Молитва.

О, великiй угодниче Божiй, исповедниче и защитниче Славы и Божества Имени Господня, отче Мартинiане! Прiими недостойное, но от всея души приносимое тебе усердное моленiе наше. Ты, отче, прошелъ еси съ любовiю тернистый путь земныя жизни; ты ведаешь, все опасные подводные камни и глыбы сокрытые подъ водами нашего житейскаго плаванiя, могущими сокрушить наше путешествiе въ Горнiй Iерусалимъ, въ Царствiе Небесное! Посему, по Господе Бозе нашемъ и Пресвятей Богородице, усердно молимъ тя, отче преподобне, будь нашимъ кормчимъ и веди нашу ладью къ тихому небурному пристанищу вечнаго спасенiя. Веримъ, отче, въ твое предъ Богомъ молитвенное дерзновенiе и умоляемъ тебя: вознеси о насъ ко Господу твою умиленную сердечную молитву, ею же молился еси на земли, да избавитъ насъ Господь отъ козней врага нашего спасенiя, яко хищный левъ ищущаго поглотити души наша; умоли и Владычицу нашу Пресвятую Богородицу, да умилостивитъ Она, Мати милосердiя, Своего возлюбленнаго Сына и Бога нашего о спасенiи грешныхъ душъ нашихъ, о еже даровати намъ вся потребная для земной и вечной жизни, да сподобитъ насъ Небеснаго Своего Царствiя, въ немъ же со всеми небожителями, и купно съ тобою, отче Мартинiане, славити и воспевати Пречестное и Великолепое Имя Пресвятыя и Живоначальныя Троицы Отца и Сына и Святаго Духа во веки вековъ. Аминь.

Величанiе:

Ублажаемъ тя, / преподобне отче Мартинiане, / и чтемъ святую память твою, / наставниче мiрскихъ и монаховъ, / и собеседниче Ангеловъ.

Тропарь, гласъ 4:

Велiй молитвы Iисусовой подвижниче, / блаженне отче Мартинiане, / постомъ, бденiемъ и слезоточенiемъ, / душу свою предочистивый, / вселивый Iисуса въ сердце свое, / егда услыша отъ ересiарха хуленiе Имени Божiя, / возгорелся еси ревностiю о славе Его, / заградилъ еси хульные уста еретическiя, / Божество же Имени Господня исповедалъ еси, / первый на Афоне защитниче Славы Имени Божiя. / Сего ради, отче Мартиниане, молимъ тя: / молися усердно о насъ ко Господу, / чтущихъ любовiю святую память твою.

Кондакъ, гласъ 8:

Ревнитель Славы Имени Божiя, отче Мартинiане, / за Имя Господне со святыя Горы Афонскiя изгнанiе претерпелъ еси, / печати антихриста въ Россiи не прiявый, / за обличенiе козней антихриста заключенъ былъ еси въ темницу, / въ лагере града Иркутска мученикомъ скончавыйся, / исповедниче и усердный къ Богу молитвенниче, / молися усердно о насъ ко Господу, / да избавитъ ны отъ поклоненiя сыну погибели, / и сохранитъ въ правой вере во Имя Господне.

+

О кончине старца Мартинiана.

Письмо из восточной Сибири изгнанника Афонского за Имя Господне

монаха Герасима въ Казахстанъ ссыльнымъ Афонскимъ исповедникамъ

схимонахамъ Георгiю, (Макаровскому), Макарiю (Зенину) и Клименту, о кончине схимонаха Мартинiана (Белоконь) въ Иркутской тюрьме.

+

«Слава Имени Iисусъ Христову! Слава Ему во веки!

Буди Имя Господне благословенно отъ ныне и до века!

1930 г. 12–25 февраля.

Дорогiе мои Батюшки о. Георгiй, о. Макарiй и о. Климентъ. Благословите. Земно кланяюсь вамъ узники Христовы, ублажаю и почитаю ваши страданiя из–за Байкальскихъ горъ, изъ далекой суровой и холодной Сибири, изъ западноречья реки Лены, мысленно прихожду къ вамъ и имею честь приветствовать и поздравить васъ съ Великимъ Постомъ а дальше и поздравляю съ Великимъ Пр. Благовещенiя, Вербного Воскресенiя, а наилучше приветствую съ Великимъ Торжественнымъ и Светлымъ Христовымъ Воскресенiемъ, и тако воскликнемъ Богу гласомъ радованiя, Христосъ Воскресе!

