Чтецъ: Прокименъ, гласъ 7:

Честна предъ Господемъ смерть преподобныхъ Его.

Ликъ: Честна предъ Господемъ смерть преподобныхъ Его.

Чтецъ: Стихъ: Хвалите Имя Господне, хвалите раби Господа.

Ликъ: Честна предъ Господемъ смерть преподобныхъ Его.

Чтец, Стих: Что воздам Господеви о всехъ, яже воздаде ми.

Ликъ: Честна пред Господемъ смерть преподобныхъ Его.

Чтецъ: Честна предъ Господемъ

Ликъ: смерть преподобныхъ Его.

Чтецъ: Всякое дыханiя да хвалитъ Господа.[22]

Ликъ: Всякое дыханiе да хвалитъ Господа.

Чтецъ: Хвалите Господа с небесъ, хвалите Его въ вышнихъ.

Ликъ: Всякое дыханiе да хвалитъ Господа.

Чтецъ: Всякое дыханiе

Ликъ: да хвалитъ Господа.

Евангелiе отъ Матфеа. Зач. 43.

Чтецъ: Отъ Матфеа святаго Евангелiа чтенiе.

Ликъ: Слава Тебе Господи, слава Тебе.

Чтецъ: Рече Господь Своимъ ученикомъ: Вся Мне предана суть Отцемъ Моимъ: и никтоже знаетъ Сына, токмо Отецъ: ни Отца кто знаетъ, токмо Сынъ, и емуже аще волитъ Сынъ открыти. Прiидите ко Мне вси труждающiися и обремененнiи, и Азъ упокою вы. Возмите иго Мое на себе, и научитеся отъ Мене, яко кротокъ есмь и смиренъ сердцемъ: и обрящете покой душамъ вашимъ. Иго бо Мое благо и бремя Мое легко есть.

Ликъ: Слава Тебе Господи, слава Тебе. И поетъ:

Слава: Молитвами преподобноисповедника Мартинiана, / Милостиве очисти, / множества согрешенiй нашихъ.

И ныне: Молитвами Богородицы, / Милостиве очисти, / множества согрешенiй нашихъ.

Помилуй мя Боже, / по велицей милости Твоей, / и по множеству щедротъ Твоихъ / очисти беззаконiе мое.

По 50-м псалме стихира, гласъ 6:

Спасаяся Именемъ Господа Iисуса, / якоже заповедал еси апостолъ Петръ, / помнилъ еси отче, до кончины заповедь сiю, / не разлучался еси Имени Iисусова, / и завещалъ еси намъ:/ да спасаемся Именемъ Iисуса Христа, / въ непрестанной молитве Iисусовой, / сего ради любовiю почитаемъ Тя, / молящагося о душахъ нашихъ.

Канонъ Богородице какой хощеши.

Канонъ преп. Мартинiану.

Песнь 1. Iрмосъ, гласъ 8.

Воду прошедъ, яко сушу, / и египетскаго зла избежавъ, / израильтянинъ вопiяше: / Избавителю и Богу нашему поимъ.

Преподобне отче Мартинiане, моли Бога о насъ грешныхъ.

Како достойно воспоемъ подвигъ твой отче Мартинiане во Святей Горе, Афонстей; не возгнушайся немощнымъ словомъ симъ, грехами бо обложенъ есмъ, но помоги ми, отче, святыми твоими молитвами.

Намъ немощнымъ удобее молчати, но да не явимся неблагодарнiи предъ Господомъ, яко же рабы ленивiи; аще и золото есть молчанiе, обаче и доброе слово сребро.

Мне еже жити – Христосъ, и еже умрети – прiобретенiе, возопилъ еси отче Мартинiане со Апостоломъ, и пожелалъ умрети якоже и Павелъ, за Имя Господа Iисуса,[23] чести ради и Славы Его; добрая тебе, преподобноисповедниче, похвала отъ Господа, и венецъ Небесный!

