Пророчества Малахiина чтенiе.

Тако глаголетъ Господь: Вы священницы, презирающiе Имя Мое… Несть воля Моя въ васъ, глаголетъ Господь Вседержитель, и жертвы не прiиму отъ рукъ вашихъ. Зане отъ востокъ солнца, и до запада Имя Мое прославися во языцехъ, и на всякомъ месте фимiамъ приносится Имени Моему, и жертва чиста, зане велiе Имя Мое во языцехъ. Зане Царь велiй Азъ есмь… И Имя Мое светло во языцехъ.[30] И ныне заповедь Моя сiя къ вамъ, священницы: аще не услышите, и аще не положите на сердцахъ вашихъ, еже дати славу Имени Моему, глаголетъ Господь Вседержитель, то послю на вы клятву, и прокляну благословенiе ваше, и оклену е: и разорю благословенiе ваше, и не будетъ въ васъ, зане вы не влагаете въ сердца ваша.[31] Заветъ Мой бе съ нимъ (Моисеемъ) жизни и мира, и дахъ ему боятися Мене, и отъ лица Имене Моего устрашатися ему… Вы же растлисте заветъ Левiинъ.[32] И написа книгу памяти предъ собою боящимся Господа и благоговеющимъ Имя Его.[33] И возсiяетъ вамъ, боящимся Имене Моего, Солнце правды и исцеленiе въ лучахъ его.[34]

Ектенiя: (Господи помилуй 12 разъ, и: Аминь).

Сподоби, Господи: Ектенiя просительная (Подай Господи 12. Аминь).

На стиховне стихиры, гласъ 6:

Скорбелъ еси отче, зело, / о возникшей на Афоне ереси, / хулящей Имя Господне; / iеродiаконъ Николай съ тобою бывъ, / услышавъ хулы Алексiя Киреевскаго, / не принялъ еси въ сердце свое ересь его. / Молися отче Мартинiане о насъ грешныхъ, / и намъ защитниками быти славы Имени Божiя, / святыми твоими молитвами, / и яко мерзость попирати ересь имяборную.

Стихъ: Пойте Богу нашему, пойте Имени Его.[35]

Благочинный рече отцу Николаю: / седмицу будеши служити съ отцемъ Алексiемъ; / Онъ же отвеща: / служити съ нимъ азъ не буду. / Чесо ради? - вопросилъ благочинный; / отецъ Николай отвеща ему: / той хулитъ Имя Божiе; / благочинный рек ему: / не твоего ума дело сiе, / твое дело послушанiе; / рече же ему отецъ Николай: / неможно нести послушанiя еретику вопреки моей совести. / Тако явися новый исповедникъ Имени Божiя.

Стихъ: Хвалите Имя Господне, хвалите раби Господа.[36]

Ревность твоя, отче Мартинiане, о славе Имени Божiя, / известися русскимъ обителямъ, / тако и ересь имяборца Алексiя Киреевскаго, / юже восприяша начальство обителей / и ложные иноки, за послушанiе; / Истинные же иноцы стали имяславцами, / славу и благодаренiе Богу вознесли, / яко на Афоне явился еси, / первый исповедникъ отецъ Мартинiанъ, / защитившiй Божество Имени Божiя, / славимъ тя отче, и благодаримъ Господа Бога.

Стих: Свято и страшно Имя Его.[37]

• ноцы Афонстiи разделишася: / на имяславцевъ и мяборцев; / знаменiе же, сiе, бысть отступленiя / архiереевъ церкви россiйскiя, / отъ Божества Имени Божiя, / охватившего вселенную, / егоже возвести Павелъ Апостолъ; / Господи, помилуй насъ грешныхъ, / избави насъ отступленiя сего, / святыми молитвами исповедника Афонскаго, / отца нашего Мартинiана.

Слава: гласъ 6:

• тче Мартинiане преподобне, / явился еси, светильникомъ горящимъ / напоследокъ предсказаннаго времени, / указующимъ путь ко спасенiю, / во дни всемiрнаго отступленiя, / отъ Божества Имени Бога, / Темже путемъ должни шествовати, / хотящiи избегнути вражiихъ сетей антихриста. / Отче святый молися непрестанно о насъ,/ любовiю память твою совершающих, / во еже спастися душамъ нашимъ.

