Слава Ему во веки!

Аминь.

АКАФИСТЪ

СВЯЩЕННОМУЧЕНИКУ АНТОНIЮ,

исповеднику Афонскому и Российскому.

Выпуск 2

Кондакъ 1.

Избранный Богомъ подвижниче отче Антонiе, / быти защитникомъ правыя веры во Имя Господа Бога нашего,[1] / отвергнутыя и похуленныя архiереями синодальными; / Возлюбивъ бо Имя Господа паче мiра сего, / сподобился еси венца исповедническаго; / мы же съ любовiю восхваляемъ тя: / Радуйся, Антонiе, новый исповедниче и молитвенниче о душахъ нашихъ.

I к о с ъ 1.

Ангеловъ Творче и Господи силъ, отверзи ми недоуменный умъ и языкъ на похвалу приснопамятнаго защитника чести, и славы, и Божества Твоего пречистаго Имене, достоблаженнаго исповедника Антонiя, емуже приносимъ похвалы сiя:

Радуйся, отче Антонiе, светильниче Церкве Христовой;

Радуйся, ревностный защитниче славы и Божества Пресвятаго Имени Творца вселенныя;

Радуйся, верный служитель Господу Богу;

Радуйся, воинъ земнаго царя преобразивыйся въ воина Царя Небеснаго;

Радуйся, возлюбивый Славу Божiю, паче земныя славы и почестей земных;

Радуйся, оставивый тленный мiръ сей, и устремивыйся въ Горнее Царствiе;

Радуйся, присноблаженный любителю Имени Iисусова;

Радуйся, во святую гору Афонскую ради единаго напотребу вселивыйся;

Радуйся, отцевъ Афонских славная красото;

Радуйся, небесныхъ Архангеловъ и Ангеловъ сожителю;

Радуйся, Антонiе, новый исповедниче и молитвенниче о душахъ нашихъ.

Кондакъ 2.

Видя суету мiра сего ничтоже спасительнаго душе приносящую, посвятилъ себя житiю иноческому спасенiя ради души своея, и всемъ сердцемъ возлюбивъ Господа Бога совершалъ еси ночныя подвиги молитвенныя, молясь о себе, о мiре и Царе нашемъ Православномъ, и вопiял еси Богу: аллилуiа.

I к о с ъ 2.

Разумъ свой посвятилъ еси на служенiе Богу, каждодневно литургисал еси, любителю молитвеннаго безмолвiя и сладостной молитвы Iисусовой. Сего ради прiими, отче Антонiе, отъ насъ недостойныхъ песненныя похвалы сiя:

Радуйся, неустанный подвижниче молитвы Iисусовой;

Радуйся, никогоже осудивый и за всех моливыйся;

Радуйся, непоколебимый столпъ веры и благочестiя;

Радуйся, правило кротости и смиренiя;

Радуйся, учителю неосужденiя и братолюбiя;

Радуйся, хранителю чистоты веры Православныя;

Радуйся, избранный сосуде благодати Божiей;

Радуйся, ластовица Россiйская, объюхавшая Божественныя Писанiя;

Радуйся, усердный любителю Имени Iисусова;

Радуйся, смиренномудро изучившiй Святыя Писанiя;

Радуйся, Богопросвещенный хранителю веры во Имя Божiе;

Радуйся, познавый Бога сердцемъ своимъ во Имени Его;

Радуйся, Антонiе, новый исповедниче и молитвенниче о душахъ нашихъ.

Кондакъ 3

Силою благодати Божiя осененный разумети Писанiя, егда возгореся на Афоне ересь имяборная, призванъ Богомъ на исповедничество, защитникомъ быти величiя и Божественнаго достоинства Имени Божiя, Егоже возлюбивъ, присно воспевалъ: Аллилуiа

I к о с ъ 3

Имея богатство милосердiя и горя ревностiю о славе Имени Господа Iисуса, посвятилъ еси силы твои на изобличенiе имяборнаго отступленiя отъ от Бога. Уразумевъ, отче, любовь твою к Имени, еже паче всякаго имене, радостно восклицаемъ ти:

Радуйся, водрузивый въ сердце своем Бога, во Имени Его;

Радуйся, святый ревнителю Славы Имени Божiя;

Радуйся, нетерпевый хулы и безчестiя Имени Iисусова;

Радуйся, паче злата и топазiя возлюбивый Имя Господне;

Радуйся, всего себя посвятивый на прославленiе Имени Бога;

Радуйся, многими писаньми изобличивый имяборчество;

Радуйся, пламенной ревностiю изобличивый ересь хулы на Имя Господне;

Радуйся, чистая свеща, горящая пламенем веры Христовой.