Простите ради Господа, не было у меня адреса вашего, почему и не могъ сообщить, изъ Соловковъ мы тронулись 17 Iюня на заговены, изъ Петрограда мы тронулись на Петра и Павла, 13 Iюля мы прiехали в г. Иркутскъ. И мой Старецъ до такой степени изнемогъ безъ горячей пищи ослабелъ, открылся поносъ кровавый, одно горе и другое большее, нигде мы не поспешили съ хорошими людьми поместиться въ вагоне, а все сзади, и насъ съ босяками садятъ, крадутъ сахаръ, сухари, ну это ничего, мы утешаемся беседою разгоняя скорби, напримеръ въ г. Иркутске старца полумертвого привезли въ изоляторъ въ тюрьму, тутъ хотя и горячая пища, но уже поздно, еще более заболелъ старецъ, по приказу отвезли въ больницу, только три дня полежалъ а потомъ тихо о Господе скончался, подавали на свиданье, не обратили вниманiя, еще подалъ заявленiе, не допустили, на утро въ субботу 21 Iюля слухъ прошелъ слепой старикъ померъ.[1] [2] Я опять подалъ заявленiе, тоже не пустили, я еще заявленiе насчетъ одежды, всеравно въ резонъ не принимаютъ. Какъ я горько поплакалъ и погоревалъ, скучно мне стало, погнали насъ еще за 1000 верстъ отъ г. Иркутска въ Киренскъ и по деревнямъ разместили, сначала хорошо было. Богъ послалъ хорошихъ людей, я у нихъ за кусокъ хлеба работалъ, а потомъ свыше пришло повеленiе чтобы все вошли въ коммуну, и теперь по всемъ деревнямъ все до единого записались въ коммуну и мой хозяинъ записался. Круто мне пришлось. Хлеба негде купить, по великой нужде я поступилъ въ работники кормить молодыхъ лошаковъ безъ подписи, обещали паекъ наравне давать, ну что делать, приходится въ Праздники и Воскресные дни работать. Покорнейше прошу васъ, что мне делать, какъ мне выйти изъ такого положенiя. Выдача пайка 19 кг. муки въ месяцъ 7 ½ фунтовъ мяса въ месяцъ, мне должны за мясо муки дать, а тутъ беда холодно, уже 17 Февраля, заговены и градусовъ 30 морозъ, а у меня всю зиму чири напали, это хуже всего. Простите ради Господа, я вамъ скажу за о. Павла, мы въ Соловкахъ соборомъ обсудили чтобы никого не связывать какъ не имеемъ власти, а только советовать, почему и решили новониколаевцамъ написать какъ хочете, какъ ваше желанiе, если же они отъ 23 года еще не говели, то они какъ православные заботились объ этомъ, конечно, я написалъ о. Павелъ чисто Православный но вамъ кто–то наговариваетъ будто бы о. Павелъ не православный и поминаетъ Тихона, вы то знаете, онъ вместе со старцемъ Иларiономъ. Первый Имяславецъ, его из–за старца Иларiона не пускали въ трапезу. После 13 года о. Павелъ и о. Димитрiанъ не стали ходить на общую молитву, а мы то миленькiе шатались семо и овамо, никакого Тихона не поминаетъ, я буду застаивать всехъ сторочковскихъ имяславцевъ. Они какъ почитаютъ, какъ благоговеютъ предъ староафонцами, какiе стойкiе въ Вере, а мы ихъ будемъ отталкивать. Григоровичу Павлу и брату его и Патрикiю будто бы поднесли большую операцiю[3] умерли, будемъ стараться чтобы намъ не разделяться, св. Златоустъ запрещаетъ кушать съ матерщинниками, а намъ пришлось кушать, въ Бога ругаются, а съ ними сообщаемся, и мне пришлось, они молятся и я молюсь, что же теперь делать».[4]

Имя автора этого письма - монахъ Герасимъ (Тишевскiй); онъ – одинъ изъ трехъ авторовъ правдивыхъ описанiй афонской смуты, избитый въ 1913 году карательнымъ отрядомъ подъ командованиемъ архиеп. Никона, члена «Святейшего» Синода. (Объ этом: Протоиерей К.Борщ. «Имяславие».Т. 2. М. 2005. Ч. 1. С. 25: Свидетельство пострадавшего о. Герасима (Тишевского) объ избiенiи Афонскихъ исповедниковъ въ 1913 году).

