По 1-й кафизме

Чтецъ: Слава, и ныне: аллилуiа, аллилуiа, аллилуiа слава Тебе Боже, / аллилуiа, аллилуiа, аллилуiа слава Тебе Боже, / аллилуiа, аллилуiа, аллилуiа слава Тебе Боже, / Господи помилуй, Господи помилуй, Господи помилуй.

И седален:

Благъ Господь и милостивъ / любящимъ и славящимъ пресладкое Имя Его; / рече пророкомъ Господь: / благоговеющимъ Имени Моему, / взойдетъ Солнце правды и исцеленiе въ лучахъ его;[2] / Солнце же правды есть – Христосъ Богъ; / лучи же – суть ручьи благодати истекающiя, / на всехъ благоговейно чтущихъ и прославляющихъ Имя Его. / Молися треблаженне отче Иларiоне о насъ: / сподобитися вкупе со Ангелы и всеми Святыми / выну славити на Небеси Имя Господне.

Слава: Любимиче нашъ отче Иларiоне приснопамятный, / красота церковная и столпъ исповедничества, / усердный молитвенниче и целителю пресладостный,/ имяборныя ереси дерзновенный обличителю,/ лампада горящая непрестанною молитвою, / вознеси усердные молитвы твои ко Господу и Пресвятей Деве Богородице, / да помилуетъ Господь насъ окаянныхъ грешниковъ / и да сподобитъ славити на Небеси Пресладкое Имя Господне во вся веки.

И ныне… Богородиченъ:

Надеждо Христiан, Всесвятая Дево, / Егоже родила еси Бога, паче ума и слова, / непрестанно моли съ небесными силами / даровати отпущенiе согрешенiй всемъ намъ, / и исправленiе житiя нашего, / верою и любовiю славящимъ Имя Твое.

Ликъ: Господи помилуй, Господи помилуй, Господи помилуй, слава Отцу и Сыну и Святому Духу.

Чтецъ: И ныне… и чтетъ 2-ю кафизму (по уставу).

По 2-й кафизме:

Чтецъ: Слава, и ныне… Аллилуiа (трижды), Господи помилуй. Трижды. И чтетъ

Седаленъ:

Буди, Господи, милость Твоя на нас, / молитвами Иларiона любимаго отца нашего / со Ангелы и всеми Святыми / воспевающаго Трисвятое Имя Твое на Небеси, / чрезъ него же и мы научени славити Имя Твое на земли; / да сподобимся вечно славити и на небеси / преславное Имя Твое, Господи и пресладкое.

Слава:

Кто бы избавилъ ны отъ имяборнаго отступленiя, / аще не ты, отче Иларiоне, / твоими горячими ко Пресвятей Троице молитвами! / Сего ради хвалу и благодаренiе приносимъ ти, / усердный молитвенниче и заступниче нашъ предъ Господем, / яко ангелу земному и Небесному человеку, / отъ умиленныхъ нашихъ сердецъ: / прiими отъ всея души нашея приносимое тебе хваленiе, / плодъ устенъ нашихъ, прославляющихъ Имя Господне.[3]

И ныне… Богородиченъ:

О Пресвятая Дево Богородице, / Мати Господа Преблагословенная! / Вонми гласу моленiя насъ грешныхъ и недостойныхъ рабъ Твоихъ: / взыщи души наша во грехахъ погибающiя, / но отъ нашея любве къ Тебе вопiющихъ: / настави насъ заблуждающихся на спасительный путь покаянiя, / и еже славити и величати Имя Господне, / и Твое благодатное Имя Всепетая.

Полиелей: (Церковь прославляетъ Имя Господне)

Ликъ: Хвалите Имя Господне, хвалите раби Господа: аллилуiа, аллилуiа, аллилуiа.[4]

Благословенъ Господь отъ Сiона, живый во Iерусалиме. Аллилуiа, аллилуiа аллилуiа.

Исповедайтеся Господеви, яко благъ, яко в векъ милость Его. Аллилуiа, аллилуiа, аллилуiа.

Исповедайтеся Богу небесному, яко в векъ милость Его. Аллилуiа, аллилуiа, аллилуiа.

