На литiи стихиры, гласъ 6:

Егда иноцы въ скорби плача удалишася отъ тебе, отче Антонiе, / ты же ревнуя не по разуму, / написа обличенiе Иларiону Кавказскому, / учащему яко «Имя Божiе есть Самъ Богъ»,/ намеревашеся воутрiе и отправити его. / Ставъ же на молитву, сердце чуждо бысть молитвеннаго воспрiятiя./ И возрыдалъ еси горькимъ плачемъ, / яко остави тя благодать Божiя, / и искаше причины беды сiя. / Чудо же сотвори съ Тобою Господь. / Молися отче о насъ грешныхъ, / да и мы спасены будемъ чудомъ Божiимъ.

Вельми обливаяся слезами, / взялъ еси книгу Iоанна Кронштадтскаго, / юже он вручилъ, сказавъ тебе: / это будетъ тебе въ руководство! / взоръ твой паде на слова Чудотворца Великаго:/ «Имя Божiе есть Самъ Богъ»! / И слезы раскаянiя градомъ потекоша из очей твоихъ, / за неправедное твое обличенiе Иларiона. / Тако спасенъ книгою Пастыря Добраго, / и покаялся еси Богу за свое неведенiе, / и осени тя свыше благодать Божiя, / и возрасте даръ молитвенный. / Молися, о насъ, отче Антонiе, / да избавитъ Господь и насъ грешныхъ, / коварныхъ сетей вражiихъ.

Чудомъ Бога призванъ еси / славити Пресвятое Имя Его, / всего себя посвятилъ еси / на уясненiе величiя и Божества Именъ Божiихъ; / и утвердися вера твоя в Божественное Ихъ достоинство, / отъ Священнаго Писанiя и Святыхъ Отецъ, / и отъ молитвеннаго опыта, / и сталъ еси на стезю Имяславiя, / еже есть душа Православiя. / Укрепи и насъ, отче Антонiе, / твердо стояти за честь и Славу Имени Господа, / даже до кончины нашея.

Слава: гласъ 8:

Радостно прiялъ еси отъ Господа призванiе къ Имяславiю, / яко непреложному Православiю, / вразумлен книгою Iоанна Кронштадтскаго, / вперилъ умъ во Святыя Писанiя, / изучая Святыхъ Отецъ творенiя, / и Богомъ наставленъ къ истинному богословiю / величiя и Божества Имени Божiя, / крепкiй защитниче веры во Имя Iисуса Христа. / Сего ради молимъ тя, отче, Антонiе, / молися за ны ко Господу, / и намъ твердыми быти исповедниками / Божества Имени Божiя.

И ныне: Богородиченъ, гласъ 8:

Безневестная Мати возлюбленнаго Сына Твоего, / Христа Бога нашего, / Пречистая, Богородице, Приснодева, / молися усердно ко Господу, / подати греховъ моихъ лютыхъ оставленiе, / надежду спасенiя и помилованiя / въ Страшный День Судный.

На стиховне стихиры, гласъ 6:

Страшно и ужаса достойно есть, / како архiерей избиваше иноковъ Афонскихъ / воинами царской армiи, / смертельныя раны нанося, / и смерти предаваша невинныхъ; / кровiю мученикъ обитель Пантелеимонову обагриша; / и сiя вся за Имя Господа Iисуса содеяша. / Пострадавшiи за чистоту Православiя,/ святiи мученицы Афонстiи, / со святымъ Антонiемъ, молитеся о насъ грешныхъ, / молитвенно вашу.память совершающихъ.

Хвалите Имя Господне, / хвалите раби Господа.

Гордiи и нечестивiи архiереи, / воспротивишася ученiю Церкве Православныя, / о Славе и Божестве Имени Божiя,/ оболгаша Сладчайшее Имя «Iисусъ», / аки тварное имя человеческое. / Ты же отче Антонiе / Словом Божiимъ и ученiемъ Святыхъ отецъ, / доказалъ еси вечную природу Имени «Iисусъ». / Сего ради вписанъ въ книгу жизни вечныя, / и прославляеши Имя Святыя Троицы / со Ангелы и всеми Святыми; / не забуди и насъ духовныхъ чадъ твоихъ, / съ верою и любовiю совершающихъ память твою.