Слава Ему во веки!

Аминь.

.

Служба и Акафистъ исповеднику Афонскому И Российскому Георгiю (Макаровскому)

(День рождения и Ангела 10-23.01.1872 г.

день кончины 27 августа 1964 г.)

Выпуск 2

На велицей вечерни.

Если служба безъ священника, благословляетъ старшiй: Молитвами святыхъ отецъ нашихъ, Господи Iисусе Христе Боже нашъ, помилуй насъ. Ликъ: Аминь. И поютъ:

1. Прiидите поклонимся Цареви нашему Богу.

2. Прiидите поклонимся и припадемъ Христу Цареви нашему Богу.

3. Прiидите поклонимся и припадемъ Самому Христу Цареви и Богу нашему

4. Прiидите поклонимся и припадемъ Ему.

Благослови душе моя Господа… (псаломъ 103)

Ектенiя: (Господи помилуй 12 разъ, и: Аминь)

Блаженъ мужъ: первый антифонъ.

Ектенiя: (Господи помилуй, 3 раза, и: Аминь)

Господи воззвахъ къ Тебе услыши мя… Гласъ 6.

Чтецъ читаетъ стихи: Положи Господи, храненiе устомъ моимъ… и прочiе, до: Аще беззаконiя назриши Господи…

Отсюда после каждого стиха поемъ стихиры.

Стихиры, на 6. гласъ 6:

Егда осташася без матери и отца, / тогда души ради спасенiя / съ братомъ твоимъ Феодоромъ, отче Георгiе, / часть родительскаго наследства своего, / отдасте Свято-Иверскому Скиту близъ Туапсе, / идеже бысте послушниками старца Софронiя, / и возлюбиша молитву Iисусову, / еюже обрели еси Отца Небеснаго, / и быша подъ покровомъ Владычицы Богородицы, / Имже отче вознеси святые молитвы твоя, / о насъ духовныхъ чадахъ твоихъ, / быти под покровомъ Матери Божiей.

Егда возгорелся еси желанiемъ, / поступити монахомъ въ пустынь Зосимову, / спасенiя ради души своея, / идеже прошелъ еси искусъ иноческiй, / настоятель же тебе рек: / быша бо у тебе две тысячи рублей, / мы бы приняли тебя въ монастырь; / ты же отче реклъ еси: / азъ родительское наследство отдахъ въ обитель Иверскую, / и ничтоже имам. / Некий же епископ рече тебе: / за деньги не надо поступати в монастырь.

Тогда удалился еси во святую Гору Афонскую, / идеже возгореся ересь имяборная, / восхулившая Имя Господне, / отвергшая Его Божество, / иноцы же разделишася: / на имяборцевъ и имяславцевъ, / ты же отче явился ревностнымъ имяславцемъ, / исповедникомъ Божества Имени Господа Iисуса./ Ныне же, яко имея дерзновенiе молитвенное ко Господу, / молися о насъ духовныхъ чадахъ твоихъ: / последовати исповедникамъ Сладчайшего Имени Iисусова, / Им же спастися душамъ нашимъ.

По изгнанiи иноковъ за Имя Господа Iисуса, / яко реклъ еси Iисусъ: / ненавидимы будете всеми Имене Моего ради, / претерпевый же до конца той спасется.[1] / Ты же отче подвизался еси въ пустыняхъ Кавказа, / вкупе с изгнанниками Афонскими, / ревнуя о Славе Имени Божiя; / молися, отче Георгiе, / и нам быти исповедниками, Сладчайшего Имени Iисуса, / и подвизатися въ молитве Iисусовой, / еюже ты вселилъ еси Господа въ сердце твое.

По усыновленiи твоем, бысть сестра твоя Марiамъ Макаровская, / Игуменiя Иверского Скита, / поселившагося въ пустыньке Иларiоновой / близъ Святаго источника, / она позваша тя, поведати старцу Софронiю событiя Афонскiе, / онъ же пребысть до конца имяборцемъ, / и сего ради посрамленъ бысть прелестiю вражiей. / Дорогой нашъ отче Георгiе, / укрепи насъ въ правой вере во Имя Божiе, / святыми твоими ко Господу молитвами.