Величанiе:

Ублажаемъ тя, / преподобне отче Иларiоне, / и чтемъ святую память твою, / наставниче мiрскихъ и монаховъ / и собеседниче Ангеловъ.

Чтецъ: Воспойте Господеви,

Ликъ: пойте Имени Его.[5]

Ублажаемъ Тя:

Ины псалмы избранные: Свято / и страшно Имя Его.[6]

И хвально и прославленно / Имя Твое во веки[7]

Господи, посли благодать Твою въ помощь мне, / да прославлю Имя Твое Святое во вся веки![8]

Услышитъ Тя Господь въ день печали, / защититъ Тя Имя Бога Iаковля[9]

Повем Имя Твое братiи моей, / посреде церкви воспою Тя.[10]

Ублажаемъ тя:

Господи, Господь нашъ, / яко чудно Имя Твое по всей земли![11]

По Имени Твоему, Боже, тако и хвала Твоя / на концахъ земли.[12]

Да разумеютъ языцы, / яко Имя Тебе – Господь[13]

И да уповаютъ на Тя, / знающiе Имя Твое[14]

Восхвалю Имя Бога моего с песнiю, / возвеличу Его во хваленiи.[15]

Будетъ Имя Его благословенно во веки, / прежде солнца пребывает Имя Его.[16]

Ублажаемъ тя:

Людiе безумнiи / хулятъ Имя Твое.[17]

Нищ и убогъ / восхвалита Имя Твое.[18]

Азъ Господь Богъ, / сiе есть Имя Мое.[19]

Живу Азъ, / и присно живетъ Имя Мое.[20]

Господь Богъ Саваофъ / Имя Ему.[21]

Пойте Имени Его, / яко добро.[22]

Хвалите Имя Господне, / хвалите раби Господа![23]

Всякое дыханiе, / да хвалитъ Господа![24]

Слава и ныне: Аллилуiа, аллилуiа, аллилуiа слава Тебе Боже (дважды). 3-й разъ Аллилуiа поетъ ликъ протяжно, и паки:

Ублажаемъ тя:

Седаленъ, гласъ 8:

Рече безуменъ въ сердце своемъ: несть Богъ.[25] / Имяборцы же рекутъ «несть Бога во Имени Его, / Имя Божiе есть вымыселъ».[26]/ Тако ругахуся Имени Твоему, Господи, / дерзая Имя Твое поминати въ молитвахъ своихъ, / но суетны и безумны молитвы сихъ. / Аще возможно, изведи, Господи, ихъ отъ пагубнаго отступленiя, / ослеплени бо Денницею / первымъ восхулившим на небе Пресвятое Имя Твое; / аще возможно, взыщи, Господи, души имяборцев въ отступленiи погибающiя, / молитвами Пречистыя Твоея Матере / и дивнаго отца нашего Святаго Иларiона. / Аще же не взыщеши то и мiру близокъ конецъ, / якоже предрекъ сосудъ благодати Твоея, / пустынникъ Иларiонъ предъ своею кончиною.

Слава: и ныне… Богородиченъ, гласъ 6:

Светлейшая Мати Дево Всенепорочная, / честнейшая Херувимъ и славнейшая безъ сравненiя Серафимъ, / къ Тебе прибегаемъ и Тебе молимся, / недостойнiи раби Твои: / очисти сердца наша и умъ, / отгони мрачные и скаредные помыслы демонскiя, / да чистымъ умомъ и смиреннымъ сердцемъ / славимъ благодатное Имя Твое Всепетая.

Таже степенна, 1-й антифонъ 4-го гласа.

Отъ юности моея, / мнози борютъ мя страсти, / но Самъ мя заступи, / и спаси, Спасе мой.

Ненавидящiи Сiона / посрамитеся отъ Господа, / яко трава бо огнем / будете изсохше.

Слава Отцу и Сыну, / и Святому Духу. /

Святымъ Духомъ, / всяка душа живится, / и чистотою возвышается,/ светлеется Тройческим единством Священнотайне.

И ныне и присно, / и во веки вековъ, аминь.

Паки: Святымъ Духомъ…

Прокименъ, гласъ 7:

Чтецъ: Прокименъ, гласъ седьмый, Честна предъ Господемъ смерть преподобныхъ Его.