Богородиченъ: Пресвятая Мати Дево, сотвори со мною милость Твою: излей на мя грешнаго лучъ благодати и милости Твоея и Сына Твоего, да воспою и возвеличу страдальческiй подвигъ преподобнаго отца нашего Мартинiана. Катавасия: каждый Iрмосъ канона.

Песнь 3. Iрмосъ:

Ты еси утвержденiе притекающихъ къ Тебе, Господи. / Ты еси Светъ омраченныхъ, / и поетъ Тя духъ мой.

Егда на Афоне собрася соборъ Фиваидскихъ старцевъ имяславцевъ, схимниковъ и монаховъ более ста человекъ, разсмотреша реценцiю инока Хрисанфа на книгу старца Иларiона «На горахъ Кавказа», и сравниша ученiе Хрисанфа со святоотеческимъ, соборъ определилъ, яко рецензiя хульная, и предалъ ее анафеме, Имя же Господне прославили.[24]

Хрисанфъ богохульствовалъ, яко Имя Господа «Iисусъ» аки простое имя человеческое ветхозаветныхъ Iисусовъ: Навина, Iоседекова, Сирахова и другихъ, таково и Имя Iисуса Христа. Соборъ Отцевъ Новой Фиваиды на Афоне предалъ ересь сiю анафеме, яко хулу демонскую и прославилъ Имя Господа Iисусъ,, яко Бога, спасительное для всехъ человековъ.

Ликъ имяславческiй образовашеся на Афоне славити Имя Господне, и попирати безбожiе имяборческое, лукавствомъ и лестiю прикрытое для обольщенiя, ведущее въ пагубу людей века сего. Ты же, отче Мартинiане, на соборе, яко мерзость попралъ еси имяборчество. Помоги и намъ, отче, поборать ересь сiю и предавать ее анафеме.

Богородиченъ: Мати Божiя Всепетая, Сына безлетна отъ Отца безъ матере рожденнаго, во времени безъ отца рождшая, и Девою чистою пребывшая, даждь намъ ревность целомудренно проводити житiе и подвизатися о Славе Имени возлюбленнаго Сына Твоего Iисуса; Ты бо воспела еси: «яко Свято Имя Его».[25]

Седаленъ, гласъ 8:

Славу тленнаго мiра пренебрегши, / возлюбилъ еси славу Божiю, / возревновалъ еси исповедникомъ быти / и пострадати за Имя Господне въ брани съ имяборцами, / восхулившими Пресвятое Имя Его. / Молися, отче, ко Господу, / и намъ грешнымъ даровати частицу твоей ревности и мужества, / постояти за Имя Божiе, / и аще благословитъ Господь, за Негоже и пострадати.

Слава: и ныне: гласъ 6:

Молимъ Тя Владычице Пресвятая: / очисти ны отъ всякiя скверны плоти и духа, / милостiю Сына Твоего возлюбленнаго, / да хранимъ непрестанно память Божiю до кончины нашея, / и заповедь Отца Небеснаго / о вере во Имя Сына Его Iисуса Христа.[26]

Песнь 4. Iрмос:

Услышах, Господи, / смотренiя Твоего таинство, / разумех дела Твоя / и прославихъ Твое Божество.

Явилъ еси намъ, отче, образъ твердаго стоянiя за чистоту веры Православныя твоимъ исповедничествомъ, исповедалъ бо еси Имя Господа Iисуса предъ человеки, и Сынъ Божiй исповедалъ имя твое предъ Отцемъ Своимъ Небеснымъ, Отецъ же сподобилъ Тя венца исповедническаго и даде ти право чадомъ Божiимъ быти, верующему во Имя Его.[27] Молися, отче Мартинiане, да и мы грешные сподобимся чадами Божiими быти, веры ради въ Пресвятое Имя Его.