Быша опечалена Игуменiя Марiамъ / противленiемъ старца вере во Имя Божiе: / и се явилась въ обители «святая» инокиня Макарiя, / ей же Ангелъ наливаше мvро на длань, / и она рекла сестрам: Ангелочекъ явился ей, / сестры и старецъ помазывались «мvром». / Вызванъ бысть старецъ Софроний отчитатися властемъ о «святой»; / и прибыша исповедницы Георгiй и Патрикiй, / и сотворися велiе чудо. / Святые Георгiй и Патрикiй молите Бога о насъ грешныхъ.

Богородиченъ: Богородице Приснодева, возвеличившая пресладкое Имя Сына Твоего во чреве суща, при встрече съ южикой Твоей Праведною Елисаветою, Ты рекла еси: «Величитъ душа моя Господа, и возрадовася духъ мой о Бозе Спасе моемъ, яко сотвори мне величiе Сильный, И СВЯТО ИМЯ ЕГО!»[2] Покрый насъ Владычице отъ всякаго зла честнымъ Твоимъ омофоромъ, славящихъ пресладкое Имя Возлюбленнаго Сына Твоего Iисуса.

Свете тихiй. Прокименъ дне.

1. Въ Воскресенье вечера, Гласъ 8: Се ныне благословите Господа вси раби Господни. Стихъ: Стоящiи во храме Господни, во дворехъ дому Бога нашего.

2. Въ понедельникъ вечера, Гласъ 4: Господь услышитъ мя, внегда воззвати ми къ Нему. Стихъ: Внегда воззвати ми, услыша мя Богъ правды моея.

3. Во вторникъ вечера, Гласъ 1: Милость Твоя, Господи, поженетъ мя, вся дни живота моего. Стихъ: Господь пасетъ мя, и ничтоже мя лишитъ: на месте злачне, тамо всели мя.

4. Въ среду вечера, Гласъ 5: Боже, во Имя Твое, спаси мя, и въ силе Твоей суди ми. Стихъ: Боже, услыши молитву мою, внуши глаголы устъ моихъ. (Псал. 53,3-4).

5. Въ четвергъ вечера, Гласъ 6: Помощь моя отъ Господа, сотворшаго небо и землю. Стихъ: Возведохъ очи мои въ горы, отнюдуже прiидетъ помощь моя.

6. Въ пятницу вечера, Гласъ 7: Боже, заступникъ мой еси Ты, и милость Твоя предваритъ мя. Стихъ: Изми мя отъ врагъ моихъ Боже, и отъ востающихъ на мя избави мя.

7. Въ субботу вечера, Гласъ 6: Господь воцарися, въ лепоту облечеся. Стихъ: Облечеся Господь въ силу и препоясася.

Стихъ: Ибо утверди вселенную, яже не подвижится.

Стихъ: Дому Твоему подобаетъ святыня, Господи, въ долготу днiй.

И чтенiй пять.

Чтецъ: Исхода чтенiе. И рече Моисей къ Богу: се азъ пойду къ сынамъ Израилевымъ и реку къ нимъ: «Богъ отецъ нашихъ посла мя къ вамъ: и аще вопросятъ мя, что Имя Ему? Что реку къ нимъ? – И рече: тако речеши сыномъ Израилевымъ: Сый посла мя къ вамъ. И рече Богъ паки къ Моисею: тако речеши сыномъ Израилевымъ: Господь Богъ отецъ нашихъ, Богъ Авраамовъ, и Богъ Исааковъ, и Богъ Iаковль посла мя къ вамъ: сiе Мое есть Имя Вечное.[3] Глагола же Богъ къ Моисею и рече ему: «Азъ Господь: и явихся Аврааму, и Исааку, и Iакову, Богъ сый ихъ: Имене Моего Господь, не явихъ имъ.[4] И рече Господь: «Не возьмеши Имене Господа Бога твоего всуе: не очиститъ бо Господь, прiемлющаго Имя Его всуе».[5] Не бо поклонитеся богомъ инымъ: ибо Господь Богъ ревниво Имя, Богъ ревнитель есть.[6] Да покажу на тебе крепость Мою, и яко да проповестся Имя Мое по всей земли.[7]

Втораго закона чтенiе.