От востокъ солнца до западъ, / хвально Имя Господне.

Сохранилъ еси слово терпенiя, / не отреклся еси Имени Iисусъ Христова, / исповедалъ Его предъ родомъ прелюбодейнымъ, / и предъ архiереями имяборцами; / сего ради и Христосъ пред Отцем Своимъ Небеснымъ, / исповедалъ тя и облекъ въ одежды белыя,[1] / в благодать Духа Святаго, / и радуешися ныне на Небеси, / со Ангелы и всеми Святыми / прославляя Имя Господне. / Не забуди и насъ грешныхъ отче Антонiе, / и молися усердно о насъ ко Господу, / да сохранитъ и насъ въ правоверiи и спасетъ души наша.

Слава: гласъ 4:

Не давалъ еси покоя телу, / ни сна очима твоима, отче, / в трудехь въ молитве и писанiи, / обличая погибельныя имяборныя ереси. / Сего ради, возвыси тя Господь, / и вознесе имя твое на Небеса, / наслаждатися красотами Райскими, / идеже ликуеши со Ангелы и всеми Святыми, / досточудное воспевая Имя Пресвятыя Троицы. / Но и насъ не забуди отче Антонiе, / и молися о любящихъ Тя, / и празднующихъ светлую память твою.

И ныне: Богородиченъ, гласъ 8:

Мiра Заступнице, Мати Всепетая / я предъ Тобою съ мольбой: / бедного грешника мракомъ одетаго, / Ты благодатью прикрой; / если постигнутъ меня испытанiя, / Ты, мне, молю: помоги; / въ трудный часъ жизни, въ минуты страданiя, / Ты мя, молю: посети; / радость духовную, жажду спасенiя / въ сердце моемъ положи; / въ Царство Небесное, въ миръ утешенiя / путь мне прямой укажи!

Таже, Ныне отпущаеши… Трисвятое по Отче нашъ.

На благословенiи хлебовъ:

Тропарь, гласъ 4:

Ревностный обличителю имяборнаго отступленiя / отъ Божества Имени Божiя / и отъ истиннаго Православiя; / провозвестниче царю земному кары Царя Небеснаго / за грехъ Синода, похулившаго Имя Господне, / дивный пророче и усердный молитвенниче, / подобный Илiи ревнителю Славы Имени Божiя, / из земнаго воина преобразивыйся в воина Царя Небеснаго, / преславный отче Антонiе, / молися усердно о насъ ко Господу, / любовiю почитающихъ святую память твою.

Слава, и ныне… Богородиченъ, гласъ 6:

Пречистая Дево, плотiю Бога рождшая / вземлющаго мiра всего прегрешенiя, / отъ лютыхъ враговъ души моея, / Пресвятая Богородице, избави мя, / чистотою Твоею очисти сердце мое / отъ греховныхъ помышленiй и освяти мой умъ, / Мати Всенепорочная, / Ты бо велiе дерзновенiе имаши къ Сыну Твоему,/ Его же умоли прощенiе подати лютыхъ прегрешений моихъ, / и въ День Страшнаго Суда заступися за мя, Владычице, / къ пречистому Покрову Твоему прибегающаго, / непостыдную надежду на Тя имущаго.

На утрени.

На Богъ Господь… Тропарь дважды. (см. выше)

Слава, и ныне… Богородиченъ, гласъ 8:

Преблагословенная Мати Христа Бога нашего, / Пречистая Дево Марiе, Невесто Неневестная, / Покровительнице имяславцевъ во Святей Горе Афонстей / въ дни брани за Имя Сына Твоего и Бога нашего Iисуса, Христа, / Его же моли, Пресвятая Владычице, / сохранити насъ въ тяжкiя и лютыя дни сiя отъ бедъ, скорбей, и напастей, / осеняй насъ Покровомъ Твоея благости всемилостивымъ, / на всехъ путяхъ жизни нашея, / любящихъ Тя, Царицу спасенiя нашего Присноблаженную.

Ликъ поетъ: Господи помилуй, Господи помилуй, Господи помилуй, слава Отцу и Сыну и Святому Духу.

Чтецъ: И ныне и присно и во веки вековъ, аминь.

