Слава: гласъ 6:

Нелепо исповедникамъ Святейшаго Имени Божiя / боятися клеветы и безчестiя,/ и самыя смерти за Имя Iисуса, / за Него же кровь пролiяли Святи Апостоли и вси святiи мученицы, / отъ Iоанна Крестителя / до мучениковъ Афонскихъ, / пострадавшихъ отъ Синода Россiйскiя церкви, / за Имя Iисуса Христа. / Молися о насъ, святый отче Мартинiане, / не боятися клеветы имяборныя.

И ныне: Богородиченъ, гласъ 2:

Яко Божiя Мати дерзновенiе имущи / къ рождшемуся изъ Тебе, Единородному Слову, / Отцу собезначальному, / и соестественному Духу Святому, / молящи не престай избавитися намъ / всемiрнаго имяборческаго отступленiя / и отъ лютыхъ бедъ спастися намъ, Всенепорочная, / Тя Богородицу славящимъ.

инъ Богородиченъ, гласъ 8:

Владычице прiими молитвы рабъ Твоихъ / исповедниковъ Имени Сына Твоего Iисуса Христа, / и избави насъ отъ всякiя нужды и печали.

Славословiе великое.

Тропарь, гласъ 4:

Велiй молитвы Iисусовой подвижниче, / блаженне отче Мартинiане, / постомъ, бденiемъ и слезоточенiемъ / душу свою предочистивый, / вселивый Iисуса въ сердце свое, / егда услыша отъ ересiарха хуленiе Имени Божiя, / возгорелся еси ревностiю о славе Его, / заградилъ еси хульные уста еретическiя, / Божество же Имени Господня исповедалъ еси, / первый на Афоне защитниче Славы Имени Божiя. / Сего ради, отче Мартиниане, молимъ тя: / молися усердно о насъ ко Господу, / чтущихъ любовiю святую память твою.

Ектенiя: Помилуй насъ Боже: (Господи помилуй 12, и: Аминь).

И отпустъ. Утверди Боже, святую православную веру, православныхъ христiанъ во векъ века.

И часъ 1-й. По молитве: Христе, Свете истинный… Взбраннной Воеводе победительная… Слава, и ныне: Господи помилуй (3-жды), Благослови: Молитвами святыхъ отецъ нашихъ, Господи Iисусе Христе Боже нашъ, помилуй насъ. Аминь.

Часы.

3-й часъ (если нетъ священника): Молитвами святыхъ отецъ нашихъ, Господи Iисусе Христе Боже нашъ, помилуй насъ. Аминь.

Чтецъ читаетъ Начало обычное.

На часехъ тропарь и кондакь Святому.

В начале Литургiи и Изобразительной

полагается заздравная Ектенiя. Если безъ iярея, Господи помилуй 12 разъ, и поминаются сущiи въ правой вере. О еретикахъ, или находящихся въ общенiи съ имеборной антицерковью и о неверующихъ, молиться не «спаси Господи и помилуй», а: вразуми, и обрати ихъ, Господи, къ правой вере и къ покаянiю.

По 6-м часе,

Последованiе Изобразительныхъ:

Благослови душе моя Господа:

Слава: Хвали душе моя Господа:

И ныне: Единородный Сыне:

Блаженны. Во царствiи Твоемъ:

На блаженны, отъ Канона, на 6, песнь 3 и 6.

Слава: гласъ 6:

Времена гоненiй за Имя Господа Iисуса Христа / начавшiися отъ самыя земныя жизни Спасителя нашего, / продолжатися имутъ на Церковь Христову / въ теченiе земныя жизни Ея до скончанiя века, / отъ безверныхъ ожидовелыхъ архiереев, и безбожных слугъ антихриста, / мучителей за Имя Господа Iисуса Христа, / якоже Самъ Господь предсказал.[9] / Молися о насъ отче Мартинiане, / исповедниками пребыти до скончанiя жизни нашея.

И ныне: гласъ 4:

Се Дева прiиметъ во чреве / и родитъ Сына / и нарекутъ Имя Ему Еммануилъ,[10] / еже есть Искупитель отъ века, / якоже глаголетъ Исаiя;[11]/ Iисусъ бо, по времени, совершилъ еси Искупленiе.