Тако глаголетъ Господь: Господа Бога твоего боишися, и Тому Единому послужиши, и къ Нему прилепишися, и Именемъ Его кленешися.[8] Десятины да даси и да снеси я предъ Господомъ Богомъ твоимъ на месте, идеже изберетъ Господь Богъ твой призывати Имя Его тамо. Да принесеши десятину пшеницы твоея… да научишися боятися Господа Бога твоего вся дни: аще же далече будетъ путь отъ тебе, и не возможеши донести ихъ, яко далече место отъ тебе, еже изберетъ Господь Богъ твой, и продаси сiе на цене.[9] «Не возможеши жрети пасху… но токмо на месте, еже изберетъ Господь Богъ твой призывати Имя Его ту.[10] Того (колено Аарона) избра Господь Богъ твой отъ всехъ племенъ твоихъ, предстояти предъ Господомъ Богомъ твоимъ, служити и благословити во Имя Господне, той и сынове его во вся дни… Да служитъ Имени Господа Бога вашего.[11] Пророка возставлю имъ отъ среды братiй ихъ, якоже тебе: и вдамъ Слово Мое во уста его и возглаголетъ имъ, якоже заповедаю ему; и человекъ той, иже не послушаетъ словесъ его, елика возглаголетъ пророкъ оный во Имя Мое, Азъ отмщу отъ него.[12] Аще не послушаете творити вся словеса закона сего, написанныя въ книге сей, еже боятися Имене честнаго и чуднаго сего, Господа Бога твоего. И удивитъ Господь язвы твоя… дондеже потребитъ Тя.[13]

Книги первыя Паралипоменона чтенiе.

Во время оно и весь Израиль взыде во градъ Давидовъ… еже вознести тамо Кивотъ Господа Бога, седяща на херувимехъ, идеже призвано есть Имя Его.[14] Въ той день устрои Давидъ въ начале хвалити Господа рукою Асафа и братiи его: исповедайтеся Господеви, и призывайте Его во Имени Его. Знаемы сотворити людемъ начинанiя Его. Пойте Ему и воспойте Ему: поведите вся чудеса Его, яже сотвори Господь. Хвалите Имя Святое Его.[15] Рече же Давидъ Соломону: чадо мне бяше въ сердце, да созижду домъ Имени Господа моего. И бысть слово Господне ко мне, глаголющее: многи крови пролiялъ еси, и многи брани сотворилъ еси, не созиждеши домъ Имени Моему… Се сынъ родится тебе… той созиждетъ домъ Имени Моему.[16] Возстаните и созидайте Святыню Господу Богу вашему, да внесется Кивотъ Завета Господня, и сосуды святыя Богови въ домъ, созидаемый Имени Господню.[17] И благослови царь Давидъ Господа предъ всемъ множествомъ, глаголя: Благословенъ еси Господи, Боже Израилевъ, Отецъ нашъ отъ века и до века… И ныне, Господи, исповедаемся Тебе и хвалимъ Имя хваленiя Твоего.[18] Господи Боже нашъ, да созиждется домъ Имени Святому Твоему.[19]

Пророчества Исаiина чтенiе.

Тако глаголетъ пророкъ: Се Богъ мой, Спасъ мой… воспойте Имя Его, возвестите во языцехъ славная Его: поминайте, яко вознесеся Имя Его. Хвалите Имя Господне.[20] Господи, Боже нашъ, прославлю Тя, воспою Имя Твое, яко сотворилъ еси чудная дела.[21] Уповахомъ на Имя Твое… Господи Боже нашъ, стяжи ны: Господи, разве Тебе иного не вемы: Имя Твое именуемъ.[22] Се Имя Господне идетъ временемъ многимъ, горящая ярость Его: со славою слово устенъ Его, слово гнева полно.[23] Яко Имя Господне велико вамъ есть.[24] Азъ Господь Богъ, сiе Мое есть Имя, славы Моея иному не дамъ.[25] Васъ ради присно Имя Мое хулится во языцехъ. Сего ради познаютъ людiе мои Имя Мое въ той день, яко Азъ есмь Самъ глаголяй, ту есмь.[26] Господь Саваофъ Имя Ему; избавивый тя, Святый Богъ Израилевъ.[27] И явлено будетъ Имя Твое въ сопротивныхъ Твоихъ.[28] Напоминайте, что велико Имя Его.[29] Услышите Глаголъ Господень трепещущiи словесъ Его: рцыте, братiе, ненавидящимъ вамъ и гнушающимся, да Имя Господне прославится, и явится въ веселiи ихъ, и они посрамятся.[30]

Пророчества Малахiина чтенiе.