И стихословимъ кафизмы, (По уставу).

По 1-м стихословiи. Гласъ 8:

Мiръ возненавидел еси, Христа Iисуса возлюбивый, / о жизни вечныя зело ревновавый, / истинное богословiе отъ Бога прiялъ еси, / богословец благодатный явился еси, / всего себя во славу Имени Божiя посвятилъ еси, / преславный нашъ отче Антонiе, / молися у престола Бога во Святей Троице славимаго, / Егоже Имя на земли исповедалъ и прославил еси, / веруемъ, яко услышитъ Господь твоя моленiя о насъ, славящихъ Имя Его, / и твоими святыми молитвами помилуетъ и спасетъ насъ, / яко Благъ и Человеколюбецъ.

Слава и ныне: Богородиченъ, гласъ 6:

Въ тину греховную впадша мя, / изведи, Богородице, из рова страстей моихъ, / Мати Дево Чистая, / на Тя бо возлагаю все упованiе мое, / яко услышиши грешнаго моленiя,/ и спасеши мя, и избавиши осужденiя вечнаго и огня геенскаго, / всесильными Богоматерними молитвами Твоими, / въ Страшный День Судный

Чтецъ: И ныне: и следующую кафизму.

По 2-м стихословiи, гласъ 6:

Ветiи имяборныя, архiереи синодальные: / Никонъ, Антонiй и Сергiй, богохульницы, / и Сергiй Троицкiй лжебогословъ, / променяша Славу Имени Бога и Церковь Святую, / на лютерскую философiю Макса Мюллера, / врага Православiя. / Ты же, отче Антонiе, богомудрый исповедниче, / яко прахъ разметалъ еси лжеученiе ихъ, / утвердил бо еси веру во Имя Божiе / на ученiи Господа, Пророковъ, Апостоловъ и Святыхъ Божiихъ, / и яко паутину изорвалъ еси хитросплетенныя и лжесловесiя плетения ихъ. / Молися, святче, право веровати намъ / во Имя Господа и Спаса душъ нашихъ.

Слава: и ныне: гласъ 6:

Благословенная Владычице Богородице Дево, / услыши мя недостойнаго раба Твоего вопiюща Ти: / изведи изъ глубины греховныя душу мою, / настави на пажить добродетельныя жизни; / Ты бо Благая и Всемилостивая Спасительнице, / всехъ во смиренiи и с любовию къ Тебе прибегающихъ / въ скорби и въ благоденствiи, / Архангельскiй глас приносящих Ти: / радуйся Невесто Неневестная, / всехъ скорбящихъ и обидимыхъ Заступнице.

Полiелей: (Прославленiе Бога во Имени Его[2])

Ликъ поетъ: Хвалите Имя Господне, хвалите раби Господа: Аллилуiа, аллилуiа, аллилуiа.[3]

Благословенъ Господь отъ Сiона, живый во Iерусалиме. Аллилуiа, аллилуiа аллилуiа.

Исповедайтеся Господеви, яко благъ, яко въ векъ милость Его. Аллилуiа, аллилуiа, аллилуiа.

Исповедайтеся Богу небесному, яко въ векъ милость Его. Аллилуiа, аллилуiа, аллилуiа.

Седаленъ, гласъ 6:

Богъ во Имени Своемъ пребываетъ, / речетъ Священное Писанiе: / Исповедайтеся Господеви, / и призывайте Его во Имени Его, / пойте Ему и воспойте Ему: / поведите вся чудеса Его, / яже сотвори Господь, / Хвалите Имя Святое Его.[4] От сего исповеданiя не отступилъ еси, отче Антониiе, молися спастися душамъ нашимъ.

Слава и ныне: Богородиченъ, гласъ 2:

Яко Божiя Мати дерзновенiе имущи / къ рождшемуся изъ Тебе Единородному Слову,/ и Отцу собезначальному, и соестественному Духу,/ Его же моли избавитися намъ / всемiрнаго имяборнаго отступленiя,/ и спасти отъ бедъ и тяжкихъ скорбей, Всенепорочная,/ Тя Богородицу славящихъ.

Величанiе:

Величаемъ Тя, / священномучениче отче Антонiе, / и чтемъ болезни и труды твоя, / ими же трудился еси, / въ прославленiи Имени Божiя.

