени Божiя, дабы хранитися имяславцамъ отъ молитвенного общенiя съ имяборцами. Сего ради, и мы недостойнiи, тщимся быти ополченцами въ «Союзе Архангела Михаила», подвизаясь за Имя Христа Бога и поя Святейшему Имени Пресвятой Троицы: Аллилуiа.

I к о с ъ 12.

Показалъ еси, отче Арсенiе, истинное исповедничество, егда на смертномъ одре отвергъ имяборческое причастiе, еже есть по Апостолу Павлу «чаша бесовская»[1], по слову же Святаго Феодора Студита «пища демоновъ»;[2] и поведавъ братiи бывшее ти въ храме откровенiе о судьбе мiра и Россiи, яко «грядетъ гневъ Божiй на Вселенную, земля обольется кровiю», вскоре мирно скончався. Мы же, благодарные ученики, и духовныя чада твои, приносимъ Ти, отче, похвалы наши:

Радуйся, отче Арсенiе, скончавый жизнь свою въ славномъ исповедничестве;

Радуйся, отче, принесшiй Богу плодъ устъ и сердца прославляющихъ Имя Господне;[3]

Радуйся, яко вселился еси въ обители Небесныя, славити Имя Пресвятыя Троицы;

Радуйся, яко съ Ангелы и Святыми славиши Имя Божiе на небе, за еже славилъ Его на земли;

Радуйся, отче Арсенiе, и поминай насъ, духовныхъ чадъ твоихъ;

Радуйся, яко сподобился еси великой славы на Небеси;

Радуйся, дивный отче и сладкогласная уста твоя;

Радуйся, радующiйся въ лике Святыхъ у престола Святыя Троицы, и молися о насъ грешныхъ;

Радуйся, отче Арсенiе, и прiими немощныя наши песнопенiя твоей святости;

Радуйся, Арсенiе, новый исповедниче и молитвенниче о душахъ нашихъ.

Кондакъ 13.

О, предивный исповедниче веры во Имя Божiе, Богомъ заповеданной,[4] отче Арсенiе! Прiими отъ насъ недостойныхъ приносимые отъ всего любящего сердца нашего похвалы сiя, и твоимъ предстательствомъ у Престола Святыя Троицы испроси прощенiе греховъ нашихъ, и до конца жизни нашея сохранити слово терпенiя,[5] и не отречься отъ Имени Божiя; и да сподобимся о Имени Божiемъ, во веки вековъ воспевати Богу: аллилуiа.

(Сей кондакъ глаголется трижды, и паки Iкосъ 1-й, и Кондакъ 1-й).

Молитва.

О, святый отче Арсенiе! Съ верою и любовiю прибегаемъ къ твоему заступленiю, духовныя чада твои, ревнители славы Имени Господа Бога и Спаса нашего Iисуса Христа, члены «Союза Архангела Михаила исповедниковъ Имени Божiя», егоже ты основалъ еси на Афоне; веримъ и надеемся на твои, отче, дерзновенныя молитвы, яко обрелъ еси у Бога милость и молитвенное предстоянiе у Престола Царя Славы Бога Вседержителя, и молишися о техъ, кто хранитъ слово терпенiя и не отрекается отъ Имени Божiя; хотя мы, грешные, и недостойные, но мнимъ себя членами Союза исповедниковъ Имени Божiя въ честь Архангела Михаила, посему, дерзаемъ молиться тебе: молися, отче Арсенiе, да не оскудеетъ вера наша во Имя Божiе, дабы до кончины нашея устояти намъ въ Имяславiи и не быти изверженными изъ Книги жизни Агнца Божiя[6] и изъ «Союза Архангела Михаила» исповедников Имени Божiя, и не поколебатися намъ, ибо въ сiи апокалипсическiе времена предтечъ и слугъ антихристовыхъ вокругъ насъ многiя искушенiя и соблазны во зле лежащаго мiра; да не впадемъ въ сети лукавыхъ козней демонскихъ, да избавиши ны отъ коварства козней льщенiя дiавольскихъ, молитвами твоими ко Господу и ко Пречистей Деве Богородице; и еже быти намъ послушными заповедямъ Божiимъ, хранити память смертную, присно каятися о гресехъ нашихъ, молитися непрестанно, быти верными званiю христiанскому, присно ожидающе грядущаго съ небесе Господа нашего Iисуса Христа Судiю живыхъ и мертвыхъ, Его же Царствiю не будетъ конца; во еже сподобитися намъ грешнымъ въ Небесномъ Царствiи славити купно съ тобою и всеми Святыми пресвятое и достопоклоняемое Имя Отца, и Сына, и Святаго Духа во веки вековъ. Аминь.