Радуйся, Антонiе, новый исповедниче и молитвенниче о душахъ нашихъ .

Кондакъ 4

Буря нашествiя ереси имяборныя на святую гору Афонскую смутила тя, егда ересiархи восхулиша Державное Имя Бога. Нетерпя хулы сея, укрепляемый Божiей благодатiю, ты отче, Антонiе, возгорелся еси Архангеловой ревностiю и заградилъ хульныя уста имяборцевъ, поя Богу: Аллилуiа.

I к о с ъ 4

Слыша хулу имяборцевъ на Имя Господне, ты, отче, воеже молчанiемъ не предати Бога, презревъ страхъ начальниковъ Афонскихъ обителей, выступилъ защитникомъ Славы Имени Господня. Сего ради, прiими, отче отъ насъ недостойныхъ похвалы сiя:

Радуйся, крепчайшiй исповедникъ Славы и Божества Имени Божiя;

Радуйся, яко убоялся еси страха Божiя, паче страха человеческаго.

Радуйся, жизнь вечную не променявый на блага житейскiя;

Радуйся, крепкая оградо веры Христовой отъ имяборчества;

Радуйся, неугасаемый светильникъ веры Христовой;

Радуйся, энергiю Существа Бога въ Имени Его проповедавый;

Радуйся, Бога во Имени Его сердечными очами узревый;

Радуйся, въ Имени Господнемъ постигъ Его Божество;

Радуйся, мудрый учителю правоверiя;

Радуйся божественный органъ Духа Святаго;

Радуйся, звездо неугасаемая озаряющая путь къ правоверiю;

Радуйся, добрый наставникъ на путь исповедничества;

Радуйся, Антонiе, новый исповедниче и молитвенниче о душахъ нашихъ.

Кондакъ 5

Боготечною звездою, указующей малому остатку правоверныхъ христiанъ на последокъ временъ, посла тебя Богъ, отче Антонiе, сего ради благодарственную песнь поемъ Богу: Аллилуiа.

I к о с ъ 5

Видевше иноцы Афонстiи ревность твою, отче Антонiе, о славе хулимаго имяборцами Имени Божiя, последоваша за тобою въ ряды исповедниковъ прославляющихъ Имя Господне; сiе радостно воспоминая, взываемъ ти:

Радуйся, предводителю ополченiя иноковъ Афонскихъ въ борьбе за правое почитанiе Имени Божiя;

Радуйся, незаблудный наставниче братiи Афонской, веры во Имя Господа Iисуса;

Радуйся, мудрый обличителю имяборческаго нечестiя;

Радуйся. ревностный искоренителю имяборной хулы на Имя Господне;

Радуйся, охранителю православнаго благочестiя;

Радуйся, скала несокрушимая правоверiя;

Радуйся, смиренный инокъ и дерзновенный исповедникъ;

Радуйся, определивый судьбу Афонскихъ исповедниковъ;

Радуйся, изгнанникъ Афонскiй съ братiей имяславцами, за Имя Господне;

Радуйся, поборниче веры Православной;

Радуйся, образъ исповедничества всемъ показавый;

Радуйся, боятися Бога а не людей, насъ научивый;

Радуйся, Антонiе, новый исповедниче и молитвенниче о душахъ нашихъ.

Кондакъ 6

Проповедникъ истиннаго Православiя явился еси на Афоне и въ Россiи волею Господа Iисуса, за Егоже Имя изгнанiе и многiя скорби претерпевый, и за сiя вся Господу Богу воспевалъ: Аллилуiа.