По семъ поется: Прiидите поклонимся, и припадемъ ко Христу, спаси ны Сыне Божiй, во Святыхъ дивенъ сый поющiя Ти, аллилуiа, аллилуiя, аллилуiя.

Аще, же неделя, вместо: «во святыхъ дивенъ сый…» поется: Воскресый изъ мертвыхъ поющiя Ти, аллилуiа. И тропари:

Имени Божiю. Тропарь, гласъ 4:

Сiя глаголетъ Богъ Вседержитель: / Азъ Господь Богъ, сiе Вечное Имя Мое.[12] [13]/ Живу Азъ, и присно живетъ Имя Мое.[14] / И ныне заповедь сiя къ вамъ священницы: / аще не примете къ сердцу вашему / воздавати славу Имени Моему, / прокляну васъ и благословенiе ваше, / и уже проклинаю, / яко не хотите приложить къ тому сердца.[15]

инъ Тропарь, гласъ 4:

Вамъ, благоговеющимъ предъ Именемъ Моимъ, / глаголетъ Господь Вседержитель, / взойдетъ солнце правды и исцеленiе въ лучахъ его, / и выйдете и взыграете, яко тельцы отъ узъ разрешенiи: / попиратися имуть нечестивiи, / будутъ бо прахомъ под стопами вашими, / въ день, воньже Азъ сотворю.[16]/ О боящихся же Бога и чтущихъ Имя Его / предъ лицемъ Его пишется памятная книга.[17].[18]

Сладчайшему Имени Iисусъ.Тропарь, гласъ 8:

Съ высоты принесеся Имя Твое Iисусе, Спасе нашъ, / на наше избавленiе во искупленiе рода человеческаго. / Отъ Твоего Имени Iисусе, трясется адъ. / Мы же призываемъ Имя Твое, Iисусе, / и симъ пресладким Именемъ даруй намъ спасенiе.[19]

инъ Тропарь, гласъ 6:

Прiидите почерпите воду съ веселiемъ / отъ источника спасенiя. / Хвалите Господа, воспойте Имя Его, / возвестите во языцехъ славная Его: / поминайте, яко вознесеся Имя Его. / Хвалите Имя Господне, яко высокая сотвори Господь: / возвестите сiя по всей земли.[20] / Iисусе, Спасительное Имя, помилуй мя.

Покрову Пресвятой Богородицы

Тропарь, гласъ 4:

Днесь благовернiи людiе светло празднуемъ, / осеняеми Твоимъ Богомати пришествiемъ, / и къ Твоему взирающе пречистому Образу, умильно глаголемъ: / покрый насъ честнымъ Твоимъ Покровомъ: / и избави насъ отъ всякаго зла, / молящи Сына Твоего Христа Бога нашего, / спасти души наша.

Преподобному Мартинiану

Тропарь, гласъ 4:

Велiй молитвы Iисусовой подвижниче, / блаженне отче Мартинiане, / постомъ, бденiемъ и слезоточенiемъ, / душу свою предочистивый, / вселивый Iисуса въ сердце свое, / егда услыша отъ ересiарха хуленiе Имени Божiя, / возгорелся еси ревностiю о славе Его, / заградилъ еси хульные уста еретическiя, / Божество же Имени Господня исповедалъ еси, / первый на Афоне защитниче Славы Имени Божiя. / Сего ради, отче Мартиниане, молимъ тя: / молися усердно о насъ ко Господу, / чтущихъ любовiю святую память твою.

Тропари: Дневной и Празднуемаго Святаго по месяцеслову.

И поется Трисвятое.

Чтецъ: Прокименъ, гласъ 4:

Возвеселится праведникъ о Господе, и уповаетъ на Него.[21]

Ликъ поетъ: Возвеселится праведникъ о Господе, и уповаетъ на Него.

Чтец: Услыши Боже глас мой, внегда молитимися к Тебе.[22]

Лик: Возвеселится праведникъ о Господе и уповаетъ на Него

Чтецъ: Возвеселится праведникъ о Господе.

Ликъ: и уповаетъ на Него.

Апостолъ Филипписiемъ, зач. 240:

Чтецъ: Къ Филипписiемъ посланiя святаго Апостола Павла чтене.