Величанiе:

Ублажаемъ тя, / преподобне отче Арсенiе, / и чтемъ святую память твою, / наставниче мiрских и монаховъ / и собеседниче ангеловъ.

Тропарь, гласъ 4:

Ревнителя чистоты Православiя, восхваляемъ тя, / служителю верный на ниве Господня виноградника, / звезда пресветлая Церкви Христовой, отче Арсенiе, / любимый нашъ наставниче, / многими труды подвизался еси, / ограждая Церковь отъ ересей, сектанства и Фарраризма, / друже Iоанна Кронштадтскаго, / ревностный поборникъ Имяславiя на Афоне явился еси, / дерзновенно обличивъ имяборчество, / и тамо блаженно скончавыйся. / Моли милосердiе, о насъ, Божiе, / чтущихъ любовiю святую память твою.

Кондакъ, гласъ 8:

Чудо чудесъ совершишася на тебе, отче Арсенiе, / во славу превечнаго Имени Божiя, / егда возгореся во святей Горе Афонстей ересь имяборческая, / тогда воздвиже Господь на защиту Имени Своего, / тебе, могучего и славнаго миссiонера, / дабы и самый последокъ дней твоихъ посвятилъ еси, Отче, / на защиту истиннаго Православiя, его же сохранити и намъ, моли отче, Христа Бога.

Песнопенiя въ конце службы:

Утвержденiе на Тя надеющихся, / утверди Господи Церковь, / юже стяжалъ еси / честною Твоею кровiю (Трижды).

Утверди Боже,/ святую православную веру, православных христiан, /во векъ века.

Всю братiю нашу и вся православныя христiаны, / Господи помилуй, Господи помилуй, Господи помилуй, / Господи сохрани ихъ на многая лета.

Упованiе мое Отецъ, / прибежище мое Сынъ, / покровъ мой Духъ Святый: / Троице Святая, слава Тебе.

Богородице Дево, / упованiе христiаномъ, / покрый, соблюди, и спаси на Тя уповающихъ.

Не имамы иныя помощи, / не имамы иныя надежды, / разве Тебе Владычице, / Ты намъ помози, / на Тебе надеемся, / и Тобою хвалимся, / Твои бо есмы раби, да не постыдимся.

Все упованiе мое на Тя возлагаю, / Мати Божiя, / сохрани мя подъ кровомъ Твоимъ.

Владыко Христе Царю Многомилостиве, / прiими молитвы рабъ Твоихъ, / и избави насъ, отъ всякiя нужды и печали.

Владычице, прiими молитвы рабъ Твоихъ, / и избави насъ, / отъ всякiя скорби и болезни.

Господи помилуй, / Господи помилуй, / Господи помилуй. / Аминь.

Господи мой Господи, / Пастырь мой родной, / спаси меня отъ ада, / и будь всегдасо мной.

Слава Ему во веки!

Аминь.

Служба и Акафистъ

Преподобному и Богоносному Отцу

нашему Иларiону Кавказскому

(День его рожденiя 27 декабря 1848 г., день

кончины 1-го марта 1916 г)

Выпускъ 2-й

+

На велицей вечерни

Если безъ священника, благословляетъ старшiй: Молитвами святыхъ отецъ нашихъ, Господи Iисусе Христе Боже нашъ, помилуй насъ. Ликъ: Аминь. И поютъ:

1. Прiидите поклонимся Цареви нашему Богу.

2. Прiидите поклонимся и припадемъ Христу Цареви нашему Богу.

3. Прiидите поклонимся и припадемъ Самому Христу Цареви и Богу нашему.

4. Прiидите поклонимся и припадемъ Ему.

Благослови душе моя Господа… (псаломъ 103)

Ектенiя: (Господи помилуй 12 разъ, и: Аминь)

Блаженъ мужъ: первый антифонъ.

Ектенiя: (Господи помилуй, 3 раза, и: Аминь)

Господи воззвахъ къ Тебе, услыши мя… Гласъ 2:

Чтецъ читаетъ стихи: Положи Господи, храненiе устомъ моимъ… и прочiе до: Аще беззаконiя назриши Господи.. Отсюда после каждого стиха поемъ стихиры.