Тако глаголетъ Господь: Вы священницы, презирающiе Имя Мое… Несть воля Моя въ васъ, глаголетъ Господь Вседержитель, и жертвы не прiиму отъ рукъ вашихъ. Зане отъ востокъ солнца, и до запада Имя Мое прославися во языцехъ, и на всякомъ месте фимiамъ приносится Имени Моему, и жертва чиста, зане велiе Имя Мое во языцехъ. Зане Царь велiй Азъ есмь… И Имя Мое светло во языцехъ.[31] И ныне заповедь Моя сiя къ вамъ, священницы: аще не услышите, и аще не положите на сердцахъ вашихъ, еже дати славу Имени Моему, глаголетъ Господь Вседержитель, то послю на вы клятву, и прокляну благословенiе ваше, и оклену е: и разорю благословенiе ваше, и не будетъ въ васъ, зане вы не влагаете въ сердца ваша.[32] Заветъ Мой бе съ нимъ (Моисеемъ) жизни и мира, и дахъ ему боятися Мене, и отъ лица Имене Моего устрашатися ему… Вы же растлисте заветъ Левiинъ.[33] И написа книгу памяти предъ собою боящимся Господа и благоговеющимъ Имя Его.[34] И возсiяетъ вамъ, боящимся Имене Моего, Солнце правды и исцеленiе въ лучахъ его.[35]

Ектенiя, Рцемъ Вси: ( Господи помилуй, 12).

Сподоби, Господи:

Ектенiя просительная: (подай, Господи, 12)

На литiи стихиры, гласъ 8:

Убояшася старецъ Софронiй явитися ко властемъ / отчета ради о «святой Макарiи» / и нощiю оставиша обитель убежаша. / Марiамъ же Игуменiя упросиша его, / поручити Скитъ духовному руководству отцамъ Афонскимъ./ Они же заповедаша сестрамъ обители / усилить молитву и наложити тридневный постъ, / да явитъ Господь, святая ли Макарiя, / или сущи въ прелести. / Молитве бывшей третiяго дне, / инокиня кланяяся узрела сосудъ с розовымъ масломъ подъ топчаном Макарiи, / сiя же призналась, яко сама наливала масла на ладонь / и объявляла: яко явился ей Ангелочекъ. / Старецъ же страха ради и позора убежалъ. / Тако Господь посрамилъ имяборца Софронiя прелестiю.

Таковому чудеси сущу,/ изгна Господь изъ обители старца-имяборца, / и поставиша старцемъ Патрикiя / изгнанника Афонского за Имя Господне, / емуже создася затворъ, / чрезъ оконце бо наставляше ко спасенiю сестеръ обители, / прославляя Имя Господне./ Ты же отче Георгiе, / небоязненно явился еси ко властем, вместо Софрония, / и мудро отчитался еси, / яко запят тобою быша следователь, отпустиша тя; / да и мы нестрашливы будемъ / егда поведутъ ны ко властемъ и владыкамъ Имени Iисусова ради. / И тако исполни Господь молитву Софронiя при основании обители: / благодать святой Горы Афонской / явилася в обитель сiю / и избавила ю отъ прелести и ереси имяборной.

Чудеси явно сущу, / обитель Иверская при Софронiе / быша имяборческая, / егда же онъ страха ради убежавъ, / сташа обитель Имяславческая, / и явишася въ ней святiи мученицы: / Егда заявила власть: / превратити обитель яко артель / делати пуговицы государству, / либо будетъ разогнана. / Инокини же молиша старца и игуменiю / да будетъ обитель внешне артель, / внутренне же обителiю / спасенiя ради инокинь, / дабы не быти разоренной.