Милостивый и Праведный Господи, призри на смиренiе наше, благодаримъ Тя, яко даровалъ еси отцу нашему Мартинiану сподвижникомъ быти святыхъ Апостоловъ возвещати мiру Величiе и Божество пресладкаго Имени Твоего «Iисусъ», Имъ же мы грешнiи спасаемся взывая «Iисусе, Спасительное Имя, помилуй мя!»[28] И сподоби насъ, Господи, до кончины нашея славити Пресвятое Имя Твое, молитвами отца нашего Мартинiана.

Славу и благодаренiе Господу Богу возсылаемъ даровавшему намъ тебя, отче Мартинiане, земнаго ангела и небеснаго человека, исповедника Сладчайшаго Имени Iисусъ Христова, наставника правоверiя, усерднаго молитвенника въ годину испытанiя православныхъ на веру въ Божество Имени Бога; и яко имеющаго молитвенное дерзновенiе къ Богу, молимъ тя, отче: помоги намъ святыми твоими молитвами пребыти до конца жизни нашея въ правой вере во Имя Господне.

Богородиченъ: Спасай насъ, Мати Божiя Благословенная, отъ пагубнаго имяборчества, Твоимъ всемощнымъ покровомъ и заступленiемъ, да исповедаемъ вечное Божество Святейшаго Имени Бога-Отца, Бога-Сына, и Бога-Духа Святаго.

Песнь 5. Iрмосъ:

Вскую мя отринулъ еси / отъ лица Твоего, Свете Незаходимый, / и покрыла мя есть чуждая тьма, окаяннаго? / Но обрати мя и къ свету заповедей Твоих, / пути моя направи, молюся.

Туча гоненiя за Имя Господне нависла надъ Афономъ, Синодъ снаряжаетъ полководца ожидовелаго архиерея Никона, упрашивает Царя, командировати его на Афонъ съ войскомъ русской армiи на военномъ судне громить ликъ имяславческiй «Союзъ Архангела Михаила», исповедниковъ Имени Божiя, хранителя на Афоне истиннаго Православiя. Ты же, отче, возсылалъ славу Имени Отца и Сына и Святаго Духа.

Обманутый синодалами цареборцами Царь, аки бы монахи имяславцы суть революцiонеры, готовятъ сверженiе Царя, Он послалъ Никона, бунтаря Афонскаго, на судне вооруженномъ пушками, пулеметами, и бойцами съ винтовсками. О, обманъ вражiй! О, вере Царя, клевете цареборцевъ! Ты же отче Мартинiане, въ лике имяславческомъ славилъ Имя Отца и Сына и Святаго Духа.

О, какъ громы и молнiи не поразили въ лоне Церкви враговъ Царя и клеветниковъ, вовлекшихъ Царя въ отступленiе отъ веры во Имя Бога, сделавшихъ его невольнымъ врагомъ своему престолу царскому, ибо похуленiя ради Имени Божiя и изгнанiя Афонскихъ исповедниковъ за Имя Господне, гневъ Божiй поразилъ и Синодъ съ его церковью имяборной; низложенъ и Царь съ престола Россiи. Ты же отче въ «Союзе Архангела Михаила» славилъ еси Пресвятое Имя Отца и Сына и Святаго Духа.

Богородиченъ: Царица Небесная, Мати Милосердiя, Ты, еси глубокiй кладязь милости и щедротъ, и о всемъ мiре молишися, умоли милосердiе Сына Твоего и Бога, да вразумитъ падшихъ въ пагубное имяборное отступленiе, да познаютъ, яко Имя Ему – Господь,[29] и да покаются за отступленiе отъ Православныя Веры во Имя Божiе.

Песнь 6. Iрмосъ:

Молитву пролiю ко Господу / и Тому возвещу печали моя, / яко золъ душа моя исполнися / и животъ мой аду приближися, / и молюся, яко Iона: / отъ тли, Боже, возведи мя.