Ликъ: Честна предъ Господемъ смерть преподобныхъ Его.

Чтецъ: Стихъ: Хвалите Имя Господне, хвалите раби Господа.

Ликъ: Честна предъ Господемъ смерть преподобныхъ Его.

Чтецъ, Стих: Что воздам Господеви о всех, яже воздаде ми.

Ликъ: Честна предъ Господемъ смерть преподобныхъ Его.

Чтецъ: Честна предъ Господемъ

Ликъ: смерть преподобныхъ Его.

Чтецъ: Всякое дыханiе да хвалитъ Господа.[27]

Ликъ: Всякое дыханiе да хвалитъ Господа.

Чтецъ: Хвалите Господа съ небесъ, хвалите Его въ вышнихъ.

Ликъ: Всякое дыханiе да хвалитъ Господа.

Чтецъ: Всякое дыханiе,

Ликъ: да хвалитъ Господа.

Евангелiе отъ Матфеа. Зач. 43.

Чтецъ: Отъ Матфеа святаго Евангелiа чтенiе.

Ликъ: Слава Тебе Господи, слава Тебе.

Чтецъ: Рече Господь Своимъ ученикомъ: Вся Мне предана суть Отцемъ Моимъ: и никтоже знаетъ Сына, токмо Отецъ: ни Отца кто знаетъ, токмо Сынъ, и емуже аще волитъ Сынъ открыти. Прiидите ко Мне вси труждающiися и обремененнiи, и Азъ упокою вы. Возмите иго Мое на себе, и научитеся отъ Мене, яко кротокъ есмь и смиренъ сердцемъ: и обрящете покой душамъ вашимъ. Иго бо Мое благо и бремя Мое легко есть.

Лик: Слава Тебе Господи, слава Тебе.

Слава: Молитвами преподобнаго отца нашего Иларiона, / Милостиве очисти, / множества согрешенiй нашихъ.

И ныне: Молитвами Богородицы, / Милостиве очисти, / множества согрешенiй нашихъ.

Помилуй мя Боже, / по велицей милости Твоей, / и по множеству щедротъ Твоихъ / очисти беззаконiе мое.

По 50 псалме, Стихира, гласъ 6:

Како воспоемъ Иларiоне великiе твои подвиги, / немоществуетъ наша душа, / немоществуетъ же и умъ нашъ / еже по достоинству воздати тебе хваленiе, / чудесами отъ Бога прославленный, / постомъ и молитвою стяжавый небесная дарованiя, / ко истине наставляти заблудшiя, / во еже славити Имя Iисуса Сладчайшаго.

Канонъ Богородицы какой хощеши.

Канонъ Святаго.

Песнь 1.

Ирмосъ: Воду прошедъ, яко сушу, / и египетскаго зла избежавъ, / израильтянинъ вопiяше: / Избавителю и Богу нашему поимъ.

Iисусе Сладчайший, спаси нас!

Боже милостивъ буди намъ грешнымъ, дерзающимъ воспети Твоего вседержавнаго Имени великаго исповедника, пустынника Иларiона Кавказскаго. Вложи Духъ Твой во уста наша, да вспомоществуемые Твоею Благодатiю, возможемъ по силамъ нашимъ воздать молитвенное хваленiе и благодаренiе любимому отцу и наставнику нашему отцу Илариону.

Преподобне отче Иларiоне, моли Бога о насъ.

Имея благодать целити недужныя съ верою къ тебе притекающiя, ты отче, исцелялъ еси заочно молитвенно призывающихъ тя. Таковой высокой отъ Господа благодати на тебе сущей удивляемся и умильно взываемъ ти: Радуйся целителю безмездный, отъ Бога данный. Исцели, отче, твоими усердными молитвами и наши болезни, наипаче душевные, съ верою тебе молящихся.

Яко ангелъ во плоти, ты отче Иларiоне, Божiе Имя славилъ на земли; ныне на небеси со Ангелы и всеми Святыми славиши Имя Единосущныя Троицы и Пресладкое Имя Господа нашего Iисуса, въ радости и веселiи духовномъ восклицая Богу: Аллилуiа!