Слава: гласъ 2:

Церковь Небесная Торжествующая, / и Церковь земная воинствующая, / дивное Имя Твое, Iисусе Спасе нашъ / вкупе воспеваютъ торжествующе,[36] / Ему же поклоняются Ангели и человецы;[37] / глаголетъ бо апостолъ Петръ: / несть инаго Имене, кроме Iисусова, / имже подобаетъ спастися намъ.[38] / На конецъ же вековъ явися имяборное отступленiе, / еже апостолъ Павелъ возвестилъ.[39] / Самъ Господь открылъ Божество Своего Имени: / «Азъ Господь Богъ, Сiе Мое есть Имя Вечное»[40]. / Избави Господи, отступленiя отъ веры въ Пресвятое Имя Твое, / и пребуди съ нами до скончанiя века, яко обещался еси,[41] / Твоего угодника ради Георгiя молитвами.

И ныне: Богородиченъ, гласъ 6:

Сохрани насъ, Владычице Богородице, / отъ всякихъ бедъ и искушенiй, / во дни сiя лютые / отступленiя отъ Имени Божiя, / сладчайшего Имени Iисусова, / но сохрани насъ въ правоверiи славы ради Имени Iисусъ Христова.

На стиховне стихиры, гласъ 6:

Сердоболенъ бе старче Патрикiе, / моленiя ради насельницъ Скита, / согласился еси обители внешне быти артелью; / коварный же врагъ потребовалъ имети красную комнату и красный флагъ, / старецъ съ игуменiей отказашася от сего приказанiя. / Сего ради обитель врагом разорена еси: / десять инокинь отправлени въ Соловки, / игуменiя Марiамъ и старецъ Патрикiй убiени быша въ Ростовской темнице, / ихже сподобилъ Господь венцевъ мучениковъ-исповедниковъ, / Темже молимъ васъ святiи мученицы: молитеся о насъ ко Господу / пребыти и намъ непричастными антихристу до кончины нашея.

Стихъ: Принесите Господеви славу и честь, / принесите Господеви Славу Имени Его[42].

Отцы исповедницы Афонстiи, / съ ними же и ты отче Георгiе, / выступили крестнымъ ходомъ, / противу пропаганды безбожiя власти антихристовой, / и противъ паспортовъ без званiя христiанскаго, / и сослани быша въ Соловки, / ты отче со отцы сослани въ Казахстанъ, / идеже проповедая Славу Имени Божiя писахъ во все концы, / непрестанно пребывая въ молитве Iисусовой, / и тамо обрелъ еси чадъ духовныхъ. / Молися о насъ отче Георгiе, / пребыти намъ въ вере во Имя Божiе, / и въ молитве Iисусовой, до кончины нашея.

Стихъ: Господи Господь нашъ, / яко чудно Имя Твое по всей земли![43]

По ссылке жилъ еси въ Екатеринодаре, / въ тесном чулане, / питаяся трудомъ рукъ своихъ, / дея непрестанно молитву Iисусову, / трудился еси въ проповеди Имяславiя, / въ обличенiе Имяборчества, / и многiя чада возымелъ духовныя, / наставляя ихъ словомъ Божiимъ, / писалъ еси во все веси. / Молися о насъ отче Георгiе, / да последуемъ стопамъ твоимъ въ вере во Имя Господне / и творити молитву Iисусову непрестанно.

Слава, гласъ тойже:

Вера твоя, отче, во Имя Бога, быша адамантова. / Ревностнымъ исповедникомъ яви Тя Господь, / презрелъ бо еси мiръ сей и славу мiрскую, / и облеклся еси въ смиренную мантiю, и схиму прiялъ еси, / готовъ былъ еси прiяти смерть за Имя Господне; / и ныне въ лике святыхъ исповедниковъ, / славиши Имя Пресвятыя Троицы; / молися о насъ отче Георгiе, / да сподобитъ и насъ Господь вкупе съ тобою, / на небеси славити Имя Господне.

И ныне. Богородиченъ, гласъ тойже:

О, Пресвятая Владычице Богородице! / Умилосердися надъ нами грешными, / славящими Сладчайшее Имя Сына Твоего и Бога нашего Iисуса; / моли благость Его, / да сохранитъ ны в лютую сiю годину искушенiя / и всемiрного отступленiя / отъ Державнаго Имени пресладкаго Iисуса Сына Твоего и Бога нашего.