Плывётъ моремъ къ Афону врагъ Божiй Никонъ полководецъ, судномъ военнымъ до зубовъ вооруженнымъ, и приказалъ солдатамъ вычеркнуть изъ своихъ акафистовъ Сладчайшее Имя Господа «Iисусъ», аки ненужное. Не дерзавшимъ на сiе беззаконiе, налагал служебное наказанiе; сего ради, воины потеряли доверiе къ ьезбожному архиерею Никону. О, Боже Спасителю нашъ! Како море не потопило сего богохульника! Ты же отче Мартинiане, въ лике имяславческомъ прославлялъ Державное Имя Господа Iисуса.

Исполнися Апокалипсисъ: вышелъ зверь из морской бездны, и отверзе уста своя для хулы на Бога еже хулити Имя Его. Сей же зверь Никонъ, сподвижникъ Денницы Архангела, восхулившаго на небе Имя Бога, вышелъ изъ морской бездны на Афонъ и восхулилъ Имя Бога, приказалъ инокамъ подписать хулу синодальнаго посланiя. Ты же, отче Мартинiане въ лике имяславческомъ славилъ Пресвятое Имя Отца и Сына и Святаго Духа.

Исповедницы обличили хулу, Никона лжеархiерея, на Имя Господа, яко льва рыкающаго еже поглотити иночество Афонское, отвергли хульное посланiе синода, рекше: сецыте наши тела, пiйте нашу кровь яко воду, хулу же вашу не подпишемъ. Молися, отче Мартинiане, и намъ отвергати хулу имяборческую и предавати анафеме, да будемъ славити Имя Господне благословенное во веки!

Богородиченъ: Предстательница непостыдная предъ Сыномъ Твоимъ и Богомъ, усердная Молитвеннице за родъ Христiанскiй, Пресвятая Мати Дево, моли милосердiе Сына Твоего, да заградитъ хульная уста имяборцевъ лающихъ яко псы на Божество Имени Его, да не внидутъ въ слухъ нашъ безумные хулы ихъ, да вразумитъ Господь на покаянiе, мнимо православныхъ, имяборцевъ.

Кондакъ, гласъ 8:

Ревнителю Славы Имени Божiя, отче Мартинiане, / за Имя Господне со святыя Горы Афонскiя изгнанiе претерпелъ еси, / печати антихриста въ Россiи не прiявый, / за обличенiе козней антихриста былъ еси заключенъ въ темницу, / въ лагере града Иркутска мученикомъ скончавыйся, / исповедниче и усердный къ Богу молитвенниче, / молися усердно о насъ ко Господу, / да избавитъ ны отъ поклоненiя сыну погибели, / и сохранитъ въ правой вере во Имя Господне.

I к о с ъ.

Юношу Савла, бывша ревнителя не по разуму отеческихъ преданiй и гонителя христiанъ, Богъ избралъ въ сосудъ Своей благодати, пронести по мiру Имя Господне.[30] Тебя же отче Мартинiане, избралъ Господь отъ мiра, яко соль земли, защитити на Афоне и возвестити мiру славу Имени Бога, вопреки нечестiю имяборческому. Темъ же и сподобился еси быти изгнанникомъ за Имя Господне, въ дряхлой старости нести тяготу, скорби тюремныя, где и почилъ мирно, предавъ душу свою въ руце Господу. Сего ради сподобился еси отъ Господа венца небесной славы. Предстоя бо у Престола Всевышняго Господа, молися, отче, о насъ братьяхъ твоихъ по вере, любовiю совершающихъ святую память твою.

Песнь 7. Iрмосъ:

Отроцы еврейстiи в пещи/ попраша пламень дерзновенно / и на росу огнь преложиша, вопiюще: / благословенъ еси Господи Боже, во веки.