Богородиченъ: Истинная Мати небеснаго Царя и Бога всехъ, Владычице: Тобою весь родъ человечь обновися, и отъ древнiя клятвы свободися, темже и азъ недостойный молютися: свободи и мене непотребнаго раба Твоего отъ содержащаго мя греха.

Песнь 3.

Ирмосъ: Ты еси утвержденiе притекающихъ къ Тебе, Господи. / Ты еси Светъ омраченныхъ, / и поетъ Тя духъ мой.

Дивно воспелъ еси, отче, Иларiоне, Имя Сладчайшаго Iисуса на земли, яко же и Ангели на небеси, въ богодухновенной книзе твоей «На горах Кавказа» вдохновенiемъ Духа Святаго тобою написанной и освященной. Сего ради вострепеташа силы демонскiя и строиша тебе козни чрезъ людей века сего; но ты силою Благодати Божiя укрепляемый, мужественно противостоя безбожнымъ архiереямъ похулившимъ Имя Господне, поплевалъ зловерiе имяборческое, и, вооружився Именем Iисусовымъ заградилъ хульныя уста имяборцевъ. Славимъ твою непоколебимую ревность о славе Имени Божiя!

Яко беси въ образе человековъ нападоша на тя, преподобне Иларiоне, враги Имени Iисусова, клеветою и безчестiемъ, нетерпя прославленiя тобою Всесвятейшаго Имени Бога. Ты же, отче, вооружився Именемъ Iисусъ Христовымъ посмевался надъ кознями бесовскими, неверными имяборцами наносившими на тя, и яко адамантъ стоялъ еси за честь и Славу своего Владыки и Господа.

Гладъ, наготу и варъ пустынножительства, Христа ради, терпевый отче Иларiоне, душу твою обогатилъ еси благодатными дары; на конецъ же прiялъ еси отъ Господа венецъ исповедничества. Вознеси, отче, твою пламенную молитву къ Богу, за Его же Имя страдалъ еси, да не впадемъ во искушенiе, / но избавитъ насъ отъ лукаваго.

Богородиченъ: Марiе, златая кадильнице, страстей моихъ отжени смрадъ, и утверди мя колеблема прираженьми лукаваго ратоборца.

Седаленъ, гласъ 4:

Мракъ имяборчества разгнавый, свет православнаго имяславiя проповедавый, велiй исповедниче преподобне Иларiоне, усердный молитвенниче, славный подвижниче Кавказскiй, въ молитвенномъ подвиге странствовалъ еси, въ горныхъ пустыняхъ Кавказа, / и въ урочище Темных Буков скончалъ еси житiе твое; молися о насъ ко Господу, да спасетъ души наша.

Слава: гласъ 8:

Милостивый и щедрый Господи, буди милостив к прославляющимъ Имя Твое, - тако поучалъ еси молитися страдавый за Имя Господне и претерпевый гоненiе на конецъ житiя земнаго, венца же исповедническаго сподобивыйся, блаженне Иларiоне. Моли Христа Бога спастися душамъ нашимъ.

И ныне: Богородиченъ, гласъ тойже:

Буди ми Предстательница, и Стена нерушимая, от мiрских мя соблазновъ и искушенiй избавляющая, едина Богородительнице, / и Божественнымъ светолитiемъ освещающая.

Песнь 4.

Ирмос: Услышах, Господи, / смотренiя Твоего таинство / разумехъ дела Твоя / и прославихъ Твое Божество.

Дивимся мужеству и ревности твоей исповеднической, подобной ревности пророка Илiи, поразившаго сто жрецовъ Вааловыхъ, и ревности Максима и Феодора Студита, великихъ исповедниковъ Истины Христовой. Ты же, отче, Иларiоне, изобличенiемъ имяборчества архiереевъ, поразилъ въ нихъ сотни, тысящи и миллiоны новыхъ жрецовъ поклонниковъ Ваала. Слава неисповедимой Божественной ревности твоей!

Молитвеннымъ горенiемъ пылающаго въ урочище «Темные Буки», духовныя чада твоя, преподобне Иларiоне, на метръ отъ земли видеша тя въ пламени молящагося и возопиша: «отче вы же сгорите!» Ты же, улыбаяся, заповедалъ еси никомуже рещи виденное. Умиляемся высокимъ молитвеннымъ совершенствомъ твоимъ, и взываемъ ти: Радуйся, яко огнь молитвенно къ Богу горящiй; Радуйся, сподобивыйся высокаго молитвеннаго дара. Радуйся, стяжавшiй молитвенное дерзновенiе къ Богу, – непрестанно молися, отче, о спасенiи душъ нашихъ.