Братiе, Сiе бо да мудрствуется въ васъ, еже и во Христе Iисусе: Иже, во образе Божiи сый, не восхищенiемъ непщева быти равенъ Богу: Но Себе умалилъ, зракъ раба прiимъ, въ подобiи человечестемъ бывъ, и образомъ обретеся, якоже человекъ, Смирилъ Себе, послушливъ бывъ даже до смерти, смерти же крестныя. Темже и Богъ Его превознесе, и дарова Ему Имя, еже паче всякаго имене; Да о Имени Iисусове всяко колено поклонится небесныхъ и земныхъ и преисподнихъ, И всякъ языкъ исповесть, яко Господь Iисусъ Христосъ въ славу Бога Отца. Аминь. Аллилуiа, аллилуiа, аллилуiа.

Ликъ: Аллилуiа… (трижды)

Чтецъ Стихъ: Праведникъ яко финиксъ процвететъ и яко кедръ иже въ Ливане умножится.[23]

Ликъ: Аллилуiа...

Чтецъ Стихъ: Насаждени въ дому Господни, во дворехъ дому Бога нашего прцветутъ.[24]

Ликъ: Аллилуiа…

Евангелiе Матфеа, зач. 36.

Чтецъ: Отъ Матфеа Святаго Евангелiя чтенiе.

Ликъ: Слава Тебе, Господи, слава Тебе.

Чтецъ: Рече Господь Своимъ ученикомъ: Се Азъ посылаю васъ яко овцы посреде волковъ: будите убо мудри, яко змiя, и цели, яко голубiе. Внемлите же отъ человекъ: предадятъ бо вы на сонмы, и на соборищахъ ихъ бiютъ васъ: И предъ владыки же и цари ведени будете Мене ради, во свидетельство имъ и языкомъ. Егда же предаютъ вы, не пецытеся, како или что возглаголете: Не вы бо будете глаголющiи, но Духъ Отца вашего глаголяй въ васъ. Предастъ же братъ брата на смерть и отецъ чадо: и возстанутъ чада на родители, и убiютъ ихъ. И будете ненавидими всеми Имене Моего ради: претерпевый же до конца, той спасенъ будетъ.

Ликъ: Слава Тебе Господи, слава Тебе.

Заупокойная Ектенiя: (если нет священника: заупокойное пенiе Господи помилуй 9 разъ, и: чтенiе именъ усопшихъ).

Поминаются усопшiе въ правой вере. А усопшiе въ общенiи съ имеборной антицерковью сродники поминаются съ прибавкой: «Аще возможно», помяни Господи… А закоренелые имяборцы, безбожники и другiе еретики вообще не поминаются, ихъ предавать на волю Божiю.

После поминовенiя:

Прочее Изобразительныхъ (Обедницы) по Часослову:

Чтецъ: Помяни насъ Господи, егда прiидеши во царствiи Твоемъ. Помяни насъ Владыко, егда прiидеши во царствiи Твоемъ. Помяни насъ Святый, егда прiидеши во царствiи Твоемъ.

Слава, и ныне…

Чтецъ: Ликъ небесный поетъ Тя и глаголетъ:

Ликъ поетъ: Святъ, Святъ, Святъ Господь Саваофъ, исполнь небо и земля славы Твоея.

Стихъ: Приступите къ Нему и просветитеся, и лица ваша не постыдятся. Лик небесный поетъ Тя и глаголетъ:

Ликъ: Святъ, Святъ, Святъ Господь Саваофъ, исполнь небо и земля славы Твоея.

Слава: Ликъ святыхъ Ангелъ и Архангелъ со всеми небесными силами, поетъ Тя, и глаголетъ:

Ликъ: Святъ, Святъ, Святъ Господь Саваофъ, исполнь небо и земля славы Твоея.

Чтецъ: И ныне…

Ликъ: Верую во единаго Бога Отца…

Чтецъ: Ослаби остави…

Ликъ: Отче нашъ…

Имени Божiю, Кондакъ, гласъ 4:

Яко да Имя Мое не осквернится предъ языки… / вы же доме Израилевъ, / сице глаголетъ Адонаи Господь: / кiйждо кумиры своя отымите, / и аще послушаете Мене, / и Имени Моего Святаго не осквернавити…/ И познаете, яко Азъ Господь, / да Имя Мое не осквернится злыми путями вашими.[25]

Сладчайшему Имени Iисусъ.