Уповая на Имя Господа, иноцы имели Его во устахъ и сердцы своемъ, освящая Имъ души и телеса, укрепляясь въ подвиге исповедническомъ, и рекли Никону: на васъ сбылся Апокалипсисъ, вы, яко той зверь, вышли изъ моря и восхулили Святейшее Имя Божiе и Самого Бога; честь бо образа восходитъ на первообразъ, и хула Имени Божiя восходитъ на Самого Бога. Никонъ же яко зверь зарычалъ: «слушайте меня все! такъ Англiя и Францiя веруютъ какъ Синодъ приказалъ, только вы Афонцы гордецы не покоряетесь Синоду!» – Слава Господу Богу, давшему чадам Своимъ устояти за веру во Имя Его Святое!

Никонъ возгласилъ: «васъ гордецовъ всего три тысящи монаховъ, для церкви это ничто! молодыхъ мы поженимъ, старыхъ разстрижемъ и определимъ въ богадельни». Иноцы рекли: ежели Царь приказалъ изгнать насъ изъ Афона, Онъ милостивъ и место определити намъ, мы не революцiонеры, а верноподданые царю, исповедники чистого Православiя и готовы терпеть изгнанiе за Имя Господне, но не подпишемъ хулу на Имя Божiе. Молися, отче Мартинiане, о насъ грешныхъ, да не прельстимся благами мiра сего, но будемъ и мы готовы все терпеть за Имя Господне.

Злобный же Никонъ закричалъ: «слушайтесь меня все! А кто будетъ уповать на Имя Божiе, те все будутъ въ заблужденiи!» Но иноцы отвергли приказъ Никона, и яко Апостолы рекли жидамъ архiереямъ: «подобаетъ больше слушати Бога, нежели человековъ!» Молися о насъ, отче Мартинiане, да и мы слушаемъ Бога, а не человековъ, да славимъ Его Всесвятое Имя, хвальное и препрославленное во вся веки!

Богородиченъ: Владычице наша Пресвятая Богородице, къ Тебе милостивой прибегаемъ недостойнiи раби Твои, и Тебе любвеобильная Мати, Заступнице наша, молимся усердно: вознеси всемощные молитвы Твои ко Господу, да сохранитъ насъ въ лике исповедниковъ, сохранившихъ слово терпенiя и не отрекшихся отъ Имени возлюбленнаго Сына Твоего и Бога нашего, да не изгладитъ имена наша изъ Книги Жизни, и сохранитъ отъ поклоненiя зверю хулителю Имени Божiя, – за Твои, Милосердная, Богоматернiи молитвы, вкупе же и молитвы преподобнаго отца нашего Мартинiана.

Песнь 8. Iрмосъ:

Седмерицею пещь / халдейскiй мучитель / Богочестивымъ неистовно разжже, / силою же лучшею спасены сiя видевъ, / Творцу и Избавителю вопiяше: / отроцы, благословите,/ священницы, воспойте,/ людiе, превозносите во вся веки.

Никонъ озверевшiй приказалъ воинам избивати исповедниковъ штыками и прикладами, крючьями и баграми, заливати горной ледяной водой пожарными шлангами молящихся Iисусу Сладчайшему, Пресвятой Богородице, архистратигу Михаилу, великомученику Пантелеимону; подпоенные же Никономъ спиртнымъ солдаты немилостивно избивали иноковъ, нанося смертельные удары и раны; обитель Святаго Пантелеимона омыта была мученической кровiю. Такъ Никонъ «вразумлялъ» непокорныхъ богохульству иноковъ Афонскихъ, наблюдая въ бинокль за побоищемъ съ палубы военнаго судна.

Избiенныхъ русскими воинами иноковъ приказомъ Никона разлучили съ местомъ многолетняго ихъ подвижничества, вывезли въ Россiю на пожизненные страданiя; во всю землю Россiи изыде вещанiе изгнанниковъ объ отступленiи церкве россiйскiя отъ исконной Православной веры во Имя Господне, заповеданной Отцемъ Небеснымъ.[31] И ты, отче Мартинiане, зело старъ и слабъ, последовалъ еси во изгнанiе. Сего ради Богъ увенча Тя венцемъ преподобноисповедника.