И ныне: гласъ 8:

Пречистая Богородице Дево, помилуй насъ грешныхъ, / прибегающихъ къ Тебе милосердной верою / и просящих теплаго Твоего заступленiя: / яко Мати Бога Вышняго, / моли Сына Твоего, Христа Бога нашего, / да славимъ присно Имя Его Пресвятое, / и спасемся Твоими Богоматерними молитвами.

Ныне отпущаеши: Трисвятое, по Отче нашъ:

Тропарь, гласъ 4:

Велiй молитвы Iисусовой подвижниче, / блаженне отче Мартинiане, / постомъ, бденiемъ и слезоточенiемъ, / душу свою предочистивый, / вселивый Iисуса въ сердце свое, / егда услыша отъ ересiарха хуленiе Имени Божiя, / возгорелся еси ревностiю о славе Его, / заградилъ еси хульные уста еретическiя, / Божество Имени Господня исповедалъ еси, / первый на Афоне защитниче Славы Имени Божiя. / Сего ради, отче Мартиниане, молимъ тя: / молися усердно о насъ ко Господу, / чтущихъ любовiю святую память твою.

Слава и ныне: Богородице Дево радуйся:

И: Буди Имя Господне благословенно отъ ныне и до века. (трижды).

Слава: и ныне: Благословлю Господа на всякое время… (Псал. 33) до: не лишатся всякаго блага. И: Шестопсалмiе.

На утрени,

По шестопсалмiи, Ектенiя великая. (Господи помилуй 12, и: Аминь)

Богъ Господь, и явися намъ: (на гласъ тропаря)

Тропарь Святаго (дважды. см. выше)

Слава, и ныне: Богородиченъ, гласъ 4:

Еже отъ века утаенное, и Ангеломъ несведомое таинство: Тобою Богородице сущимъ на земли явися Богъ, въ неслитномъ соединенiи воплощаемь, и крестъ волею насъ ради воспрiимъ: имже воскресивъ первозданнаго, спасе отъ смерти души наша.

Ликъ поетъ: Господи помилуй, Господи помилуй, Господи помилуй, слава Отцу и Сыну и Святому Духу.

Чтецъ: И ныне и присно и во веки веков, аминь.

И стихословимъ кафизмы, (по уставу).

По 1-й Кафизме, седаленъ, гласъ 4:

Благодарни суще тебе исповедниче, / отче Мартинiане преподобне, / яко избавилъ еси насъ ослепленiя имяборческаго, / и наставилъ на правыя стези, / исповедати славу и Божество Имени Божiя. / Молися отче о насъ грешныхъ, / сохранити до конца веру во Имя Господне, / и спастися душамъ нашимъ.

Слава: Богородиченъ:

Утоли болезни многовоздыхающiя души моея, / утолившая всякую слезу отъ лица земли: / Ты бо человековъ болезни отгониши, / и грешныхъ скорби разрешаеши: / Тебе бо вси стяжахомъ въ напастехъ надежду и утвержденiе, / Пресвятая Мати Дево.

Чтецъ: и ныне… и следующую кафизму.

По 2-й Кафизме, седаленъ, гласъ 4:

Ничесоже, отче Мартинiане, тако возлюбилъ еси, / яко же Имя Сладчайшаго Iисуса, / съ Нимъ же пребылъ еси неразлучно, до кончины своея, / ни о чемъ хотяше памятовати, / токмо о любви ко Господу Iисусу / въ сердечной молитве Iисусовой, / юже водрузилъ еси въ сердце свое, / и отъ избытка сердца возглашалъ еси: / Слава Имени Iисусъ Христову! / Слава Ему во веки! Аминь.

Слава: Богородиченъ, гласъ 4:

Ты едина еси корень девства / и неувядаемый цветъ чистоты, / Ты стерла еси главу змiеву имяборца древняго, / похитителя Имени Божiя: / Ты избави насъ имяборческаго ослепленiя, / и всемiрнаго отступленiя, / укрепи насъ в правой вере во Имя Божiе, / и избави насъ от прегрешенiй нашихъ, / и душевныхъ сквернъ, Богородице, / и направи ко пристанищу истиннаго покаянiя.