Чтецъ: Псаломъ избранный: Воспойте Господеви / пойте Имени Его.[5]

Величаемъ:

Ины псалмы избранные: Свято и страшно / Имя Его.[6]

И хвально и прославленно / Имя Твое во веки[7]

Господи, посли благодать Твою въ помощь мне, / да прославлю Имя Твое Святое![8]

Услышитъ Тя Господь въ день печали, / защититъ Тя Имя Бога Iаковля[9]

Повем Имя Твое братiи моей, / посреде церкви воспою Тя.[10]

Господи, Господь нашъ, / яко чудно Имя Твое по всей земли![11]

Величаемъ:

По Имени Твоему, Боже, тако и хвала Твоя / на концах земли.[12]

Да разумеютъ языцы, / яко Имя Тебе – Господь[13]

И да уповаютъ на Тя, / знающiе Имя Твое[14]

Восхвалю Имя Бога моего с песнiю, / возвеличу Его во хваленiи.[15]

Будетъ Имя Его благословенно во веки, / прежде солнца пребывает Имя Его.[16]

Величаемъ:

Людiе безумнiи / хулятъ Имя Твое.[17]

Нищъ и убогъ / восхвалита Имя Твое.[18]

Азъ Господь Богъ, / сiе есть Имя Мое.[19]

Живу Азъ, / и присно живетъ Имя Мое.[20]

Господь Богъ Саваофъ / Имя Ему.[21]

Пойте Имени Его, / яко добро.[22]

Хвалите Имя Господне, / хвалите раби Господа![23]

Всякое дыханiе, / да хвалитъ Господа![24]

Слава и ныне: Аллилуiа, аллилуiа, аллилуiа слава Тебе Боже (дважды) 3-й разъ Аллилуiа поется протяжно, и: паки Величанiе.

(Величанiе поется сколько хочется разъ)

Седаленъ, гласъ 8:

Не возмогоша одолети православное богословiе твое, отче, Антонiе, / о Имени Всемогущаго Бога, / на камени бо Слова Божiя утвержденное, / пустиша на тя мутныя воды реку клеветы. / Не ослабе бо сила духа твоея ревности / о Славе Имени Творца Вселенныя, / Егоже имея яко щитъ крепкiй, / оружiе непобедимое на враги и супостаты, / победилъ еси лжесловесiе имяборческое, / Буди Имя Господне благословенно отъ ныне и до века, взывал еси. / Темъ же оружiем облещися и намъ, молися усердно / ко Пресвятей Троице, отче Антонiе.

Слава и ныне: Богородиченъ, гласъ 6:

Избавительнице крепкая на Тя надеющихся, / к тихому пристанищу Божественнаго хотенiя / наставiя мя, Богородице, Матернимъ Твоимъ дерзновенiемъ, / еже имаши къ Сыну Твоему Богоневесто.

Таже степенна, 1-й Антифонъ 4-го гласа.

Отъ юности моея / мнози борютъ мя страсти, / но Самъ мя заступи, / и спаси Спасе мой.

Ненавидящiи Сiона, посрамитеся отъ Господа, яко трава бо огнемъ будете изсохше.

Слава Отцу и Сыну, / и Святому Духу.

Святым Духомъ / всяка душа живится, / и чистотою возвышается,/ светлеется Тройческим единством Священнотайне.

И ныне и присно, / и во веки вековъ, аминь.

И паки: Святымъ Духомъ…

Чтецъ: Прокименъ, гласъ 4:

Воскликните Господеви вся земля: Пойте Имени Его.[25]

Ликъ: Воскликните Господеви вся земля: Пойте Имени Его

Чтецъ: Воскликните Господеви вся земля:

Ликъ: Пойте Имени Его.

Чтецъ: Всякое дыханiе да хвалитъ Господа.[26]

Ликъ: Всякое дыханiе да хвалитъ Господа.

Чтецъ: Всякое дыханiе.

Ликъ: да хвалитъ Господа.

Евангелiе отъ Луки, зач. 106 (гл. 21, 12-19):

Чтецъ: Отъ Луки Святаго Евангелiя чтенiе.

Ликъ: Слава Тебе, Господи, слава Тебе.