Страданiя твоя, отче, во изгнанiи неисчислимы, подвизался первее съ отцами Афонскими на Кавказе, близъ Красныя Поляны и села Медовеевскаго. Молитва умносердечная была дыханiемъ твоимъ, слезы якоже и на Афоне, источалъ еси непрестанно, ихъ же ради и ослепъ подъ конецъ житiя земнаго. Дорогой нашъ Батюшка отче Мартинiане, усердный молитвенниче и делатель непрестаннаго плача, помолися о насъ грешныхъ, совершающихъ любовiю святую память твою, да сохранитъ насъ Господь отъ козней антихриста и обольщенiя имяборческаго.

Богородиченъ: Владычице наша Пресвятая Богородице, Невесто Неневестная, преестественно Сына Девою рождшая, моли Егоже сосцами питала еси Питающаго вселенную всю, Егоже возлюбила еси, Возлюбившаго созданiя Свое даже до смерти Крестныя, по снятiи же со Креста въ болезни сердечной оплакивала еси возлюбленное Чадо Свое, да умилосердится Сынъ Твой моленiямъ и прошенiямъ возлюбленной Матере Своея, и да вразумитъ заблуждшихъ имяборцевъ, не ведятъ бо что творятъ беззаконiи.

Хвалимъ, благословимъ, покланяемся Господеви, поюще и превозносяще во вся веки. Катавасiя. И поемъ Честнейшую:

Песнь 9. Iрмосъ:

Устрашися всяк слухъ / неизреченна Божiя снисхожденiя, / яко Вышнiй волею сниде даже и до плоти, / отъ Девическаго чрева бывъ Человекъ, / темъ же Пречистую Богородицу, вернiи величаемъ.

Не желая молчати, егда вера попираема бе безбожниками, молчанiемъ бо предается Богъ, иноцы изгнанники Афонстiи, съ ними же и ты отче Мартинiане, изъ пустыни выступили противъ пропаганды безбожiя и паспортовъ не имеющихъ графы вероисповеданiя, со знаками же антихриста и его лозунгомъ, причисляющими взявшихъ документъ христiанъ къ союзу безбожниковъ; ревнуя о званiи своемъ христiанскомъ и о паспортахъ старого образца. И сего ради, быша арестовани.

Божiимъ попущенiемъ, арестованнiи выступленцы быша сосланы въ Соловки, въ Среднюю Азiю и Казахстанъ; ты же, отче Мартинiане дряхлъ бе старецъ, яко велiй преступникъ перегоняемый этапами въ Соловки, по тюрьмамъ разныхъ городовъ, зело больной, слепой, слабый, мирно скончался еси въ Иркутской тюрьме 21-го Iюня 1929 лета. Сего ради сподобился еси отъ Господа Небеснаго венца исповедника и мученика. Хранимъ, отче, любовiю святую память твою и молимъ тя: святыми твоими молитвами да будемъ и мы верны Слову и Имени Божiю до кончины нашея.

Память наша о тебе, отче Мартинiане, неизбывная, любовь наша к тебе, отче, неизменная, помнимъ и славимъ исповедническiй подвигъ твой, чтимъ преподобническiя труды твои, созерцаимъ ревностный отпоръ твой Киреевскому Алексiю хулителю Имени Божiя на Афоне, прославляемъ изгнанничество твое съ Афона за Имя Господне, почитаемъ мученичество твое, благодаримъ Господа Бога, даровавшаго тебе жизнь мученическую до самой кончины твоея, и молимъ тя, отче Мартинiане, молися о насъ ко Господу даровати нам ревность исповедническую и спастися твоими молитвами.

Богородиченъ: Все упованiе наше возлагаемъ на Твое милосердiе, Мати Божiя, не презри недостойные наши моленiя отъ сердца сокрушеннаго и умиленнаго приносимыя въ похвалу мучениковъ исповедниковъ Святыя Горы Афонскiя Твоего земнаго Жребiя, въ ней же была еси Игуменiей, но последовала еси въ изгнанiе изъ Афона съ исповедниками въ Своемъ лике «Одигитрiя»; заступи и спаси насъ, къ помощи и заступленiю Твоему притекающихъ, ради Сладчайшего Имени возлюбленнаго Сына Твоего Господа нашего Iисуса Христа. Аминь.