Несть дара истинной молитвы Iисусовой похулившимъ Пресвятейшее, Богонареченное въ Совете Пресвятыя Троицы Пребожественное Имя Iисусъ, – дерзновенно рекъ еси имяборцамъ, святый Иларiоне; не внимаетъ Богъ молитве вашей, зане оскорбили Величiе присно славимаго и покланяемаго на небеси и на земли Имени «паче всякаго имене»[28]; и всуе призываете Имя Божiе въ молитвахъ вашихъ.

Богородиченъ: Дево Всенепорочная, яже пресущнаго Бога рождшая, со безплотными Того непрестанно моли, оставленiе прегрешенiй, и исправленiе житiя дати намъ прежде конца, верою и любовiю поющимъ Тя по долгу, едина Всепетая.

Песнь 5.

Ирмосъ: Вскую мя отринулъ еси / отъ лица Твоего, Свете Незаходимый, / и покрыла мя есть чуждая тьма, окаяннаго? Но обрати мя и къ свету заповедей Твоиъх / пути моя направи, молюся.

Духовныя чада возымеша желанiе узрети место молитвеннаго подвига твоего, шествуя въ нощи по снежнымъ следамъ твоимъ, но зело удивишася, егда обратныхъ следовъ не обретоша, и ликовствуя о твоемъ, отче, Богомъ пренесенiи во ино место молитвы, и славословя святость твою воспевали: Радуйся, угодниче и предивный чудотворче Иларiоне; Радуйся, яко Господь ношаше тя въ воздусе на молитвенныхъ крылехъ твоихъ, идеже хотяше молитися. По кончине же, вознесенный Богомъ въ обители Райскiя, молися, отче Иларiоне, о насъ грешныхъ и недостойныхъ чадахъ твоихъ.

Чудный Света Божественнаго лучъ возсiялъ еси мiрови въ Имяславiи, люди же века сего слепотою имяборчества омраченныя, не познаша, ниже уразумеша Господа во Имени Его и во тьме заблужденiя ходятъ; Господи, блесни Светъ Твой въ сердца омраченныя, и просвети тьму имяборчества, да познаютъ, хулители Имени Твоего, яко Имя Тебе – Господь, и Ты единъ, Вышнiй, по всей земли, и Имя Твое окружаетъ всю землю и пустыню,[29] и просвещаетъ всякаго человека, въ мiръ грядущаго.

Воспойте Господеви песнь нову, пойте же Имени Его, возсiявшему боголепно изъ чрева Неискусобрачныя[30]. Посему мы не заблуждаемся восклицая: Благословенъ грядый, во Имя Господне. Мы знаемъ Имя, фарисеи! Это Имя освободило насъ отъ Египта, дало возможность прейти Чермное море и жить въ пустыне, и поселило насъ на земле текущей медомъ и млекомъ,[31] и научило пророка взывать: да познаютъ, яко Имя Тебе – Господь, Ты Единъ Вышнiй по всей земли![32] Тако и ты, отче, Иларiоне, позналъ Величiе Имени Бога Iисуса и воздалъ Ему честь и поклоненiе со Отцемъ и Святымъ Духомъ.

Приближенiе Дня Суднаго предвещалъ еси ангелоподобный Кавказскiй пустынникъ, исповедникъ и защитникъ Славы Имени Божiя, вдохновляемый и просвещаемый Духомъ Божiимъ прозорливый старецъ Иларiонъ велiй молитвенникъ. Его же святая душа по кончине вознесена быша въ ликъ Имяславцевъ небесныхъ: Архангеловъ и Ангеловъ, Херувимовъ и Серафимовъ, и Святыхъ в Церкви Христовой просiявшихъ, славящихъ на небе Имя Господне.

Богородиченъ: Препетая Дево Богородительнице, поющыя Тя спасай на Тя уповающiя, отъ всякаго обстоянiя и бедъ и скорбей.