I к о с ъ 6

Возсiя вселенней на кончине вековъ светильникъ православныя веры, благочестiя и исповедничества, отче Антонiе был еси, яко проповедалъ еси мiру величiе, славу и Божество Имени Пресвятыя Троицы. Сего ради, приносимъ ти, отче, радостныя похвалы сiя:

Радуйся, светильникъ веры Христовой Богомъ данный;

Радуйся, путь ведущiй въ Царствiе Небесное намъ указавый;

Радуйся, исповедниче Небеснаго Ангельскаго Имяславiя;

Радуйся, ликъ земный славословiя Имени Божiя составивый;

Радуйся, непокоривыйся имяборному ученiю Синода;

Радуйся, обнаруживый многiя ереси въ имяборчестве;

Радуйся, ревностный защитниче Православнаго ученiя;

Радуйся, изобличителю имяборнаго отступленiя;

Радуйся, смиренный изъяснитель Божественныхъ Писанiй объ Имени Божiемъ;

Радуйся, сопричастниче Ангельскаго Имяславiя;

Радуйся, Антонiе, новый исповедниче и молитвенниче о душахъ нашихъ.

Кондакъ 7

Хотя напоследокъ временъ тайну спасенiя открыти малому остатку рабомъ Своимъ вернымъ христiанамъ, Милосердный Господь явилъ намъ великаго исповедника и служителя Своего, отца нашего Антонiя, открывшаго «тайну благочестiя въ исповеданiи и прославленiи Именъ Пресвятыя Троицы».[2] Сего ради воспеваемъ Богу благодарственную песнь: Аллилуiа.

I к о с ъ 7

Дивную показа Господь милость Свою, пославъ избранника поведати намъ «тайну беззаконiя» въ похуленiи Именъ Божiихъ, ея же избегнути помози намъ Сладчайшiй Iисусе, молитвами угодника Твоего святаго Антонiя, ему же отъ любве нашея взываемъ:

Радуйся, велiй служителю Промысла Божiя;

Радуйся, оберегающiй насъ писаньми твоими отъ «тайны беззаконiя»;

Радуйся, не оставляющiй нас въ молитвахъ по твоемъ отшествiи въ мiръ горнiй;

Радуйся, не покинувый насъ блуждати на пути погибельномъ;

Радуйся, сказателю намъ воли Божiей въ Имяславiи;

Радуйся, ограда наша и защитниче отъ ереси имяборныя;

Радуйся, просветителю омраченнаго ума нашего, Словомъ Божiимъ;

Радуйся, широта истиннаго богословiя Имени Божiя;

Радуйся, класъ прозябшiй веры благочестивыя;

Радуйся, всему мiру радость и удивленiе;

Радуйся, Антонiе, новый исповедниче и молитвенниче о душахъ нашихъ.

Кондакъ 8

Странно видети намъ грешнымъ, како воинъ царя земнаго, сталъ еси воиномъ Царя Небеснаго. Обаче, разумея волю и промыслъ Божiй на сiе Славы ради Имени Своего Пресвятаго, и ради малаго остатка верныхъ христiанъ, благодарственную песнь воспеваемъ Богу: Аллилуiа.

I к о с ъ 8

Весь предался еси молитве и защите от похуленiя имяборцами Имени Господня, защитниче Веры Православныя, Антонiе блаженне, ныне же торжествуеши со Ангелы и всеми Святыми на небеси. Сего ради приносимъ ти сiя хваленiя:

Радуйся, непреоборимый исповедниче Славы Имени Божiя;

Радуйся, подражателю Ангеламъ и всемъ Святымъ славящимъ Имя Божiе на небеси;

Радуйся, отче Антонiе, прелюбимый нашъ наставниче;

Радуйся, скоропослушливый о насъ молитвенниче;

Радуйся, словесная река истиннаго богословiя;

Радуйся, низводителю милости Божiя имяславцамъ;.

Радуйся, заблуждающихся любвеобильный вразумителю;

Радуйся, предсказателю гнева Божiя упорнымъ имяборцам.

Радуйся, прорекшiй наказанiе Божiе Царю, не внявшему твоимъ призывамъ искоренить въ Россiи имяборчество;

Радуйся, яко плакалъ и скорбелъ еси о грядущемъ гневе Божiем на Россiю и самодержавiе царское, за похуленiе Имени Божiя;

Радуйся, Антонiе, новый исповедниче и молитвенниче о душахъ нашихъ.