Катавасiя. Малая ектенiя (если нетъ священника: Господи помилуй 3 раза, и: Аминь).

И поемъ: Святъ Господь Богъ нашъ (трижды)

Светиленъ.

Азъ Господь Богъ – сiе Мое есть Имя, глаголетъ Господь.[32] Увероваша всемъ сердцемъ реченiю Господа, иноцы, исповедницы Афонстiи, не отвергостеся, но исповедаша Славу и Божество Имени Божiя, Именемъ же Своимъ нарече Себя Господь Богъ.

Слава и ныне: Богородиченъ.

Богородице, Пречистая Дево, Мати неискусомужная, Спасителя мiру неизреченно плотiю рождшая, молимъ Тя усердную молитвенницу и Заступницу за верныхъ христiанъ: защити насъ въ день испытанiй отъ лютыхъ напастей вражiихъ, Твоими всесильными молитвами къ Сыну Твоему и Богу нашему, славящихъ сладчайшее Имя Его и Твое пресладкое Имя Приснодево.

И поемъ: Всякое дыханiе да хвалитъ Господа. Хвалите Господа съ небесъ, хвалите Его въ вышнихъ, Тебе подобаетъ песнь Богу.

Хвалите Его вси Ангели Его, хвалите Его вся силы Его, Тебе подобаетъ песнь Богу.

Чтецъ продолжаетъ: Хвалите Его солнце и луна… и прочее.

На хвалитехъ стихиры 4, гласъ 6:

Последуя примеру твоему, отче Мартинiане, / и заповеданному тобою прославленiю Имени Божiя, / встречаясь с единоверными, мы говорим:/ «Слава Имени Iисусъ Христову!» / Приветствуемый отвечает: «Слава Ему во веки, аминь!» / памятуя сим Крестные Заслуги Iисуса Христа, / знаменуемые и являемые Именемъ Iисусовымъ; / яко же глаголетъ великiй Афанасiй,[33] / помнимъ отче, заветъ твой, несумненно; / ты бо молишися о спасенiи душъ нашихъ.

И похвалятся о Тебе, любящши Имя Твое Господи.[34]

Не должно намъ исповедникамъ боятися / обвиненiя въ сектанстве, / Iисусъ бо и святые Апостолы / не боялися обвиненiя отъ жидовскихъ архiяреев, / аки были сектанты и возмутители мира; / но должно боятися хулы имяборческiя, / паче всякаго обвиненiя. / Молися, отче Мартинiане, / не боятися намъ клеветы имеборческiя.

Господи, Господь нашъ, яко чудно Имя Твое по всей земли![35]

Нынешнiе архiереи суть ожидовелые, / хулители Сладчайшаго Имени Iисусова, / и Имени Пресвятыя Троицы; / отвергшихъ же богохульство имяборное, / и последовавшихъ заповеди Отца Небеснаго, / изшедшихъ изъ среды имяборческiя,[36] они всячески оклеветываютъ / аки сектантов и врагов народа. / Молися о насъ, отче Мартинiане, / не боятися нам суетныя клеветы имяборныя.

Повем Имя Твое братiи моей, посреде церкве воспою Тя[37]

Iисусъ презирая обвиненiя архiереевъ жидовскихъ, / деялъ Свое Дело и совершил подвигъ Искупительный; / тако и святiи Апостоли, / терпя клевету первосвященниковъ Анны и Каiафы, / возвещали людемъ Имя Iисусъ Христово, / радуясь гоненiю, безчестiю и бiенiю / за Имя Господа Iисуса.[38] / Молися о насъ, отче Мартинiане, / и нам не боятися клеветы имяборческiя.