Полiелей: (Прославленiе Бога во Имени Его)

Ликъ поетъ: Хвалите Имя Господне, хвалите раби Господа: Аллилуiа, аллилуiа, аллилуiа.[38]

Благословенъ Господь отъ Сiона, живый во Iерусалиме. Аллилуiа, аллилуiа аллилуiа.

Исповедайтеся Господеви, яко благъ яко въ векъ милость Его. Аллилуiа, аллилуiа, аллилуiа.

Исповедайтеся Богу небесному яко въ векъ милость Его. Аллилуiа, аллилуiа, аллилуiа.

Величанiе:

Ублажаемъ тя, / святый отче Мартинiане / и чтемъ святую память твою, / наставниче мiрскихъ и монаховъ, / и собеседниче Ангеловъ.

Псаломъ избранный:

Воспойте Господеви, пойте Имени Его.[39]

Ублажаемъ:

Ины псалмы избранные:

Свято и страшно / Имя Его.[40]

И хвально и прославленно / Имя Твое во веки[41]

Господи, посли благодать Твою въ помощь мне, / да прославлю Имя Твое Святое![42]

Услышитъ Тя Господь въ день печали, / защититъ Тя Имя Бога Iаковля[43]

Повем Имя Твое братiи моей, / посреде церкви воспою Тя.[44]

Господи, Господь нашъ, / яко чудно Имя Твое по всей земли![45]

Ублажаемъ:

По Имени Твоему, Боже, тако и хвала Твоя / на концах земли.[46]

Да разумеютъ языцы, / яко Имя Тебе – Господь[47]

И да уповаютъ на Тя, / знающiя Имя Твое[48]

Восхвалю Имя Бога моего съ песнiю, / возвеличу Его во хваленiи.[49]

Будетъ Имя Его благословенно во веки, / прежде солнца пребывает Имя Его.[50]

Ублажаемъ:

Люди безумнiи / хулятъ Имя Твое.[51]

Нищъ и убогъ / восхвалита Имя Твое.[52]

Азъ Господь Богъ, / сiе есть Имя Мое.[53]

Живу Азъ, / и присно живетъ Имя Мое.[54]

Господь Богъ Саваофъ / Имя Ему.[55]

Пойте Имени Его, / яко добро.[56]

Хвалите Имя Господне, / хвалите раби Господа![57]

Всякое дыханiе, / да хвалитъ Господа![58]

Слава и ныне: Аллилуiа, аллилуiа, аллилуiа слава Тебе Боже (дважды): 3-й разъ Аллилуiа поется протяжно, и паки:

Ублажаемъ:

(Величанiе поется, сколько хочется разъ).

Седаленъ, гласъ 6:

Богъ во Имени Своемъ пребываетъ, / речетъ Священное Писанiе: / Исповедайтеся Господеви, / и призывайте Его во Имени Его, / пойте Ему и воспойте Ему: / поведите вся чудеса Его, / яже сотвори Господь, / Хвалите Имя Святое Его.[59]

Слава, и ныне: Богородиченъ, гласъ 2:

Яко Божiя Мати дерзновенiе имущи / къ рождшемуся изъ Тебе, Единородному Слову,/ Отцу собезначальному, и соестественному Духу, / молящи не престай избавитися намъ / всемiрнаго имяборнаго отступленiя / и отъ бедъ спастися намъ, Всенепорочная, / Тя Богородицу славящимъ.

Таже степенна, 1-й антифонъ 4-го гласа.

Отъ юности моея / мнози борютъ мя страсти, / но Самъ мя заступи, / и спаси, Спасе мой.

Ненавидящiи Сiона, посрамитеся отъ Господа, яко трава бо огнемъ будете изсохше.

Слава Отцу и Сыну, / и Святому Духу.

Святымъ Духомъ, / всяка душа живится, / и чистотою возвышается,/ светлеется Тройческим единством Священнотайне.

И ныне и присно, / и во веки вековъ, аминь.

И паки: Святымъ Духомъ…