Кондакъ, гласъ 6:

Царское Имя Iисусъ / на небеси и на земли царствующее: / на небеси все естество Ангельское / безпрестанно славитъ Пресвятое Имя Твое, Iисусе,[26] / на земли людiе возносятъ туюжде песнь, / составляется общее торжество / небесныхъ и земныхъ существъ вкупе славящихъ Тя. / Iисусе, Спасительное Имя, помилуй мя.[27]

инъ Кондакъ, гласъ 6:

Имя Твое Iисусе Спасе нашъ, / аки солнце мiръ облеста, / аки мvро благовонное вселенную облагоуха: / удиви Ангеловъ, обрадова человековъ, / устраши бесовъ, / прогоняется мракъ имяборчества, / благочестiя же Имяславия возсiяваетъ светъ, / и просвещаетъ всякаго человека, въ мiръ грядущаго.[28]

Покрову Пресвятой Богородицы.

Кондакъ, гласъ 3:

Дева днесь предстоитъ въ Церкви, / и съ лики святыхъ за ны невидимо молится Богу: / Ангели со архiереи покланяются, / Апостоли же со Пророки ликовствуютъ: / насъ бо ради молитъ Богородица превечнаго Бога.

Преподобноисповеднику Мартинiану.

Кондакъ, гласъ 8:

Ревнитель Славы Имени Божiя, отче Мартинiане, / за Имя Господне со святыя Горы Афонскiя изгнанiе претерпелъ еси, / печати антихриста въ Россiи не прiявый, / за обличенiе козней антихриста заключенъ былъ еси въ темницу, / въ лагере града Иркутска мученикомъ скончавыйся, / исповедниче и усердный къ Богу молитвенниче, / молися усердно о насъ ко Господу, / да избавитъ ны отъ поклоненiя сыну погибели, / и сохранитъ въ правой вере во Имя Господне.

Кондаки: Дневной и Празднуемаго Святаго по месяцеслову.

Слава: Со святыми упокой…

И ныне: Предстательство христiанъ непостыдное…

Господи помилуй 12.

Всесвятая Троице…

Буди Имя Господне благословенно… (трижды)

Слава, и ныне…

Псаломъ 33: Благословлю Господа…

Достойно есть яко воистину…

Слава: и ныне: Господи помилуй (трижды), и: благослови:

Молитвами святыхъ отецъ нашихъ, Господи Iисусе Христе Боже нашъ, помилуй насъ. Аминь.

Песнопенiя въ конце службы:

Утвержденiе на Тя надеющихся, / утверди Господи Церковь, / юже стяжалъ еси / честною Твоею кровiю (Трижды).

Утверди Боже, / святую православную веру, православных христiанъ, / во векъ века.

Всю братiю нашу и вся православныя христiаны, / Господи помилуй, Господи помилуй, Господи помилуй, / Господи сохрани ихъ на многая лета.

Упованiе мое Отецъ, / прибежище мое Сынъ, / покровъ мой Духъ Святый: / Троице Святая, слава Тебе.

Богородице Дево, / упованiе христiаномъ, / покрый, соблюди, и спаси на Тя уповающихъ.

Не имамы иныя помощи, / не имамы иныя надежды, / разве Тебе Владычице, / Ты намъ помози, / на Тебе надеемся, / и Тобою хвалимся, / Твои бо есмы раби, / да не постыдимся.

Все упованiе мое на Тя возлагаю, / Мати Божiя, / сохрани мя подъ кровомъ Твоимъ.

Владыко Христе Царю Многомилостиве, / прiими молитвы рабъ Твоихъ / и избави насъ, / отъ всякiя нужды и печали.

Владычице, прiими молитвы рабъ Твоихъ, / и избави насъ, / отъ всякiя скорби и болезни.

Господи помилуй, / Господи помилуй, / Господи помилуй. / Аминь.

Господи мой Господи, / Пастырь мой родной, / спаси меня отъ ада, / и будь всегда со мной.