Рече Господь Своимъ ученикомъ: внемлите отъ человекъ. Возложатъ на вы руки своя, и ижденутъ, предающе на сонмища и темницы, ведомы къ царемъ и владыкамъ, Имене Моего ради. Прилучится же то, во свидетельство. Положите убо на сердцахъ вашихъ, не прежде поучатися отвещавати: Азъ бо дамъ вамъ уста и премудрость, ей же не возмогутъ противитися, или отвещати вси противляющiися вамъ. Предани же будете и родители и братiею, и родомъ, и други; и умертвятъ отъ васъ. И будете ненавидими отъ всехъ Имене Моего ради, и власъ главы вашея не погибнетъ. Въ терпенiи вашемъ стяжите души ваша.

Ликъ: Слава Тебе, Господи, слава Тебе.

Слава: Молитвами священномученика Антонiя, / Милостиве очисти, / множество согрешенiй нашихъ.

И ныне: Молитвами Богородицы, / Милостиве очисти, / множество согрешенiй нашихъ.

Помилуй мя Боже, / по велицей милости Твоей, / и по множеству щедротъ Твоихъ, / очисти беззаконiе мое.[27]

По 50 псалме, Стихира, гласъ 6:

Не возмогоша архiереи синодальныя одолети / веру во Имя Божiе иноков Афонскихъ, / тогда оклеветаша ихъ предъ Царемъ и владыками, / яко суть бунтари и враги Отечества, / испросиша у Царя военную силу, / избиваше оружiемъ и дрекольми молящихся исповедниковъ, / убивая ихъ даже до смерти, / святыя иконы, кресты и образы царскiя / разбиваша и топташа ногами, яко же иконоборцы. / Ты же, отче, не убоялся козней синодаловъ, / трудился еси неустанно надъ книгами / въ защиту правыя веры во Имя Божiе. / Хвалимъ твою и пострадавшихъ иноковъ ревность / о славе Имени Господа, / и молимъ васъ: / молитеся о насъ ко Господу, спастися душам нашим.

Канонъ Богородицы, какой хощеши.

Канонъ Святому:

Песнь 1. Ирмосъ, гласъ 8:

Воду прошедъ, яко сушу, / и египетскаго зла избежавъ, / израильтянинъ вопiяше: / Избавителю и Богу нашему поимъ.[28]

Iисусе Сладчайшiй, помилуй насъ грешныхъ.

Господи, Боже мой, излей благодать Твою во уста моя и помоги скудоумiю моему достойно восхвалити Твоего угодника, славнаго исповедника, непреоборимаго защитника чести и Славы Твоего Пребожественнаго Имени.

• отче Антонiй, моли Бога о нас, грешных.

Искушенiе посланное Богомъ вселенней, испытати[29] живущихъ на земле на веру и любовь къ Сладчайшему Имени Iисусъ, знаменующему и являющему Искупленiе,[30] ты, отче Антонiе, съ честiю выдержалъ, доказавъ свою веру и любовь къ Имени Божiю, и гонимый Его ради, взывалъ еси: пойте людiе и превозносите Имя Iисуса Христа во веки![31]

И будете ненавидимы Имене Моего ради,[32] рекъ Сладчайшiй нашъ Искупитель Iисусъ. На тебе отче, Антонiе исполнися слово Господне, за Егоже Имя возненавиденъ и гонимъ былъ еси ожидовелыми архiереями[33] даже до кончины своея, но непрестанно взывалъ: пойте и превозносите Имя Господа во веки!

Клеветы и безчестiе, насмешки и презренiе словно врага самодержавiя царскаго, претерпелъ еси Имени Iисусова ради,[34] от синодальныхъ архiереевъ, отступниковъ от истиннаго Православiя; но яко крепкiй адамантъ, дерзновенно, взывалъ еси: о, людiе, не хулите Имя Господне, но хвалите и превозносите Его во веки!

Богородиченъ: Яко необоримую стену и источникъ чудесъ стяжавше Тя раби Твои, Богородице Пречистая; сопротивныхъ ополченiя низлагаемъ, темже молимъ Тя: миръ жилищамъ нашимъ и душамъ нашимъ даруй, и велiю милость.[35]